معلش اصل انا معلوماتي في العربيات على قد حالي
يعني ايه عفشع ناشفه؟؟؟ وبتضايق في ايه؟؟ واعرف ازاي ان عفشة عربيتي ناشفه ولا ناعمه
طيب.... يعني ايه ثبات على السرعه العاليه؟؟؟ باحس بيها ازاي؟؟ مش فاهم
يعني انا لما باكون مسافر وماشي مثلا على 120 كم...
ازاي اقول انها ثابته ولا لأ؟؟؟ اعرفها منين.؟؟؟؟
معلش استحملوني....:embarrassed2::arghh:
على فكرة أنا برده معلوماتي في العربيات متواضعة بس ان شاء الله هاقوللك اللي أعرفه
عفشة ناشفة يعني وانت راكب العربية بتحس بالمطبات بعكس العفشة الناعمة مابتحسش بالمطبات وبتفيد طبعا في راحة الركاب أكتر وأعتقد تقريبا ان ليها تأثير على جسم العربية نفسه بس مش عايز افتي في حاجة مش فاهما قوي وممكن ان شاء الله يكمل معلومتي عضو من اللي عندهم علم أكتر مني
أم الثبات على السرعات العالية معناه انك لما تمشي بالعربية بسرعة (مثلا 120 كم/س زي ماقلت تحس ان العربية ثابتة على الأرض مش عمالة تروح وتييجي وأي شوية هوا يحركوها.. يعني العربية مستقرة.. والله أعلم
ارجو انك تكون فهمت حاجة من كلامي لإني تقريبا انا شخصي مش فاهمة
لازم تفرق الأول بين الثبات على الطرق السريعة, يعنى الثبات و انت ماشى على سرعة عالية فى خط مستقيم, و الثبات فى المنحنيات و أثناء الانطلاق و الكبح(الفرملة).
الثبات فى النهاية هو مستوى التصاق الاطارات بالأرض.
فى الطرق السريعة تواجه السيارة مشكلة كبيرة, هى ارتفاع المقدمة و تخفيض وزنها بفضل مرور الهواء تحت السيارة, لذا فان وزن السيارة يقل كلما زادت السرعة, كما يشكل الهواء المواجه لها مقاومة عاتية, فيقل ثبات السيارة تدريجيا مع انخفاض الوزن.
عشان تفهم أكتر, تخيل انها طائرة يرفعها الهواء, بفعل السرعة, و بالتالى وزنها بيقل.
و بالتالى عندما يقل وزن السيارة يقل التصاقها بالأرض, و يمكنك أن تشعر بذلك عندما تمر بجانبك سيارة ثقيلة (نقل), فسوف تشعر أن السيارة تميل ناحية الهواء, كما سوف تشعر بخفة جهاز التوجيه و هو ما يدل على عدم ثبات السيارة.
و عموما العامل الأساسى فى موضوع الثبات على السرعات العالية هو الوزن الكلى للسيارة, و خاصة المتركز على المحور الأمامى, و طبعا ارتفاعها عن الأرض و انسيابية السيارة.
و يصنف الثبات على السرعات العالية كنوع من الراحة, و غالبا ما تكون السيارات الفارهة مثل مرسيدس, بى ام فى ثابتة على السرعات العالية بفضل وزنها المرتفع.
سيارات الدفع الأمامى أفضل ثباتا على السرعات العالية من سيارات الدفع الخلفى نظرا لتركز الوزن فى مقدمة السيارة, لكن سيارات الدفع الخلفى أكثر ثباتا فى المنحنيات كما سوف نرى لاحقا. و ليس هناك علاقة بين ثبات السيارة على الطرق السريعة و قسوة التعليق بشكل كبير.
بالنسبة لموضوع "نشوفيه" العفشة, فهى تعنى قسوة التعليق, و هى تنعكس على قلة الراحة فى الطرق الوعرة, لكنها تعنى فى الوقت نفسه ثباتا أكثر, و تجد السيارات الرياضية قاسية التعليق دائما.
لماذا؟
هذا يتعلق بموضوع توزيع الوزن, يعنى أثناء الانطلاق تميل السيارة للخلف, و أثناء الكبح تميل للأمام, و أثناء الانحناء تميل عكس اتجاه المنحنى.
عندما تميل السيارة, يحدث تبدل للأوزان, و قد يؤدى هذا التبدل فى الأوزان الى قلة ثبات العجل الذى لا يحمل وزنا, مما يؤدى الى انزلاقه.
لذا فى السيارات الرياضية يكون نظام التعليق قاسيا بحيث لا يسمح بتبدل الأوزان بشكل كبير, يعنى تاخد الملف من غير ما العربية تميل على الناحية الأخرى.
و نفس الأمر فى خلال الانطلاق و الكبح.
طبعا توزيع الوزن الأصلى مهم جدا, فيجب أن يكون توزيع الوزن فى السيارة فى المنتصف تماما, 50% على المحور الخلفى و 50% على المحور الأمامى, و هو ما لا يتحقق فى سيارات الدفع الأمامى, و يتحقق بشكل أفضل فى سيارات الدفع الخلفى.
هذا الى جانب مشكلة أخرى هى التفاف الاطارات حول نفسها, و خاصة أثناء الانطلاق فى سيارات الدفع الأمامى و أثناء الانحناء, و التى تسمى "أندير ستيرنج".
فمثلا فى أثناء الانطلاق, تميل السيارة الى الخلف و يزيد الوزن على المحور الخلفى, و يقل على المحور الأمامى, مما يجعل العجلات الأمامية غير مستقرة, لذا تلتف حول نفسها فى سيارات الدفع الامامى, أما فى سيارات الدفع الخلفى, فان العجل الخلفى هو الدافع و فى الوقت نفسه فهو يحمل الوزن الأكبر, و لذا تنطلق سيارات الدفع الخلفى بسرعة أكبر من سيارات الدفع الامامى و بقدر أقل من الانزلاق.
و طبعا لا يخفى عليك أن السيارة ذات التعليق الناعم, أكثر راحة, لكنها أقل ثباتا, و العكس, السيارات التى تتمتع بقسوة التعليق أكثر ثباتا فى مختلف ظروف القيادة. و الوزن لا يعنينا هنا بقدر ما يهمنا توزيع الوزن, و ارتفاع السيارة, و تصميم العفشةو قسوة التعليق, و عرض الاطارات, و ووضعية المحرك و نظام الدفع.
فادي
ايه الجمال ده
ربنا يكرمك
متشكرين يا جميل
جزاكم الله خيرا
الله ينور يا استاذ فادي
جزاك الله كل خير
احييك يا استاذ فادي علي الشرح الجميل المبسط ده
فادي
سيبك من الكل الكلام الجميل اللي قولته ده
المهم إن أسلوبك ممتاز :) :)