احب اقول شكرا للدكتور شناوي
ومحبتة لينا برغم ان احنا عمرنا ما اتقابلنا
شكرا كتيرمن القلب
احب اقول شكرا للدكتور شناوي
ومحبتة لينا برغم ان احنا عمرنا ما اتقابلنا
شكرا كتيرمن القلب
احب اشكر حضرتك على فتح الموضوع دا وفعلا من حظي اني اكون اول واحد يعلق عليه "تحياتي وشكري للدكتور محمد الشناوي" على الرغم اني ما قبلتهوش بس بصراحة كنت متابع تعبه ومواضيعة وحسيت اد ايه هو انسان خلوق وخدوم ويكفي شكر الاعضاء فيه
اخونا الشناوي كن كالنخلة اذا تم رميها بالحجر القت ثمر
شكر وتقدير وتسلم أيدك يا د/ شناوي علي الريموت ومستني المفاجات التالية
والله واضح الراجل من مكالماته معايا فى الموبيل اخلاقه وذوقه الرفيع نحسبه على خير ولانزكى على الله احدا وانشاء الله نتقابل اكيد كلنا ونشكره وجها لوجه زى مابيقولوا
احب اشكر الدكتور محمد علي تفانيه في خدمة اعضاء المنتدي واخلاصه
انا كنت متابع الموضوع من الاول بس لم اتوقع هذه النهايه
واقل واجب منا لرد الجميل هي كلمة شكرا
وياريت الاستاذ احمد ينظم مقابله قريبا عشان اشكره بنفسي
واعتقد ان الاداره ردت في الموضوع وبرات ساحه الدكتور
فياريت تغير توقيعك يادكتور
ودمتم
سبقتنى يا دكتور والله .. كنت فعلا بجهز موضوع عشان اشكر فيه محمد الشناوى على تعبه
وهى دى روح التقدير اللى بين الاعضاء فى القسم عندنا وحنفضل عليها على طول
وشكر وتقدير لمحمد الشناوى .. على حبه وعطائه .. اللى مثال يحتذى بيه من كل الاعضاء فى القسم
وياريت كلنا محمد الشناوى
تحياتى للجميع
الشعب يريد تغير التوقيع
يا محمد غير التوقيع يا محمد فين يا عم تعديلات الصني الي قريبا هانشوفها فكك بقى من الحاجات دي و على العموم احجزلي كيت في الدفعه الجايه
ياريت الدكتور محمد يدخل بكلمه يخلينا نحس ببعض الأرتياح ووالله على عيننا زعلك يادكتور ... ياناس الراجل كلمنى وهو عارف انى فى قنـــااااااا وبرغم كدة قاللى ( معلش يادكتور انت نبهت عليا ماقولش بس مش قادر بصراحة ) وبرغم كدة قاللى انت حاجتك حاتوصلك لحد قنا ومالكش دعوة بموضوع المواعيد اللى احنا عاملينها دى وانها للأعضاء اللى قريبين ... عاوزين تقدير ايه تانى من واحد لواحد مايعرفهوش؟ وماتربطناش علاقة غير المنتدى الجميل دة؟ ..والله الواحد عاوز يخدم بس مش عارف اعمل ايه ؟ عموما الشتاء جاى واللى عاوز ينزل الصعيد ( الأقصر واسوان ) اكيد يكلمنى وربنا يقدرنى واخدم زى الأستاذ / احمد او محمد الشناوى
ماشاء الله عليه و ربنا يكرمه و يجازيه علي اد نيته الراجل كان متحمل السئوليه و دفع الفلوس من معاه
لحد مانتقابل و نلم من بعض و الحمد لله قضيت المصلحه بدون خسائر الحمد لله
السلام عليكم ورحمة الله وبركاته
أنا والله كان عندي نبطشية يوم تسليم الكيت واتصلت بالمهندس محمد الشناوي ووالله عرض كل الامكانيات المتاحة عندة انه يوصلي طلبي ....
بس الحمد الله اني لقيت وقت النهاردة وروحتله 6 اكتوبر وكان معايا خطوة بخطوة لحاد ما وصلت لمكان التسليم وكان لي عظيم الشرف اني قابلته والراجل من غير ما اطلب منه .... عرض انه ياخدني عنده البيت ويركبلي الريموت وروحنا والله البيت عنده واكرمني آآآآآآآآآآآآآآآخر كرم وركبلي الريموت ... وتعب فيه ع الااااخر .... ووراني كل التعديلات اللي عملها في عربيته ومن غير ما اطلب برضو لما اساله علي اي تعديل ... يقولي . اجيبهالك لو محتاجها ....
احنا بخير طالما الناس دي في الدنيا
والله العظيم الراجل ده اني باحبه في الله وانا في غاية السعادة اني عضو في أسرة نيسان ... مش قسم نيسان ..... لأن انسب تسمية لمنتدانا انه " أسرة " مش منتدى ....
احبكم في الله يا اخواني الصقور
محمد الشناوي مثال بجد لراجل جدع تحمل مسئولية الشحنة ديه و حتي لو كان في اي مشكلة في كيت اي عضو .. كان هيشيل تمنه من معاه
شكرا يا محمد علي محبتك الغالية ديه
شكرا .. شكرا ..شكرا
شكرا لمن اخذ على عاتقه مسئولية شحن مفاتيح كان من الممكن الا تصل
وحتى عند التسليم كان بيشرح باستفاضة وطولة بال لكل عضو كيفية تركيب الريموت والاحتياطات وموضوع تغيير السلاح والاهم بيطلب من الكل يتاكدوا ان حاجتهم سليمة عشان لو فيها اى حاجة هو يشيلها
احب اقولك ان اللى زيك يا اخ محمد انقرضوا من زمااااااااااااان
بس الحمد لله ان اغلبنا فينا من بعض صفات حميدة
وبعدين احنا متشوقين للمفاجآت الجاية بقى عاوزين ندلع عربياتنا شوية
وكفاية ان اى حد هايشوف معانا المفاتيح هايبقى عاوز زيها وبكرة تشوف بنفسك هتلاقى اعداد كبيرة محتاجينها من الكيتات دى ان شاء الله
السلام عليكم و رحمة الله و بركاته
شكراً ، شكراً ، شكراً
مع إن مفيش شكر بين الأخوات
لأن فعلاً الدكتور محمد أخ بمعنى الكلمة
بصراحة مهما اتقال مش هنقدر نوفى لمحمد حقه على التعب اللى تعبه فى الموضوع ده كفايه التفكير وحرقه الاعصاب بصراحة ربنا يكون فى عونه وربنا يباركله والف مليون شكر
[b][/b السلام عليكم ورحمة الله وبركاته
الصراحة ربنا يبارك لمحمد الشناوي علي كل اللي عمله معانا
واللي بصراحة بسطني اوي ان كل يوم بلاقي قسم نيسان بيزداد تميز بوجود امثال محمد الشناوي
ودة يا جماعة مش غريب علي القسم لان البذرة الحقيقية للقسم هو احمد مصطفي ودي بذرة طيبة فاكيد لازم تطلع ثمار طيبة مثل محمد الشناوي وغيره
ربنا يجازيكم خير بجد علي مجهودكم
ومستنيين المزيد
السلام عليكم ورحمة الله وبركاته
والله العظيم انا في قمة الاحراج من اعضاء المنتدى الكرام واخواني في الله
وانا بعتذر اني استخدمت اسلوب خاطئ في التعامل مع الموضوع
وهو تجنب المشاركات والرد ولكن الحقيقه انا لم اتحمل كلمه (مش مستغرب الحركه دي تطلع منك)
مع ان الاستاذ شريف لا يعرفني ولا كلمني ولا قابلني ولا بعتلي حتى رساله او مشاركه
واُشهد الله اني مش شايل حاجه من ناحيته ولا من ناحيه الاستاذ طارق مومو واتمنى انهم يبقوا معانا في الاسره
وهم من الاعضاء القدامى واتمنى انهم يبقوا اكثر الناس حرصا على المشاركه وافاده الاعضاء
الاستاذ الفاضل / أحمد مصطفى
مش هاقول غير ربنا يجازيك عنا كل خير ويصبرك على مشاكلنا يا كبييييير
الاخوة في الله
ربنا يجازيكم خير ... انا مشوفتش حد بيشجع حد ويقف في ضهره ويسانده ويكون بالايجابيه دي معاه
زيكم والحقيقه انا مش عايزكم تشكروني انا عايزكم تدعو الله تعالى انه يزيد الاسره ترابط وتكاتف وخدميه
م/ حسين جمال
والله واحشني جدا جدا ومقصر معاك اليومين اللي فاتوا واتمنى تبقى معايا على طول
اداره المنتدى
اتمنى الغاء المواضيع التاليه ختى لا يصبح قسم نيسان به شوائب ولو بسيطه وادعو الله تعالى ان يصبح افضل قسم بنيه اعضاءة الطيبه وربنا يديم المحبه بينهم دائما
http://www.nilemotors.net/Nile/250964-a.html
http://www.nilemotors.net/Nile/250710-a.html
هدانا الله واياكم لصالح الاعمال
الله ينور عليك ياقناوياقتباس:
المشاركة الأصلية كتبت بواسطة khodiry
وانا والله بشكر الراجل وربنا يكرمه ويجعل خدمة للناس دي فى ميزان حسناته
انسان محترم و ربنا يجازيه كل خير
قمة في الأخلاق و الله ربنا يجازيك خير يا باشا :)
رغم إنى شكرت محمد فى الموضوع التانى إلا إنه بجد يستحق كل الشكر والتقدير لأن فعلا موضوع الريموت ده كان مدايقنى جدا فى الصنى
ألف شكر يا محمد
بجد الأستاذ محمد الشناوي من يوم ما شوفته في المقابلة حبيته في الله مع إني ماتكلمتش معاه كتير
بس في ناس كده .. تحبها من غير ما تتعامل معاهم .. ولما تتعامل معاهم تحبهم أكتر
وكان نفيسي أشوفه يوم السبت اللي فات عند حسين في البيت .. بس للأسف الظروف ماسمحتش
لكن والله في الفتره اللي قعدتها مع حسين وأحمد مصطفى الاتنين قعدوا يشكروا في محمد الشناوي بما هو فعلا أهل له
وقالولي عنه كلام خلاني والله حبيته في الله أكتر وأكتر
ولعل المشكلة اللي حصلت تكون خير
وأتمنى لو جميع أطراف المشكلة جلسوا مع بعض في جلسة خاصة
وأنا متأكد إنهم هيخرجوا من القعدة دي -لو تمت- وهما نفوسهم متصافية وأحباب أكتر من الأول لأنهم في الأصل إخوات
ربنا يجمعنا جميعا في الجنة ونكون ممن قال فيهم " ونزعنا ما في صدورهم من غل إخوانا على سرر متقابلين"
احبك الله الذي احببتني فيهاقتباس:
المشاركة الأصلية كتبت بواسطة ehabvet
بارك الله فيك يا دكتور ...
والله المنتدى زاد كتير بشخصيتك المحترمه واخلاقك الكريمه
بجد ده أقل واجب يتعمل ل د\ محمد الشناوي و أعتقد أن كل واحد فينا كل ما يمسك مدليات مفاتيحه بيفكر فيك و خصوصا أت حضرتك سبب في سعادته بالكنز الي في أيده الي مش موجود غير مع أسره نيسان و عقبال لم كل العيله تجيبه أنشاء الله و ربنا يجزيك خير علي نيتك الطيبه في مساعده أخواتك في المنتدي و أسعادهم و منتظريين عودتك الجميله و بمفاجئه جديده أنشاء الله :)