مطلوب صاحب الساجا الأبيض رقم ورع 432 علي ما أتذكر :d

**walids** · 13-10-2011 02:44 PM

السلام عليكم

الأستاذ اللي انا شفته النهارده بالصدفه و انا رايح مدينة نصر و هو راكب ساجا أبيض في نفس الوقت اللي انا كمان راكب ساجا أبيض ، هههههههه ديماً بفرح لما بشوف حد ساجا أو بروتون بشكل عام ، لكن المره دي ما شاء الله جذبني تظبيطه اللذيذ للساجا ، لدرجة اني كنت شايفها من بعيد BMW و لكن لما قربت ليها لقيتها ساجا و ده اللي ذهلني

ما شاء الله انا أحييك علي ذوقك الجميل في العربيه لأنه انت عملت حاجات انا كنت بتخيلها في بالي و كنت ناوي اعملها من زمان اوي بس للأسف مش عندي الوقت ، لكن انت شجعتني للموضوع مره تانيه

علشان كده عايز أسألك عن التظبيطات اللي انت عملتها في العربيه في الفوانيس اللي ورا و الأكصدام الأمامي و كده و الجنوط و هكذا و التكاليف ،

و علي فكره انا اسمي احمد ، و لكن العضوية اسمها walids لأسباب خاصة :D

تحياتي لك ،،

**mememsaid** · 13-10-2011 03:21 PM

طب هو كان عامل ايه؟

**walids** · 13-10-2011 04:17 PM

والله يا محمد هو عامل لمسات ممكن تكون بسيطه لكن مخليه العربيه ما شاء الله منظرها جميل اوي
يعني كمثال الفوانيس اللي وراك ، مكملها بتذييل كده كأنه تكملة للفانوس ، لدرجة انك تشوف الفانوس كأنه زي بتاع ال bmw من بعيد

ده بالاضافة للإستيكر الأسود الملزوق علي الإكصدام من قدام تحت علامة البروتون ، ده كان فيه موضوع ليه هنا قبل كده ، و لكن مخلي شكلها زي ال audi و ال kia cerato

و لاحظت انه كمان مركب جنوط سبور شكله جميل اوي و مركب عليه كاوتش اعتقد انه عريض ، يعني مقاساته غير المقاسات الديفولت للعربيه

**sanhory** · 13-10-2011 04:48 PM

انا عارف العربية دي بشوفها دايما عند منطقة الحديقة الدولية فعلا شكلها بيعجبني اوي بذات حركة الفوانيس اللي ورا

**warwar** · 13-10-2011 10:00 PM

سلام عليكم ازيك يا احمد انا صاحب الساجا اتقابلنا في صلاح سالم . انا عضويتي warwar ايضا لظروف خاصه ثانيا شكرا علي الكلام الجميل اللي قولته من شويه انت كمان عربيتك ماشاء الله جميله
واي سؤال انا تحت امرك

**warwar** · 13-10-2011 10:10 PM

warwar_adam@yahoo.com
الاجابه علي اسئلتك اللي ساْلتها
الجنوط 16 /205/45
الاستيكر عند اي حد بتاع كماليات المهم انت تكون فاهم وتشغله بدماغك بس
واي سؤال تاني انا تحت امرك
وتلفن كمان يا جميل اهوه01116307791

**sayed911** · 14-10-2011 12:18 AM

حضرتك انا بشوف الساجا دي على طول في العسابية وبالذات في منطقة شارع البعوث الإسلامية .. الساجا دي بالجنط ده على طول هناك

**warwar** · 14-10-2011 02:01 PM

حضرتك دا مكان شغلي وانا متواجد هناك من 8 ص :3م

**tutankhamoun** · 15-10-2011 07:48 AM

شوقتونا نشوف العربية يا شباب

الأستاذ حرب حرب --- ----

ما تصورلنا العربية كام صورة حلوة كدا لو ده مُناسب معاك ؟
أنا حاسس بالفضول من كلام الأخوة أني أشوف العربية