الموضوع: حادثة على الصبح

المشاركة الأصلية كتبت بواسطة ger

المهم الفيرنا يا رجاله اكصدام دخل لجوه خالص والكبوت اتفتح وانا تطبيقة صغيره جدا فى الرفرف هههههههههه وانا راجع عديت على السمكرى عملهالى ب 20 جنيه بجد الاوروبى مفيش بعديه

هو ده كلام الناس العاقلين

ماشاء الله لا قوة إلا بالله ... والحمدلله إنها جت على قد كده وربنا يستر طريقك يارب :)

المشاركة الأصلية كتبت بواسطة ger

النهارده يا رجالة الصبح الساعة 8 30 شارع كبير وواقف ونحيتى انا فاضية خالص ولا عربية قدامى نهائى وفجاة تاكسى فيرنا هبت معاه وقرر يطلع فجاة يدوبك لمحت حاجة قدامى ملحقتش اقرر اساسا لسه هدوس على الفرامل لقيتنى لبست المهم البيه نازل مفكر هطلب منه تعويض ولازم صاحب التاكسى يجى وتصلحهالى يا حج انتا اللى غلطان والناس تقولوا انت غلطان بردوا لا جه صاحب التاكسى شاف الحوار قلتله انا مش هاخد منك حاجه لاكن عايز تطلب النجدة اطلب بس ساعتها هلبسهالك توكيل لقى الناس قاعدة تقوله سواق التاكسى اللى غلطان جاب ورا وقام قايلى اتكل على الله ناس غريبة مصممة يلبسوا نفسهم وانا اللى مش غلطان مش عايز البسهم المهم الفيرنا يا رجاله اكصدام دخل لجوه خالص والكبوت اتفتح وانا تطبيقة صغيره جدا فى الرفرف هههههههههه وانا راجع عديت على السمكرى عملهالى ب 20 جنيه بجد الاوروبى مفيش بعديه:b4_388:

انا امبارح بالليل واحد راكب نص نقل و راجع لورا دخل فيا من قدام و انا كنت برة العربية بشترى حاجة و جيت على صوت الانذار ، و لله الحمد اللوجان عربية حمالة محصلش حاجة غير ان الاكصدام بتاع النقل ساب علامة خبطة عندى على الفيبر من قدام و للاسف ملهاش علاج ، اللهم لك الحمد و ربنا يحفظ الجميع .

المشاركة الأصلية كتبت بواسطة ahmedeg1

أول أمس صباحا و انا رايح الشغل وواقف فى أمان اللى علشان الزحمه اذا بسواق تكتوك واقف وارايا و حب يطلع فلزق التكتوك بتاعه فى ضهر العربيه و حب يطلع من الشمال أوب كسرلى حته بتاع 10 سم من الفانوس الخلفى شمالى و انا داخل العربيه نزلتله و دفعتله تمن الفانوس كامل مكانش معاه أخدت رقم تليفونه و قالى اسأل عليه و هجبهولك المهم فعلا سألت عليه لاقيت التركى ب 160 جنيه و الأصلى ب 200 فى التوكيل كلمته الواد رد و طلع محترم لأنى قولتله لو هربت منى فحسابك عند الله و قالى اللى انتا عاوزه اجيبلك الأصلى قولتله كفايه عليك التركى و انا هكمل عليه و هاجيب الأصلى فوعدنى على يوم السبت هيقابلنى و يدينى ال 160 جنيه بس انا بفكر انه فعلا لو جالى زى ما اتفقنا اسامحه و ما أخدش منه حاجه و ربنا يخلف عليا بس انا عاوز اشوفه هيلتزم و لا لأ
انتوا ايه رأيكم؟؟

لو الرقم مش فارق معاك وانت ممكن تتصدق بيه عادي يبقي تمام

لكن انت ذنبك ايه تتحمل حاجه وفلوس زيادة ومش بسببك
انا شايف انها مفيهاش حاجه انك تاخد منه المبلغ وده يكون ذريعه ليه انه يخلي باله


لكن برضه ارجع اقولك انت قيم الموضوع

هل ده حدث عن استهتار منه واستعباط يبقي لازم يتعاقب

لكن لو غضب عنه وانت متلمس له عذر وانها ممكن تحصل مع اي حد فينا

يبقي لو الرقم مش هيأثر علي ميزانيتك يبقي متاخدوش منه حاجه
والحمد لله اننا بخير

وزي ما بيقولوا مش مهم تيجي في الصاج

ربنا يحافظ علينا يارب

المشاركة الأصلية كتبت بواسطة ahmedeg1

أول أمس صباحا و انا رايح الشغل وواقف فى أمان اللى علشان الزحمه اذا بسواق تكتوك واقف وارايا و حب يطلع فلزق التكتوك بتاعه فى ضهر العربيه و حب يطلع من الشمال أوب كسرلى حته بتاع 10 سم من الفانوس الخلفى شمالى و انا داخل العربيه نزلتله و دفعتله تمن الفانوس كامل مكانش معاه أخدت رقم تليفونه و قالى اسأل عليه و هجبهولك المهم فعلا سألت عليه لاقيت التركى ب 160 جنيه و الأصلى ب 200 فى التوكيل كلمته الواد رد و طلع محترم لأنى قولتله لو هربت منى فحسابك عند الله و قالى اللى انتا عاوزه اجيبلك الأصلى قولتله كفايه عليك التركى و انا هكمل عليه و هاجيب الأصلى فوعدنى على يوم السبت هيقابلنى و يدينى ال 160 جنيه بس انا بفكر انه فعلا لو جالى زى ما اتفقنا اسامحه و ما أخدش منه حاجه و ربنا يخلف عليا بس انا عاوز اشوفه هيلتزم و لا لأ
انتوا ايه رأيكم؟؟

أنا رأى تستنى لما يجى علشان تعرف أنة ملتزم ويستاهل أنك تسامحة وعلشان هو كمان يعرف غلطة وميكرروش مع حد تانى وحتى لو هيجيب أى مبلغ اللى يقدر علية . وربنا يخلف عليك .