حكايتي مع أوماترا النهارده (إيجابيه للمرة التانيه)

**yoko** · 13-10-2011 01:16 AM

نحكي من أول اليوم نزلت من 9 الصبح رايح التأمين في الدقي رحت خلصت الدنيا على الساعة 11ونص
م.نوفازيو كلمني وقالي هيجولك يغيروا الإكصدام الخلفي والنواكل الي قدام الساعة 7 لو يناسبني قلتله تمام قالي م.طارق هيكلمك ياخد العنوان قولتله تمام
قابلت واحد صاحبي قعدت معاه شويه ضحى كلمتني وزي ما حكت كده
ولما كنت معاها في الدراسه إديت م.طارق العنوان المهم قالي الساعة 8 مع إن نوفازيو قال 7 قولت أوك
المهم روحت كان عندي مشوار مهم (شغل) وانا في السكة إتصلوا بيا عشان جايين الساعة 7 قولتلهم مش 8 قالولي لأ 7 (عادي مفيش مشاكل)
لفيت ولغيت الشغل ورجعتلهم إستنيت لحد 8 الا تلت
جالي المهندس رامي (مدير ورشه السمكرة لسه ماسك جديد) وبجد راجل محترم جدا جدا جدا
ومعاه 3 فنيين محترمين جدا برده فكوا الإكصدام الي ورا وركبوا الجديد وركبوا النواكل بتاعته
ولقيتهم جايبين نواكل قدام (مع اني مشتكتش منهم) وعرفت بعد كده إن م.نوفازيو هو الي قالهم بس للأسف على ما فكوا الإكصدام الي ورا وركبوه كان الوقت إتأخر فهرحلهم بكرة الصبح يخلصوها ويعملوا بوليش وسحق للإكصدام الي ورا عشان المكنه علقت منهم وهما شغاليين
والمهندس كريم حافظ عدى علينا برده من الشخصيات الي طول عمري بأحترمها ومصر إن التوكيل إتصلح كتييير عن الأول وبيقولي كل الي حصل ده مش هيتكرر تاني لا معايا ولا مع غيري (أتمني)

ودي أخر حواديتي مع أوماترا

**JUVENTUS** · 13-10-2011 02:37 AM

يا رب يكونو اتعدلو بجد
و يا ريت يا ابو حميد لو تقدر تلفت نظرهم لموضوع الدعاية و الاعلان انا عمري ما شفتلهم لوحة اعلانات في الشارع حتى

**yoko** · 13-10-2011 10:14 AM

الفت نظرهم للإعلانات أو إنهم يعملوا إعلانات دي عندهم كإنك بتقولهم إرموا نفسكوا في النار

المشاركة الأصلية كتبت بواسطة newcastle

عمرهم ماهيتعدلوا اصلا دول ااخر ضياع كلمتهم يوم 4-10 عشان احجز معاد اغير سيور الكاتينه والدينامو (الاتنين متغيرين مع بعض وعاملين 38000 كيلو لحد دلوقت)
المهم البيه (اسمه احمد سعد)بيقولي اول معاد فاضي يوم 26-10 يعني عشان تحجز معاد صيانه تحجزه قبلها ب 3اسابيع حاجه منتهى التهريج والاستهتار

أحمد سعد أنا أعرفة شخصيا هو كويس جدا بس موضوع الحجز مش بإيده شوف في فرع العباسيه أو البرقان (مركز خدمة في الهرم) ولو هتروح البرقان بلغني قبلها

**JUVENTUS** · 13-10-2011 01:26 PM

المشاركة الأصلية كتبت بواسطة yoko

الفت نظرهم للإعلانات أو إنهم يعملوا إعلانات دي عندهم كإنك بتقولهم إرموا نفسكوا في النار

ههههههههههههههههه هم مش مدركين الدعاية مهمة اد ايه
منصور و غبور شغالين بيعملو اعلانات و عربية مثلا زي اللوجان انتشرت اوي برضو عشان اتعملها اعلانان كتير جدا و اوماترا في ايدهم كنز و الله و عربيات محترمة جدا جدا
ربنا يصلح احوالهم بس

**yoko** · 13-10-2011 07:23 PM

تمام وروحت النهارده أكمل الي بيعملوه هو كله تمام بس المفروض العربيه كانت تخلص الساعة 11 ونص خلصت 1 ونص (هما مكدبوش هيا 11ونص بس بتوقيت جرينتش)
وم.نوافزيو كان هناك وسلم عليا وجالي تاني عشان يبلغني إن العربيه هتخلص كمان نص ساعة