ساعدوني في التفكير الفتيس بايظ

**star1991** · 12-10-2011 11:24 PM

السلام عليكم ورحمه الله وبركاته
عندي مشكله في الفتيس من حوالي شهرين الفتيس فوت كده مني بعد الرابع
وعمل صوت فره كده لكن العربيه موقفتش فضلت ماشيه عادي جدا بس النقلات ملخبطه والرابع بيزعق قوي والاول بيتاخر
روحت غيرت زيت ونضفت الصفايه والعربيه اتعدلت الاول مبقاش يتاخر وزعقه الرابع قلت شويه
مشيت حوالي 2000 كم وبعدين رجعت ريما لعادتها القديمه
وبرده بعد الرابع راح الار بي ام علي والفتيس فصل حركه ريحت العربيه شويه ومشيت عادي روحت بيها حوالي 20 كم لحد البيت
وتاني يوم العربيه ماشيه عادي جدا الاول بيتاخر والعربيه بارده وباقي الغيارات مظبوطه بس لازم اخف رجلي قبل ماتاخد الرابع علشان بيزعق لو رجلي تقيله والفتيس يفصل الحركه وترتاح شويه وتكمل

والفتيس ماشي تمام ولا بيعطل ولا حاجه الا لو زعق في الرابع

المهم عاوز اصلحه علشان بمشي احسس على البنزين
روحت للونش اللي في الحرفيين قالي حاجه اسمها البند الرابع في الفتيس بايظه ولازم تتغير علشان الرابع مايزعقش
الرابع بينقل كويس لو العربيه ماشيه سلانسيه كده هاديه

المهم اعمل ايه اصلحه ولا اعمل ايه ولو حد صلح قبل كده يقولي المصنعيه بتكون كام
مع العلم ان الونش بتاع الفتيسات جرب العربيه والفتيس وقالي انه سليم باستثناء البند الرابع ده

اصلحه واكمل ولا اعمل ايه

**star1991** · 12-10-2011 11:25 PM

العربيه نوبيرا 2

**star1991** · 12-10-2011 11:32 PM

سلك الكيك داون مفصول

**aliyosef** · 13-10-2011 12:14 AM

انا حاسس يأخى ان مشكلتك هو سلك الكيك داون اظن والخبراء يعرفوا اكتر ان هو اللى مخلى الغيارات احيانا تستهبل لان هو مش معمول للكيك داون وبس لا ده كمان بيتحكم فى زمن النقله يعنى مثلا بيتظبط منه نقل الغيار على كام على كام 2.5 rpm او 3 مثلا

**tarek_2005** · 13-10-2011 10:58 AM

راي الخاص الاصلاح ليس منه امل انتظر عليه حتي ينتهي تماماً واستبدل الفتيس بالكامل وريح دماغك

**mohnsar** · 13-10-2011 02:19 PM

مشكله النوبيراالاوتو الازليه روح عند حماده في المنيل خلف كشري الامبراطور 01221351096عندو ضمير اوي بعد مصلحلي الفتيس بتاعي طلع يجربو معايا انا قولتلو كده تمام اوي لاكن هو اقلي لا الفتيس هيبوظ تاني بعد حوالي شهرين وجبنا فتيس استيراد وتحمل هوا تكلفه التصليح للاول وكمان مرديش يخدو قلي خليه معاك ممكن تحتاج منو حاجه في المستقبل ولو خليتو يجبلك هوا الفتيس وحصل فيه حاجه هوا الي بيغيره ونتا ملكش دعوه

وربنا يوفقق

**star1991** · 13-10-2011 11:24 PM

المشاركة الأصلية كتبت بواسطة aliyosef

انا حاسس يأخى ان مشكلتك هو سلك الكيك داون اظن والخبراء يعرفوا اكتر ان هو اللى مخلى الغيارات احيانا تستهبل لان هو مش معمول للكيك داون وبس لا ده كمان بيتحكم فى زمن النقله يعنى مثلا بيتظبط منه نقل الغيار على كام على كام 2.5 rpm او 3 مثلا

يعني الكيك داون ممكن يخلي الرابع يزعق اوي وبعدين يبرجل الفتيس
والله اتمنى
خاصه ان العربيه ماشيه عادي جدا وسحبها تمام على ال3 غيارات الاوائل
لكن الرابع بتاخده الفتيس يبرجل وممكن متنقلش تاني

**aliyosef** · 15-10-2011 04:34 PM

على فكره فتيس النوبيرا الأوتو 4 غيارات فقط ,ولا انت قصدك لما تهدى مابينزلش للغيارات الاقل
ممكن اعرف العربيه عندك بتنقل الغيارات على كام rpm
وكمان شييك على مقاس الزيت وانا عارف انك غيرته بس شييك على المقاس خالى حد يدور العربيه ويديها غيار R وخليه يدوس فرامل وارفع مقاس الزيت شوفه لو على علامه hot يبقى ناقص ولو على علامه 80 يبقى مظبوط
شوف وربنا يكرم

**star1991** · 15-10-2011 04:47 PM

المشاركة الأصلية كتبت بواسطة aliyosef

على فكره فتيس النوبيرا الأوتو 4 غيارات فقط ,ولا انت قصدك لما تهدى مابينزلش للغيارات الاقل
ممكن اعرف العربيه عندك بتنقل الغيارات على كام rpm
وكمان شييك على مقاس الزيت وانا عارف انك غيرته بس شييك على المقاس خالى حد يدور العربيه ويديها غيار r وخليه يدوس فرامل وارفع مقاس الزيت شوفه لو على علامه hot يبقى ناقص ولو على علامه 80 يبقى مظبوط
شوف وربنا يكرم

اللي بيحصل بالضبط اولا العربيه وهي بارده الاول بيغيب على ماينقل
العربيه لو اخدت الرابع وهي واخده سرعه يعني لو دايس بنزين جامد بتزعق وتبرجل انما لو هديت رجلك من على البنزين قبل ماتاخد الرابع بتاخده عادي
بتنقل على 2.5
والزيت مظبوط والفتيس مبيرزعش ولا الهوا وناعم جدا
انا ماشي بيها اكتر من 10 ايام من ساعه الموقف ده وعادي جدا
كل اللي فيها وهي بارده بتمشي كتير على الاولاني لما تسخن عادي
والرابع لو كنت دايس بنزين جامد بيزعق والفتيس يبرجل ومينقلش ويعمل صوت فره كده
ولما ابطلها حوالي 3 او4 دقايق تتعدل وتمشي تمام