استلمت لانوس 2012

**ASD peugeot** · 14-10-2011 02:33 AM

الف مبروك ربنا يديك خيرها ويكفيك شرها
انا سبقت واشتريت 2011 وعرفت ان الفرق هيكون في الفاميه وانه بتثبت في الرخصه عاوز اتأكد من صحه الكلام ده

**m0hsen** · 14-10-2011 05:10 AM

وايه اخبار سخان الازاز وفين المفتاح اللى بيشغله

**Abdm** · 14-10-2011 11:46 AM

المشاركة الأصلية كتبت بواسطة asd peugeot

الف مبروك ربنا يديك خيرها ويكفيك شرها
انا سبقت واشتريت 2011 وعرفت ان الفرق هيكون في الفاميه وانه بتثبت في الرخصه عاوز اتأكد من صحه الكلام ده

أيوة حضرتك تمام هو فعلا الفامية والآريال المثبت على الزجاج الخلفى وبيتثبت على الرخصة حقيقى

والكلام دة موجود بردة فى الفيرنا وأغلب موديلات 2012 . المشكلة الحقيقية فى المخالفات اللى العساكر بيسجلوها أو الآمين من غير ما يشوف الرخصة ومش عامل فرق بين اللى العربية نازلة كدة فبريكة ورسمى واللى مركب مش رسمى لغاية أخر السنة ونشوف المخالفات وربنا يستر هنعمل تظلم والا الكمبيوتر هيلغى المخالفات أتوماتيك للى ماشى قانونى

المشاركة الأصلية كتبت بواسطة m0hsen

وايه اخبار سخان الازاز وفين المفتاح اللى بيشغله

السخان موجود وزرارة موجود فى التابلوة على اليمين جنب زرارير الأنتظار والتكييف

والله الموفق والمستعان

**ASD peugeot** · 14-10-2011 03:41 PM

انا مش عارف فين زرار السخان ده عندي هل هو حاجه زياده في 2012 عن عربيتي اخر 2011 ولا ايه وبيسخن اي زجاج وايه فايدته وهل فيه اي فروقات تانيه وشكرا ليكم.

**Abdm** · 15-10-2011 02:52 PM

المشاركة الأصلية كتبت بواسطة asd peugeot

انا مش عارف فين زرار السخان ده عندي هل هو حاجه زياده في 2012 عن عربيتي اخر 2011 ولا ايه وبيسخن اي زجاج وايه فايدته وهل فيه اي فروقات تانيه وشكرا ليكم.

السخان موجود وزرارة موجود فى التابلوة على اليمين جنب زرارير الأنتظار والتكييف وعلية علامة شرط خطوط بخار ماية وهو موجود فى الفل أوبشنز و مش عارف موجود فى الهاف أوبشنز ولا لآ

ومش عارف كان فى موديلات 2011 ولا لآ لكن هو علشان تسخين الزجاج الخلفى لما يكون فى شبورة جامدة أو ثلج . وهو غالبا لا يستخدم .... وما فيش أى فروقات تانية غير اللى ذكرتها سابقا

والله الموفق والمستعان

**ramy_ahamid** · 16-10-2011 03:19 PM

انا جبتها قسط من بنك ناصر ، سعرها كاش 72 ألف ، دفعت 45 ألف مقدم ، و الباقى قسط 443 جنيه على 90 شهر
العربية كاملة نبيتى
أهم ملاحظاتى :
1- العربية ناعمة جدا و سحبها ممتاز.
2- الموتور صوته عالى شوية.
3- الفرامل ممتازة
4- الكاسيت كينوود سى دى تحفة فنية.
5- الكماليات الزيادة : زجاج فامية- الأريال الكهربا المدمج فى الزجاج الخلفى- تغيير شكل الفرش الداخلى و فرش السقف.
6- لسة مش عارف أحسب إستهلاك البنزين.
و لو فيه أى سؤال انا تحت أمركم