هوا أية إلى ممكن يحصل لو أستوردت عربيه من بلد أجنبيه !؟
معلش دخلت على كذا موضوع هنا فى المنتدى و أتكلمنا مليون مرة بس موصلناش لحاجة غير التعقيد و أنا بالنسبالى أكتر حاجة مش بطيقها التعقيد , و كمان فيه عربيات كتيرة مدخلتش مصر طب أزاى يعنى نجيبها هنا !؟ و لو هنتعامل مع توكيلات هنتسفلت فى السعر , و كمان الموضوع مش خيالى ولا حاجة ماهو فيه واحد نصاب أسمه رضا غازى عمله فى عربيه بأمكانيات التوك توك و بما أن المبدأ موجود يبقى ممكن تتعمل فى أى عربيه كبيرة سواء كاملة أو متقطعة , طيب أنا شوفت كذا أعلان مثلا فى رومانيا و فى الصين و هكذا و شركات إدارتها مصريه بتقول إنها ممكن تستورد أى حاجة من الدول دى لمصر مع دفع سعر المنتج + النقل + الجمارك , يعنى كدة هنوفر سعر التوكيل و النصبه دى بالكامل , طيب فيها أية بقى لو تم الأتفاق مع فرع من الفروع بتاعة شركات الوساطة دى و دفعتلهم الفلوس و جابولى إلى عايزاة لحد هنا !؟ هيا فكرة مجنونه بس مش بعيده يعنى فكنت عايزة أعرف مش كل عربيه بيتدفع لها شحن على الوحده الواحده ولا على المجموعة ؟ و النقل برضة على نقل الواحدة ولا المجموعة و لو فيه عربيه مثلا سعرها 10.000 دولار بره هتدخل مصر بعد الليلة دى بكام ؟
