الموضوع: متشتريش السيتى ليه؟؟؟؟؟؟؟ موضوع مهم و جاد

للأسف كلمة بقيت اسمعها كتير قوى من ناس كتير هنا فى المنتدى
طيب من يدعى انها عربية وحشة بتقول كده ليه انا هوضح اسبابهم:
1- سمعت انها وحشة
2- تقيلة فى بيعها
3- هوندا يالهوى هتتفرم قطع غيار
4- اصلها مش ثابتة
5- اصل فراملها وحشة
6- اصلها تقفيل تايلاندى
7- اصلها مش بتنزل فى اوروبا و امريكا

و كلام كتير زز انا هرد على الكلام ده بحيادية تامة بس بعد ما اوضح ابعاد شرائنا للعربية دى

اولا من 2001 ل 2006 كنا نملك الدايو نوبيرا زز طقت فى دماغ والدى نغير العربية فجأة بدون اسباب و لكن تم تأجيل الشراء حتى 2007 و كانت الميزانية من 90 ل 100000 جنيه
كانت امامنا خيارات كثيرة و كلها زيرو و اوتوماتك و هوضح اسباب رفض كل سيارة:
1- هيونداى النترا ------ بابا رفض مبدأ الكورى تانى و لأفتقادها عوامل السلامة و الأمان من AIRbag & ABS
2- بروتون جين 2 ------ للأسف سيارة لا تناسب احتياجتنا العائلية
3- نيسان صنى سوبر صالون ---- لأفتقادها الABS و والدى رافض فكرة التفيل المصرى
4- لأنسر بوما ----- عربية لاغبار عليها بس التابلوه بتعها والدى مستريحش فيه

و على غير عادة الوالد قرر لا يستمع لكلام النا و منهم انا اننا نبعد عن السيتى و نخلينا فى الأنسر و قررر انو يشوف السيتى
روحنا الفطيم و الصدفة كانت عندهم عربية سيتى بواقى 2006 بس زيرو ماشية 60 كم و ارخص 10 آلف يعنى كانت ب 98000 و اوتوماتك و ABS & 2 airbag و احسنهم فى التابلوه و 1500 110 حصان
و تم اتخاذ القرار

نرجع بقى نرد على الناس الى بترمى اتهامات بالباطل على العربية دى:

1- كلمة سمعت دى بتايقنى ..... لو سمحت جربت بنفسك قول رأيك مجربتش متقولش سمعت دى

2- معاهم فى النقطة دى بس هقول حاجة انا العربية مبسوط منها لأخر الحدود هبيعها ليه؟؟؟

3- هو عشان اشترى عربية لازم يكون التيل ب 50 جنيه عشان اجيبو يستمر شهر و يحتاج يتغير؟؟ انا من النوع الى بجيب الحاجة الأصلى عشان اريح دماغى من الهندى و الصينى و التيوانى و و و و
و بعدين عمرها معملتها معايا و الحمد لله لحد الأن مش بعمل غير الصيانات الدورية

4-مش عشان هيا عالية عن الأرض و ملأمة لشوارعنا نقول كده و بعدين طرق مصر ليست مقياس و الحمد لله لحد ال 140 زى الفول بعد كده على حسب كل طريق وانا اصل هعمل ايه ب اكتر من 140

5- يكفى انها ABS و مسعفة جداااااااا

6- و بالنسبة ل فولكس الى بعض سيارتها بتتقفل فى البرازيل و المكسيك و لآ نسيان الصين و المكسيك ولا ولا مش بالبلد الى بتتقفل فيها بالجودة و معاير الشركة و المصنع و دى هونداااا

7- هو عيب لما تكون هوندا بتنزل عربية خصيصا للبلاد الحارة (الشرق الأوسط و أسيا و امريكا الجنوبية؟؟)
طيب ما اسيفيك الهاتشباك بتنزل فى اوروبا بس ..... دى عربية لف~ة من الناس معينة و على فكرة الهوندا جاز او فيت هى هى السيتى فى كل حاجة ما عدا الشكل يعنى تعتبر السيتى اسمها جاز سيدان

حاجة اخيرة معلومات تنفرد بها السيتى عن اى سيارة تانية:
1- اول عربية فى مصر 7 سرعات اوتوماتك + CVT
2- اول عربية فة مصر تبديل السرعات من الدريكسيون ( كانت فى عربية بورشة مش فاكر موديلها)
3- السيارة الوحيدة فى فئتها شنطتها 500 لتر
4- السيارة الوحيدة الى ممكن ترفع قاعدة الكنبة

انا عارف كلامى دا ممكن ميعجبش ناس كتير بس عشان دى الحقيقة المرة
و انا ستعد للتناقش مع اى حد فى اى نقطة

و يارب كلامى يعجب الهعونداوية