يا ريت نتناقش بموضوعية وبدون تعصب
علاقة اسرائيل بتركيا علاقة استراتيجية اقتصاديا وعسكريا وسياسيا
لكنها رفضت الاعتذار لها بمنتهى الصلف عن قتل 9 اتراك كانو على متن السفينة مرمرة في قافلة الحرية قبالة شواطئ غزة
الاغلبية كانو ينتظرون عدم الاعتذار لمصر وخاصة بعد احداث السفارة الاسرائيلية الذي وضع الديبلوماسية المصرية في حرج دولي
لكن انا كنت شبة متأكد من ان اسرائيل ح تعتذر
ياريت اعرف وجهات نظر الزملاء
وزي ما اتفقنا بدون تعصب وبموضوعية
ممكن نربطها بصفقة الافراج عن شاليط
اصل طوب الارض حاول فيها و منفعتش الا اليومين دوول
شغل عالى من المخابرات .............يمكن
+11111111111111اقتباس:
المشاركة الأصلية كتبت بواسطة mtak
لو اعتذرت اسرائيل لتركيا يبقى بتقر بعدم شرعيه حصار غزه- اللى الامم المتحده المعفنه اقرت اسرائيل عليه
لكن بالنسبه لمصر اسرائيل فاهمه كويس خطورة فتح جبهه معانا- بعد 67 كنا اضعف من دلوقت بكتير جدا- ومع ذلك كانوا بيحاولوا باى طريقه- من ورا الستار طبعا انهم يعقدوا صفقة سلام- دلوقت مع روح العداء الشديد ضدهم من الشعب - ولان المخلوع الخائن كان مطمنهم ان مفيش حرب كانوا نافشين ريشهم- للعلم الخائن ومن شهادات ناس كانوا على قرب منه قبل وبعد الرئاسه- عمره ما كان بيثق فى قدره المصريين ولا بيحترمهم- واعتقد المخسوفه مراته كانت هى السبب -دم انجليزى بقى - عكس السادات- الله يسامحه على اختياره الاسود وقرراته الغبيه المغروره اخر ايامه =السادات كان عنده قناعه بقدره المصريين على الحرب - دلوقت- اسرائيل شايفه ان فى جيل جديد من العرب كلهم مستعدين للشهاده فى سبيل حقوقهم- مهما كان تفوقها العسكرى مش حتقدر تحارب الروح دى
عشان المطوة بتاعتنا...انما الفلوس مش بتاعتنا
ههههههههههههههههههههههههه هاقتباس:
المشاركة الأصلية كتبت بواسطة icehearted girl
الكلمه دي فابريكه بره جوه
nice commentاقتباس:
المشاركة الأصلية كتبت بواسطة icehearted girl
الموضوع وااااااااااااااااااضح مصر استغلت موضوع الاسير وحطت ان من ضمن الشرووط الاعتذار بس بعد قد اييييييه :(
اسمحولي اختلف معاكم
انا رأيي ان موضوع الاسير مالوش علاقة بالموضوع
وكمان انا شايف ان موضوع الاسير لسة ماخدش حيز التنفيذ .... وممكن اوي الموضوع يبوظ في آخر لحظة علشان بعض اسماء الاسري زي البرغوثي وسعدات .... وده احتمال وارد
....
نحلل الموضوع بشكل سياسي ...
..
1-في حالة تركيا الاتراك كانوا في مياة اقليمية ..... وفي طريقهم لغزة اللي هيا تعتبر تحت احتلال اسرائيل.... يعني دول بالنسبة لاسرائيل كانو بيتحدو الارادة والخيبة ( اقصد الهيبة ) السرائيلية
لكن في حالة مصر .... الجنود كانو داخل حدود مصر ......واسرائيل انتهكت الحدود المصرية وقتلتهم داخل حدودنا ... وده في عرف السياسة انتهاك خطير لدولة تربطها بها معاهدات .... وده شيء يستوجب الاعتذار
..
2- الوضع في مصر بعد الثورة مسبب ارباك كلير لاسرائيل وقلق عن مستقبل العلاقات بيننا وهما لسة لغاية دلوقت مش قادرين يرسمو خرائط سياسية مستقبلية لتوازنات المنطقة خاصة ان مصر لها تأثير اقليمي كبير سواء كان حكوميا او شعبيا .....اضف الى ذلك الوضع المكهرب في سوريا وبالتالي لبنان ...... يبقى اسرائيل لو جازفت بتوتر علاقتها مع مصر في التوقيت ده تبقى بترتكب حماقة سياسية
..
3- اسرائيل في حالة تركيا كانت تقصد ما فعلته .... يعني القتل كان عمدا ولم يكن خطأ .... وده كان رسالة موجهه لتركيا وللجميع ان كسر الحصار البحري عهلى غزة خط احمر بالنسبة لهم ..... يبقى يعتذروا ازاي ...... لو اعتذروا يبقى بكرة ح تلاقي قوافل حرية لا حصر لها ....
لكن في حالة مصر انا اعتقد ان فعلا اسرائيل قتلت الشهداء المصريين خطأ ....لأن الفدائيين اللي عملوا عملية ايلات وهما كانو بيطاردوهم كانو لابسين لبس مشابه للبس القوات المصرية .....
..
4 - النقطة الفاصلة فا الموضوع
لو تكرر سيناريو القافلة التركيا لكان تصرف اسرائيل هو نفسه
لكن لو تكرر احداث الحدود المصرية مستحيل يكون تصرف اسرائيل نفسه
..
..
5- اسرائيل عاوزة تغير الشكل القبيح الذي اكتسبته من عملية مرمرة في العالم كلة وتبرهن للعالم انها من الممكن ان تعتذر لو اخطأت ...... لكن عملية مرمرة لها اسباب اخري وظروف مختلفة
..
واخيرا
الله يحرق اسرائيل ويلعنها وينتقم منهم شر انتقام ويرينا فيهم يوما اسودا ويقتلهم قتل عاد وإرم ... آمين
..
..
..
المطوة بتاعتنا والفلوس مش بتاعتنا .......:majd(4): .... ماشي يا ضحي .... ابقي قابليني لو دوقتي فتفوتة اكل بكرة :redeye:
و لية السبب ما يكونش علشان تسليم الجاسوس الاسرائيلى الى فى قبضة المصرين حاليا
............. منقول .............
إتمام الصفقة مطلع الأسبوع القادم
الجاسوس إيلان مقابل 81 سجينا مصريا
منذ 2 ساعة 6 دقيقة
كشفت مصادر مطلعة لـ"بوابة الوفد" أن صفقة إطلاق الجاسوس الإسرائيلي إيلان جرابيل ستتم مطلع الأسبوع المقبل مقابل إطلاق 81 سجينا مصريا في السجون الإسرائيلية.
وأوضحت المصادر أن التحقيقات الجديدة التي أجرتها أمس نيابة أمن الدولة العليا مع جرابيل، وتضمنت تهمة جديدة ضمن لائحة الاتهام المسندة إليه تتعلق بالتحريض على تخريب أملاك مخصصة لمصالح حكومية، لن تؤثر على مسار الصفقة.
وتتفق معلومات "بوابة الوفد" مع ما نشرته صحيفة "يديعوت أحرونوت" الإسرائيلية قبل يومين، مشيرة إلى أن مصر ترغب في إطلاق "إيلان" مقابل 81 مصريا في السجون الإسرائيلية.
وأضافت الصحيفة أن السلطات المصرية رفضت طلبا أمريكيا بإطلاق سراح جرابيل الذي تعتقله القاهرة منذ يونيو بدون مقابل، حيث اشترطت إطلاقه مقابل مصريين في سجون إسرائيل.
وتابعت أن وزير الدفاع الأمريكي ليون بانيتا تقدم بطلب خلال زيارته للقاهرة لإطلاق سراح جرابيل، إلا أن مصر رفضت وقالت إنها تريد إطلاق سراحه مقابل مصريين تحتجزهم إسرائيل بينهم ثلاثة قصّر.
وأوضحت الصحيفة أن مصر قدمت مطالب أخرى ويجري حاليا فحصها في تل أبيب وواشنطن، إذا وافقت على الشروط، ومن المتوقع أن تبدأ مصر وإسرائيل في محادثات مباشرة تهدف إلى عقد صفقة.
اقرأ المقال الأصلي علي بوابة الوفد الاليكترونية الوفد - الجاسوس إيلان مقابل 81 سجينا مصريا
http://www.nilemotors.net/Nile/249410-a-17.html
كلنا بندور فى نفس الفلك ......
بس هى نقطة ذكية تحسب للمخابرات المصري و المفاوض المصرى
بصراحة سأتفق معك تماما فى النقطة دىاقتباس:
المشاركة الأصلية كتبت بواسطة hobiko
+++++++++++++++++++++11111111111111111
والله ممكن ...اقتباس:
المشاركة الأصلية كتبت بواسطة heshamzaky
انا اللي استبعدته هو صفقة شاليط
لكن في حالة الجاسوس الجديد الامر يختلف
وان كنت ايضا اميل الي ان يكون السبب مختلف
لو كان ده جزء من الصفقة كان الافراج عنه يبقى متزامن مع الاعتذار
لكن الموضوع لسة بيتم التفاوض فيه
...
الله يجازيك بافعالك يا مبارك كان زمانه افرج عنه مقابل ............
ربنا ينتقم من كل ظالم وخاين وفاسد وعميل
مصر لما تتفاوض على موضوع الافراج عن 1023 فلسطينى شيىء كويس جدا بس برضو دة مش سبب كافى أن اسرائيل تعتذر أنت كمصرى عفوا كسبت اية غير الصيت مثلا مثلا يعنى
بس لما يبقى فى ايدك انت شيىء ((( الجاسوس الاسرائيلى يعنى ))) دة الكارت الحقيقى الى ممكن تضغط بية و تتفاوض بية
و الله اعلم
http://www.masress.com/soutelomma/1951
المبدا الى تغلب بة العب بة
و الى عاوز حاجة يدفع تمنها
و كل سلعة و لها ثمن
و الا حبل المشنقة موجود
لكن تفتكر اسرائيل بكل مكرها وخبثها ح تعتذر الاول .... وبعدين تكمل التفاوض على الجاسوس بتاعها ....اقتباس:
المشاركة الأصلية كتبت بواسطة heshamzaky
انا شايف ان اسرائيل كانت ح تعتذر آجلا ام عاجلا
انت عارف لو مصر لم تأخذ الترضية الكافة ماذا ستكون النتيجة
لو مصر مجرد اغفلت او اغمضت عينها عن بعض المتسللين على الحدود ده ح يسبب كمية مشاكل لا حصر لها لاسرائيل
وكمان مصر حتى لو اسرائيل رفضت الاعتذار كانت لازم تتفاوض لتبادل المصريين بهذا الجاسوس ..... يعني لو مصر سجنته او اعدمته كانت ح تستفيد ايه ...... الاهم في هذه الحالة هو مقايضته باكبر عدد من المصريين في السجون اتلاسرائيلية ...
وجهة نظر
بص يا حاج احمد الاول أزيك يا باشا
الموضوع بيبقى متشعب و مش سهل كدة بيدخل فية حسابات كتير جدا جدا و حسابات مختلفة و متعددة
بس الى انا شايفة ان الاعتذار مش علشان اسرائيل تقايض 1000 فلسطينى لآ مش السبب الموضوع الفلسطينى دة الى عاوز أوضحة من وجهت نظرى الشخصية.
كون ان الاعتذار الاول و لا تسليم الجاسوس الاول مش فارقة بيبقى فية اتفاقيات و المرين الى بيتفاوضو كلمتهم واحدة دة شغل مخابراتى مش ناس عادية زى الى فى الشارع و الميدان كل يوم بكلمة
لسبب بسيط جدا ان الاتراك هما اللي حاولو يدخلو عليهم وعايزيينا ناخد درس ان اي حد الشجاعه تاخده ويحاول يعملها تاني هيكون مصيره كده وغير مأسوف عليه من ناحيتهم بس الجنود في مصر كانو في حالهم وماتو جوا ارضهم فدا كان اعتذار لازم يكون من اول مادخلو وقتلوهم مش بعد ده كله ومش من مصلحه اسرائيل تقتل الجنود دول لان كل يومين اسمع انهم قتلو افريقي حاول يدخل علي اسرائيل بطريقه غير شرعيه يعني مامنينلهم الحدود وكمان يقتلوهم
أعتقد إن الإعتذار ده فعلا كان من ضمن شروط الإفراج عن الجاسوس الإسرائيلي
لإن موضوع إسرائيل تعتذر عشان تحقيقاتهم طلعتهم غلطانين ده مش داخل دماغي خالص
من إمتى الناس دي كانت عندها ضمير و بيعترفوا بأي خطأ إرتكبوه , دول عالم في منتهى البجاحة و الصلف و مايهمهش إلا مصلحتهم و بس , وصورتهم قدام العالم مش هاتفرق معاهم لإنها ضايعة أصلا
+++++++++++111111111111111اقتباس:
المشاركة الأصلية كتبت بواسطة a_h_m_a_d
بالظبط كدة مصلحتهم فين حا يعملوها
الى لة مصلحة عندى أقولة يا عمى دة المبدأ لغاية ما تاخد مصلحتك دة المبدا عندهم
ناعم جدا لغاية ما ينول المراد و فى الميدان عادى جدا ممكن يرميك بارصاص
((((((((((( مفيش عواطف ))))))))) كلها مصالح و منفعة متبادلة
ربنا يبارك فيك ويعزك يا هشام باشااقتباس:
المشاركة الأصلية كتبت بواسطة heshamzaky
...
انا اللي مخليني اعتقد بعدم وجود علاقة مباشرة هو ان اسرائيل ضحت بمصالح اقتصادية وعسكرية وسياسية في سبيل عدم الاعتذار لتركيا ......
يعني اعتذارها عندها اكبر من جاسوس ح يتم تبادله ......
الموضوع موضوع ضمانات امنية حدودية تريد ان تحصل عليها
وبعدين زي ما قلت في المشاركة الاولى ...... دول انتهكو الحدود وقتلو الجنود داخل الاراضي المصرية .... ومصر فيها ثورة ..... ومش عارفين مين اللي ح يحكمها ... اخوان ولا سلفيين ولا يساريين ولا برادعيين ..... ومش عارفين ايه ح يكون موقفها من قضايا اسرائيل ....... ومصر ( برغم كل ما يتعمد البعض قوله من تقليل شئنها ) هي اكبر خطر يهدد وجود اسرائيل
ومصر هي عدوة بني اسرائيل اللدود من ايام فرعون وهامان وجنودهما من قبل ميلاد المسيح عليه السلام
يعني اسرائيل حاليا بتحاول عدم اعطاء الحكومات المصرية القادمة ايا كانت اي فرصة لمجرد اعادة النظر في اتفاقيات السلام ..... والا اسرائيل ح تتشتت بين التهديدات الغزاوية واللبنانية وحزب الله والمجهول الذي ينتظرونه فيما بعد حكم بشار في سوريا وباقي الجيران الاعداء ...... والادهي هو الخطر الداخلي الذي وصله تسونامي الثورات العربية واصبح هناك من يطالب بالعدالة الاجتماعية عندهم ايضا
كل ده وبعدين يعطو للمصريين فرصة للتنصل من اتفاقيات الشعب المصري في معظمه قرفان منها ....... ياسيدي اعتذار ( وهو اعتذار مستحق دبلوماسيا ودوليا ) ويبقى بجميله ويحسن صورتهم امام الرأي العام العالمي ويبقى كارت يلعب بيه اللوبي الصهيوني ويتشدق بالتسامح الاسرائيلي وانهم اعتذرو لما اخطأو .... لكن المصريين هما اللي غوغاء واقتحمو السفارة والحكومة ماقدرتش تدافع عن السفارة كما ينص القانون الدولي
ويبقي اثبات انهم رفضوا اعتذار لتركيا مش غطرسة ... لأ ... علشان هما مش غلطانين في الحالة التركية ..... لكن لما عملوا تحقيق في الحالة المصرية وجدو هناك خطأ منهم واعتذروا بمنتهى التحضر
....
واكتب ياللي بتكتب ........ وانشر ياللي بتنشر .... وافضح ياللي بتفضح ..... وتعالو يا سياح للبلد الغوغاء دي لو عاوزين
نظام يهود بقي
الله ينور و زى ما قولت بالظبط فى كلامى
الموضوع بيبقى متشعب و مش سهل كدة بيدخل فية حسابات كتير جدا جدا و حسابات مختلفة و متعددة
قيس بقى الحسابات دى ممكن تكون اية و اية و أية و هكذا
السلام عليكم ورحمة الله وبركاته
لما سمعت عن موضوع الاعتذار ده سئلت نفسى سؤال واحد ليييييييييييييه ؟
بعد اكثر من شهرين بيعتذروا
وقلت ممكن فى حاجة ممسكوه عليهم
او خايفين من حاجة
او بيدبروا حاجة وعايزين يدوا الامان الاول وبعدين يغدروا
وعلى العموم مش لوحدى جاتلى الافكار دى الحمد لله
اتفق معاك وبشدةاقتباس:
المشاركة الأصلية كتبت بواسطة a_h_m_a_d
ربنا يستر على الحسابات دىاقتباس:
المشاركة الأصلية كتبت بواسطة heshamzaky
في احداث تركيا اسرائيل اعتمدت في حجتها إنها بتدافع عن ارضها جوه حدودها
واعتذارها يبقى اعتراف منها بعدم مشروعية قتل الناس دي
ومعناها كمان تعويضات بملايين
وكمان عدم شرعية الحصار على غزة
وكمان ضعف منها قدام تركيا عشان اللهجة التركية كانت قوية قوي
يبقى كده كل من حب وداب هايهاددهم ومستني إنهم يسمعوا الكلام وهم ياما نفضوا للتهديدات
يعني من الآخر كرامة اسرائيل وقوتها وهيبتها قدام العالم كله كانت في خطر
في حالة مصر بقى
اسرائيل هي اللي اعتدت على الحدود المصرية يعني الغلط راكبها من ساسها لراسها
مصر كان بالنسبالها اعتذار رسمي من الحكومة الإسرائيلية حاجة مش حاطين أمل عليه لإن الاعتذار ماكانش متوقع فمكانوش مستنينه
على الرغم من إن المفروض الرد المصري يكون اكبر من كده مش تعدي على اعتذار وخلاص, الإعتذار كان بمثابة مكسب كبير جدا "قال إيه دول اعتذروا ودي حاجة كبيرة عندهم دول معملهاش مع تركيا" وهو أصلا ولا حاجة
الاعتذار ده مش هيبقى معاه تعويضات للناس اللي ماتت
لازم تحافظ على علاقتها مع مصر واليومين دول بالذات كويس قوي لحد مايجي مجلس شعب ورئيس يتطمنولهم عشان لحد دلوقتي فيه احتمال إن ييجي حد معادي لاسرائيل ويبقى ليه نفوذ يلم الناس حواليه وخصوصا إن البلد لسة مش مستقرة
فـبعد الانتخابات الناس كلها هتبقى غالب عليها الالتفات للوضع الداخلي والتنموي ومش هتشغل نفسها باسرائيل قوي زي دلوقتي
الاعتذار ده امتصاص لغضب الشعب اللي بالنسباله ده حاجة كبيرة
ليها مصالح تانية مع مصر في التعامل مع حماس
الجاسوس شاليط ده عامل ضغط كبير جدا على الحكومة هناك من يوم مااتمسك وده إنجاز ليهم إنه يرجع
الإعتذار أصلا مجاش من رئيس الوزرا ودي حاجة تقلل قوي من قيمته "يعني هما اعتذروا بس معتذروش قوي يعني " سد خانة وخلاص
الإعتذار ده يحسن صورتها شوية قدام العالم اللي بقت زي الزفت بس في نفس الوقت ماخسرهاش حاجه لأ وكسبانه من وراه كمان
.......... منقول ........
بدء تجميع الأسرى الفلسطينيين المزمع الإفراج عنهم الجمعة
تبدأ سلطات الاحتلال عملية تجميع الأسرى الذين شملتهم صفقة تبادل الأسرى في سجن النقب جنوب "إسرائيل" وسجن عوفر القريب من مدينة رام الله، استعدادًا لتنفيذ عملية التبادل التي ستتم على مرحلتين، مقابل إطلاق سراح الجندي "الإسرائيلي" جلعاد شاليط.
وذكر موقع القناة العاشرة بالتليفزيون "الإسرائيلي" الخميس أن الجيش "الإسرائيلي" بدأ مع جهاز "الشاباك" في العمل على قائمة 450 أسيرًا فلسطينيًّا من المقرر أن تشلمهم المرحلة الأولى من الصفقة، والتي أطلق عليها عليها اسم "إغلاق الزمن"، علمًا بأنه سيتم الإفراج عن باقي المشمولين بالصفقة عقب تسليم شاليط إلى "إسرائيل" عبر مصر التي لعبت دور الوسيط.
وأشار إلى أنه سيتم تجميع كافة الأسرى الذين سيتم تحريرهم إلى بيوتهم بمناطق الضفة الغربية والقدس بسجن عوفر بالقرب من مدينة رام الله، في حين سيتم تجميع الأسرى من قطاع غزة بالإضافة إلى الأسرى الذين سيتم إبعادهم إلى القطاع وخارج الأراضي الفلسطينية بسجن النقب "كيتسعوت" جنوب "إسرائيل"، وهذه العملية سيباشر الجيش تنفيذها الجمعة.
ومن المقرر أن تقوم وزارة العدل "الإسرائيلية" بنشر أسماء الأسرى المنوي تحريرهم في المرحلة الأولى 450 أسيرًا يوم الأحد القادم، وإعطاء الفرصة لمدة 48 ساعة لتقديم الاعتراضات على الأسماء التي سيتم الإفراج عنها في الصفقة، لكن المصادر أكدت أن الاعتراضات القانونية لن تستطيع وقف تحرير أي أسير فلسطيني.
ومع انتهاء المهلة القانونية، سيتم تنفيذ تحرير الأسرى من سجن عوفر إلى الضفة الغربية ومن سجن النقب إلى قطاع غزة وخارج الوطن، في حين سيصل شاليط إلى "إسرائيل" إما ليل الثلاثاء أو صباح الأربعاء، حيث ستقوم "إسرائيل" بالفحوصات الضرورية والسريعة له وإيصاله إلى بيته في أسرع وقت ممكن.
ووفق مصادر "إسرائيلية" فإن بداية الصفقة ستتم من خلال تسليم شاليط لمنظمة الصليب الأحمر والتي على إثرها ستفرج "إسرائيل" عن 27 أسيرة فلسطينية إلى مناطق الضفة الغربية والقدس ومن ضمنهم أسيرتان إلى خارج الوطن.
وسينقل الصليب الأحمر شاليط إلى القاهرة حيث سيستلمه قادة من الجيش "الإسرائيلي" حال بدء تنفيذ الإفراج عن الأسرى الـ 450، كما أن الأسرى المقرر إبعادهم إلى قطاع غزة وخارج الوطن سيتم نقلهم إلى القاهرة.
وفي حين تقول "حماس": إن الصفقة شملت أكثر من 300 أسير محكوم بالمؤبد، يؤكد رئيس جهاز "الشاباك" يورام كوهين، وجود 270 محكومًا بالمؤبد.
وفيما يتعلق بالأسرى من القدس تشير إلى 45 أسيرًا مقدسيًّا، منهم 15 إلى بيوتهم بالقدس بينما سيتم إبعاد 30 إلى قطاع غزة. لكن كوهين أكد أن 14 أسيرًا مقدسيًّا سيعودن إلى القدس، فيما اتفق الجانبان على باقي الأرقام خاصة رقم المبعدين الذي وصل إلى 203 منهم 40 إلى خارج الوطن في حين سيبعد 163 إلى قطاع غزة.
http://www.elfagr.org/Portal_News/Bi...0111013170.jpg
++++++++++++اقتباس:
المشاركة الأصلية كتبت بواسطة mailo
ده قريب جدا من اللي انا متصوره
ونقطة كمان
اعتذار اسرائيل لمصر يعتبر صفعة لتركيا في ظل العند السياسي والاحتقان الموجود حاليا
حاج أحمد دايما موضوعاتك حلوة
بس بعد إذن الاعضاء انا كان ليا وجهة نظر تانية خالص
اسرائيل أكتر من مرة قتلت عساكر مصريين وكمان اختراق للأجواء الجوية المصرية من
ناحية طابا ( راجع موقف السيناتور جون كيرى المرشح لرئاسة امريكا فى 2005 امام بوش .. لما كان قائد بنفسة طيارة حربية اسرائيلية والتوجيه الاسرائيلى نبه علية انا اخترق اجوائنا )
قى المرات اللى فاتت عمر ما سمعنا عن اعتذار من اسرائيل للقتلى إلا المرة دى ياترى ليـــــــــــــــــــــــ ـــه؟
علشان موقف الثورة اللى تغير واتقلب وكمان علشان الجيش هو اللى ماسك البلد دلوقتى مش مبارك
طيب انا هحط نفسى مكان المجلس العسكرى لما اسمع كل يوم والتانى انهم حاطط لواء جولانى
على الحدود ( ودول مدربيين تدريب عالى ) يبقى كمجلس لو البلد دى مقدمتش إعتذار يبقى فى حلين
الاول دبلوماسى اننى أقلب الطرابيزة عليهم بهدوء علشان متقالش عليا انى عايز حرب
التانى . انى اسيب السلاح يتهرب من ليببا ويروح على هناك علطول ( وإنتوا شايفين الجيش كل يوم والتانى ماسك سلاح واخرها صواريخ مضادة للطائرات فى السويس )
وبكدا ميزان الحرب بين غزة واسرائيل
يتقلب تماما وإسرائيل مدركة دا تماما وعارفة لو دخل غزة حاجة زى كدا هياخدوا على دماغهم زى ما حصل فى 2006 فى لبنان ومقدروش يكسروا ضلوع حزب الله بالعكس هما اللى اتكسروا نفسيا
طبعا ياجماعة بقول وجهة نظر ممكن تكون صح او غلط واكيد قابلة للنقاش :ilikeit:
السلام عليكم و رحمة الله و بركاته ..
بظني يرجع الاعتذار الاخير الصادر من وزارة الدفاع الاسرائيلية تحديد لمصر لأسباب متعددة منها علي سبيل المثال :
- مصر وضعا تختلف عن تركيا فصحيح ان شراكة الصهاينة بتركيا استراتيجية الا انها غير مؤثرة علي كل منهما لكونهما بعيدتان جغرافيا و لا تماس بينهما فما تركيا لاسرائيل الا نقطة ارتكاز و وانطلاق لمحاصرة العالم العربي و تحقيق للتواجد في منطقة اسيا الصغري مثلها مثل ايران و اثيوبيا بالنسبة لاسرائيل
خلافا لوضع مصر اي انه يمكن لاسرائيل ان تجمد لو مرحليا علاقاتها مع تركيا لأدني مستوي دون مشاكل خلافا لمصر التي تحتاج اليها في امور متعددة .
- النزاع التركي الصهيوني ربما ظاهرا للسيطرة السياسية في المنطقة الا انه يرتكز ااساسا علي اسباب اقتصادية موجودة في البحر المتوسط التي يتم تقسيم ثرواتها بين اسرائيل و قبرص و ربما اليونان دون اعتبار لكل الدول العربي المطلة علي المنطقة و دون اعتبار لتركيا
- الوضع في مصر سائل لا يمكن التحكم فيه او السيطرة عليه او او احتوائه بسهولة - خلافا لما يتوهم عن قوة التأثير الاميركي علي الوضع الداخلي الشعبي المصري- لذا يجب التحسب له و لردود افعاله خلافا للوضع التركي حيث توجد حكومة منتخبة تعمل لصالح الشعب االتركي بسياسات قد تبدو خارج نطاق الهيمنة الصهيوامريكية في المنطقة الا ان هذا غير متحقق لارتباط تركيا الوثيق بالولايات المتحدة عسكريا و سياسيا و استراتيجيا و بمباركة اميركية للاستراتيجية التركية التي تنوع اشكال النفوذ الامريكي في المنطقة - في الشهر الماضي الغيت صفقة اسلحة اسرائيلية طائرات بدون طيار لتركيا و في اليوم التالي كانت الصفقة اتمت مع الولايات المتحدة و قيس علي هذا الكثير من الاحداث التي تمر مرور الكرام علي المتابعين .
- التعامل العسكري البراجماتي المصري مع الجانب الاسرائيلي هات و خد و هو علي ما يبدو ليس ناتجا عن ضغوط شعبية بل نابع من ارادة سياسية و عسكري لتصحيح الاوضاع قليلا او تجميلها بما لا يدخلها تحت حيزي الاستسلام او المواجهة مع التفهم الاسرائيلي لهذا التوجه و الترحيب به و بشدة لأنه مفهوم و مقبول لديهم .
-المساعدة في خلق اوضاع جديدة و لاعبين جدد في مواقع مختلفة بما يكسر شوكة محور ما يسمي بالممانعة "الصورية في اغلبها "
فيؤمن الغربيون و الصهاينة تحديدا ان افضل السبل لاحتواء شخص او تيار ما اشراكه في المعترك الدولي بما يجعله ملتزما بشروط و قوانين الكبار بما يحقق صالحهم
و لأنه لدينا متمردين - في نظرهم - في القطاع مع احتمال كبير بوجود فصيل مماثل في مصر يوضع اسلوب جديد للتعامل بالاحتواء و الادماج بما يجعله مستأنسا او مأمون العاقبة من ناحية و بما يوجه لطمة قفاز للقابع في رام الله الذي اكتشف بهتان ما سار عليه سلفه منذ السبعينات " احتواء قديم " فلجا الي المواجهة الدبلوماسية في الاطار المعين داخل الامم المتحدة الا انه بسياسته تلك لا يرضي الكبار واضعي اللعبة بما يستوجب الرد و اضعاف مركزه و ربما ازاحته اذا صار فصيل غزة جاهزا لللعب حسب القواعد !
- القول بأن اسرائيل اعتذرت خوفا من مصر او حرصا علي عدم فتح جبهة هم متأكدون انها لن تفتح الان او حتي في القريب العاجل بينما هم مازالوا في طور الاستعداد لها ربما قول فيه نظر
فلم يسبق لوزارة الدفاع الاسرائيلية ان اعتذرت عن اي عمل مشين فعلته حتي و نحن في خضم المعركة
كما انه و بفضل التغطية السياسية الامريكية اولا و الاوربية ثانيا و القوة العسكرية لهما يمكن لهما تأجيل فرض اي مواجهة عسكرية ضد اسرائيل او تجميدها لفترة حتي تمام الاستعداد الصهيوني لها
خلافا لنا
اما احداث السفارة التي تم تضخيمها محليا كعادة الاحداث المشابهة فالواقع ان الردود العالمية الضعيفة في التعليق عليها او حتي مجرد الاشارة لها مع عدم استغلال اسرائيل لها استغلالا امثل كعادتها يجعلنا نكون متأكدين من ان العلاقات ودية و طبيعية - كدولتين جارتين بينهما عداء سابق و تنافس اقليمي حالي - دون اي تهويل او تقليل خلافا لما نظن ..
و اقول سامح الله د نبيل فاروق و استاذنا الاديب صالح مرسي
بس كده :arab:
للتذكير فقط يرجي مراجعة تصريحات مدير الشين بيت - جهاز الامن الداخلي الصهيوني - حيث اشار في تصريحات لصحف بلاده بالامس ان التجهيز و الاعداد لصفق الاسري الفليسطينية برعاية مصرية تتم منذ ثلاثة اشهر بلا توقف ..
و ان اتمام الصفقة يرجع الي العلاقات المميزة و الهادئة التي تجمع البلدين ...
هذا لمن يربط الاعتذار بالصفقة
فالعمل بالصفقة سابق للاعتذار بل و للجريمة الصهيونية بحق مصر و ليست لاحقة له و الفضل فيها بالاساس ليس للراعي ايا كان مصر او المانيا - افتراضا - بل يرجع اساسا الي ظروف ألمت بطرفي التفاوض ..
............ منقول ............
ديبكا الإسرائيلى: تل أبيب اعتذرت عن قتل جنود مصر بـ"ضغوط أمريكية"
الجمعة، 14 أكتوبر 2011 - 08:03
ذكر موقع "ديبكا" الإخبارى الإسرائيلى التابع الجهاز الاستخبارات فى إسرائيل "الموساد" أن الضغوط الأمريكية وتمسك الإدارة المصرية بحقها، كان السبب الحقيقى وراء الاعتذار الرسمى الذى اضطرت إليه الحكومة الإسرائيلية، وقدمه وزير الدفاع إيهود باراك، لمصر، عن مقتل جنود من قواتها بنيران الجيش الإسرائيلى.
وكشف الموقع الإسرائيلى عن وجود حالة من الاستياء والغضب بين قيادات الجيش الإسرائيلى لرفضهم استجابة الحكومة الإسرائيلية للضغوط الأمريكية، وتقديم اعتذار رسمى للإدارة المصرية عن سقوط قتلى وجرحى من قوات الأمن المصرية المرابطة على الحدود مع إسرائيل، بعد إطلاق قوات الجيش الإسرائيلى النار عليهم، عقب عملية "إيلات" التى تسببت فى مقتل 8 إسرائيليين وإصابة 30 مواطنا آخرين.
وزعم قيادات الجيش الإسرائيلى أن التحقيقات التى أجرتها إسرائيل، عقب وقوع حادث إطلاق النار على الحدود مع مصر، كشفت عدم تورط قوات الجيش الإسرائيلى فى مقتل قوات الأمن المصرية، وأن الإرهابيين الذين نفذوا عملية "إيلات" فى إسرائيل، قد يكونوا هم من أطلقوا النار على القوات المصرية، وبناء على هذا فإن اعتذار الحكومة الإسرائيلية لمصر يدين الجيش الإسرائيلى، كما أنه تم دون التشاور مع رئيس الأركان بينى جانتس.
وادعى الجيش الإسرائيلى أن هجمات "إيلات" التى نفذها الإرهابيين عبر الحدود المصرية اشترك فيها جنود مصريين، وتمت الهجمات على مدينة إيلات تحت سمع وبصر القوات المصرية المرابطة على الحدود، وهذا يبرئ قوات الجيش الإسرائيلى من دماء المصريين، بل ويدين الجانب المصرى الذى أصر على تلقى اعتذار رسمى من الحكومة الإسرائيلية، ونفى مسئولة جنوده عن اشتراكهم فى مساعدة الإرهابيين.