مفاجأة اليوم اتصال من غبور
الانسه : انت فلان
.... نعم
انت كنت مقدم شكوى بخصوص الزيت المستخدم
.... ايوه نعم
طيب يا افندم ممكن حضرتك تجيب الزيت اللى انت عايز تحطه معاك
.... ما هو انا هاعمل كده فعلا .... انا اصلا قررت انا و زمايلى اننا يا إما نجيب الزيت معانا او ما نجيش التوكيل اصلا ... بس هو ايه ردكم على موضوع الزيت
طيب يا افندم ممكن حضرتك تجيب الزيت اللى انت عايز تحطه معاك
.... الزيت اللى بيتحط مش هو الموصى به من هيونداى او من شل
طيب يا افندم ممكن حضرتك تجيب الزيت اللى انت عايز تحطه معاك
.... انا عايز حد يرد على ... بخصوص انى حطيت زيت مش هو اللى المفروض يتحط 4 مرات دى مسئولية مين انا داخل على صيانة ال 25000
طيب انت ممكن تسجل شكوى
.... نعم امال انا كنت باعمل ايه ... انا مسجل الشكوى دى تقريبا من اسبوعين ... اتصل تانى ؟؟؟ انتم لو عندكم رد قولوهولى ممكن انا فاهم غلط
طيب اديلك رقم حد من المهندسين علشان يفهم حضرتك
.... لا شكرا
انا حاولت انقل الكلام على قد ما انا فاكره... بصراحه انا كنت منفعل جدا و هى كمان مش عارفه ترد على رد مقنع