شهادةحب وتقدير من اعضاء القسم للدكتور محمد الشناوي

**goudamahdy** · 13-10-2011 01:59 AM

السلام عليكم ورحمة الله وبركاته

أنا والله كان عندي نبطشية يوم تسليم الكيت واتصلت بالمهندس محمد الشناوي ووالله عرض كل الامكانيات المتاحة عندة انه يوصلي طلبي ....

بس الحمد الله اني لقيت وقت النهاردة وروحتله 6 اكتوبر وكان معايا خطوة بخطوة لحاد ما وصلت لمكان التسليم وكان لي عظيم الشرف اني قابلته والراجل من غير ما اطلب منه .... عرض انه ياخدني عنده البيت ويركبلي الريموت وروحنا والله البيت عنده واكرمني آآآآآآآآآآآآآآآخر كرم وركبلي الريموت ... وتعب فيه ع الااااخر .... ووراني كل التعديلات اللي عملها في عربيته ومن غير ما اطلب برضو لما اساله علي اي تعديل ... يقولي . اجيبهالك لو محتاجها ....

احنا بخير طالما الناس دي في الدنيا

والله العظيم الراجل ده اني باحبه في الله وانا في غاية السعادة اني عضو في أسرة نيسان ... مش قسم نيسان ..... لأن انسب تسمية لمنتدانا انه " أسرة " مش منتدى ....

احبكم في الله يا اخواني الصقور

**Bishoy.Girgis** · 13-10-2011 02:18 AM

محمد الشناوي مثال بجد لراجل جدع تحمل مسئولية الشحنة ديه و حتي لو كان في اي مشكلة في كيت اي عضو .. كان هيشيل تمنه من معاه
شكرا يا محمد علي محبتك الغالية ديه

**Youssef.Awad** · 13-10-2011 04:03 AM

شكرا .. شكرا ..شكرا
شكرا لمن اخذ على عاتقه مسئولية شحن مفاتيح كان من الممكن الا تصل
وحتى عند التسليم كان بيشرح باستفاضة وطولة بال لكل عضو كيفية تركيب الريموت والاحتياطات وموضوع تغيير السلاح والاهم بيطلب من الكل يتاكدوا ان حاجتهم سليمة عشان لو فيها اى حاجة هو يشيلها
احب اقولك ان اللى زيك يا اخ محمد انقرضوا من زمااااااااااااان
بس الحمد لله ان اغلبنا فينا من بعض صفات حميدة
وبعدين احنا متشوقين للمفاجآت الجاية بقى عاوزين ندلع عربياتنا شوية
وكفاية ان اى حد هايشوف معانا المفاتيح هايبقى عاوز زيها وبكرة تشوف بنفسك هتلاقى اعداد كبيرة محتاجينها من الكيتات دى ان شاء الله

**Osama_I** · 13-10-2011 07:21 AM

السلام عليكم و رحمة الله و بركاته

شكراً ، شكراً ، شكراً

مع إن مفيش شكر بين الأخوات
لأن فعلاً الدكتور محمد أخ بمعنى الكلمة

**Elshennawy** · 13-10-2011 10:00 AM

السلام عليكم ورحمة الله وبركاته

والله العظيم انا في قمة الاحراج من اعضاء المنتدى الكرام واخواني في الله
وانا بعتذر اني استخدمت اسلوب خاطئ في التعامل مع الموضوع
وهو تجنب المشاركات والرد ولكن الحقيقه انا لم اتحمل كلمه (مش مستغرب الحركه دي تطلع منك)
مع ان الاستاذ شريف لا يعرفني ولا كلمني ولا قابلني ولا بعتلي حتى رساله او مشاركه
واُشهد الله اني مش شايل حاجه من ناحيته ولا من ناحيه الاستاذ طارق مومو واتمنى انهم يبقوا معانا في الاسره
وهم من الاعضاء القدامى واتمنى انهم يبقوا اكثر الناس حرصا على المشاركه وافاده الاعضاء

الاستاذ الفاضل / أحمد مصطفى
مش هاقول غير ربنا يجازيك عنا كل خير ويصبرك على مشاكلنا يا كبييييير

الاخوة في الله
ربنا يجازيكم خير ... انا مشوفتش حد بيشجع حد ويقف في ضهره ويسانده ويكون بالايجابيه دي معاه
زيكم والحقيقه انا مش عايزكم تشكروني انا عايزكم تدعو الله تعالى انه يزيد الاسره ترابط وتكاتف وخدميه

م/ حسين جمال
والله واحشني جدا جدا ومقصر معاك اليومين اللي فاتوا واتمنى تبقى معايا على طول

اداره المنتدى
اتمنى الغاء المواضيع التاليه ختى لا يصبح قسم نيسان به شوائب ولو بسيطه وادعو الله تعالى ان يصبح افضل قسم بنيه اعضاءة الطيبه وربنا يديم المحبه بينهم دائما

http://www.nilemotors.net/Nile/250964-a.html
http://www.nilemotors.net/Nile/250710-a.html

هدانا الله واياكم لصالح الاعمال

**mema75** · 13-10-2011 10:01 AM

المشاركة الأصلية كتبت بواسطة khodiry

ياريت الدكتور محمد يدخل بكلمه يخلينا نحس ببعض الأرتياح ووالله على عيننا زعلك يادكتور ... ياناس الراجل كلمنى وهو عارف انى فى قنـــااااااا وبرغم كدة قاللى ( معلش يادكتور انت نبهت عليا ماقولش بس مش قادر بصراحة ) وبرغم كدة قاللى انت حاجتك حاتوصلك لحد قنا ومالكش دعوة بموضوع المواعيد اللى احنا عاملينها دى وانها للأعضاء اللى قريبين ... عاوزين تقدير ايه تانى من واحد لواحد مايعرفهوش؟ وماتربطناش علاقة غير المنتدى الجميل دة؟ ..والله الواحد عاوز يخدم بس مش عارف اعمل ايه ؟ عموما الشتاء جاى واللى عاوز ينزل الصعيد ( الأقصر واسوان ) اكيد يكلمنى وربنا يقدرنى واخدم زى الأستاذ / احمد او محمد الشناوى

الله ينور عليك ياقناوي
وانا والله بشكر الراجل وربنا يكرمه ويجعل خدمة للناس دي فى ميزان حسناته