الموضوع: هو انا غلطت لما شتمت راجل قد ابويا ؟؟

اسمحلى انت غلطان مرتين:
مرة لانك معزرتوش لانة مضايق من المكالمة زى ما انت شفتة ودة بيحصلنا كلنا ممكن تكون ماشى فى حالك وواحد يتصل بيك يحرق دمك ساعتها ممكن غصب عنك تتعصب على الى حواليك وتبقى نفسك يسمحوك وما يزعلوش منك.
المرة التانية انك رديت عالية وهوة اد والدك ولو والدك غلط فى اى شاب وكان والدك غلطان من ساسة لراسة مش حترضى ان الشاب دة يرد علية.

طيب تعمل ايه لما تبقي علي الدائري في الطلعه الزحمه اللي عند الصحرواي وجاي من الأسكندريه وبقالك 5 ساعات ف زحمه وقرف وماصدقت طلعت عل الكوبري تلاقي الناس اللي بتطلع من علي اليمين داخلين قدامك شمال
عدي قدامي دودج رام ولقيت نقل بمقطوره ماشي قصادي وعايز يدخل شمال ومدي اشاره وانا عند الكابينه بتاعته يعني الطبيعي اعدي انا عشان ميزنقنيش بعد شويه لقيت الباشا بيطلع دماغه من الشباك وبيقولي مش ماليه عنيك دي يعني قصده عربيته يعني - طيب انت حر ولقيته عمال يكسر عليا وفي ميكروباص ماشي ورايا وعمال يقولي كده ويقول للي ورايا ويكسر علينا لحد مانفذت منه بالعافيه والطريق سلك وده والله العظيم طاير ومعدي ال 110 والطريق في اوله مطبات وسامع صوت العربيه بالمقطوره عامله رعب مع الكلاكس يعني حاجه تقرف وعمال اشتم ومش قادر اتلم علي اعصابي ومراتي تتخانق معايا عشان بشتم

ده بقي تقوله ايه؟
يعني جاي من اقصي اليمين عايز يمشي في لشمال مش عارف ليه وعايز بمجرد انه ادي اشاره كله يقف حتي لو كان لسه في واحد داخل قدامه

المشاركة الأصلية كتبت بواسطة koheya

اسمحلى انت غلطان مرتين:
مرة لانك معزرتوش لانة مضايق من المكالمة زى ما انت شفتة ودة بيحصلنا كلنا ممكن تكون ماشى فى حالك وواحد يتصل بيك يحرق دمك ساعتها ممكن غصب عنك تتعصب على الى حواليك وتبقى نفسك يسمحوك وما يزعلوش منك.
المرة التانية انك رديت عالية وهوة اد والدك ولو والدك غلط فى اى شاب وكان والدك غلطان من ساسة لراسة مش حترضى ان الشاب دة يرد علية.

و هو انا لما انزل اسوق فى الشارع مطلوب منى انى اعمل تحليل نفسى للسايقين حوليا عشان اعرف ظروفهم ايه النهارده واعرف مين متنكد و مين سعيد و فرحان؟؟؟؟
و بعدين الموبايل رن و عايز يرد عليه قبل ما يرد يشوف له حته يركن فيها و يرد براحته
الموضوع باختصار فى 3 كلمات
القياده فن و ذوق و خلاق
و الشارع المصرى حدث ولا حرج
انت الوحيد اللى تقدر تعمل تقييم للموقف بحيث تخرج منه باقل الخسائر (ماديه و ادبيه و معنويه)

المشاركة الأصلية كتبت بواسطة l0new0lf

و هو انا لما انزل اسوق فى الشارع مطلوب منى انى اعمل تحليل نفسى للسايقين حوليا عشان اعرف ظروفهم ايه النهارده واعرف مين متنكد و مين سعيد و فرحان؟؟؟؟
و بعدين الموبايل رن و عايز يرد عليه قبل ما يرد يشوف له حته يركن فيها و يرد براحته
الموضوع باختصار فى 3 كلمات
القياده فن و ذوق و خلاق
و الشارع المصرى حدث ولا حرج
انت الوحيد اللى تقدر تعمل تقييم للموقف بحيث تخرج منه باقل الخسائر (ماديه و ادبيه و معنويه)

لا يا سيدى مش مطلوب منك تعمل للناس تحليل نفسى ولا حاجة ولكن مطلوب منك فى الحالات البسيطة زى الى بيسال عليها صاحب الموضوع يعنى مفيش خطورة عليك ولا على عربيتك انك تكون حليم شوية وخاصة لو كان الى قدامك اد والدك او كان معاك زوجتك او اولادك لانك مهما انتصرت حتطلع خسران بردة.ولانك اكيد بضايق ناس وانت سايق وبتكسر عليهم او بتبقى سرحان او بتنسى النور منور فى وش الى قدامك او او او... وفى كل الحالات دى ما تحبش ان حد يطلع دماغة من الشباك ويقولك انت ما بتشفش او انت نا يم او اى شتيمة فكما تحب ان يعاملك الناس بالحسنى فى خطأك عاملهم بالحسنى فى اخطائهم.

مره كان الطريق زحمه الصبح وانا رايح الشغل عند جرين بلازا واول ماالدنيا سلكت اتحركت وقبل مااطلع كوبري 15 مايو كنت ماشي شمال وفي عربيه شاهيين سايقها راجل عجوز علي يمين قدام بيني وبيها حاجه بسيطه والدنيا كانت شاتيه والأرض مبلوله وفجاه المعلم ده طلع ايده من الشباك وقام داخل شمال مره واحده قمت انا مفرمل والعربيه زحفت وعملت صوت بسيط لقيت ده لما عديت وطبعا موسعليش ولقيته جاي بسرعه وعمال يقولي انت عبيط يابني ويشتم قمت شادد وفكيت منه خالص لحد دوران سموحه وبرده جه جنبي ويشتم ويقولي انت عبيط وانت عملت نفسي هندي البنهاوي وفكيتني منه خالص وسبته شايط مع نفسه ولا اني اجيب لنفسي قلة القيمه في الشارع

المشاركة الأصلية كتبت بواسطة koheya

لا يا سيدى مش مطلوب منك تعمل للناس تحليل نفسى ولا حاجة ولكن مطلوب منك فى الحالات البسيطة زى الى بيسال عليها صاحب الموضوع يعنى مفيش خطورة عليك ولا على عربيتك انك تكون حليم شوية وخاصة لو كان الى قدامك اد والدك او كان معاك زوجتك او اولادك لانك مهما انتصرت حتطلع خسران بردة.ولانك اكيد بضايق ناس وانت سايق وبتكسر عليهم او بتبقى سرحان او بتنسى النور منور فى وش الى قدامك او او او... وفى كل الحالات دى ما تحبش ان حد يطلع دماغة من الشباك ويقولك انت ما بتشفش او انت نا يم او اى شتيمة فكما تحب ان يعاملك الناس بالحسنى فى خطأك عاملهم بالحسنى فى اخطائهم.

لا يا استاذنا انا مبضايقش حد و انا سائق لانى بعرف اسوق كويس و معايا رخص (جمع يعنى اكتر من رخصه) من بره مصر
و عشان كده و لنفس السبب مبسمحش لحد انه يغلط فيه مهما كان سنه او نوعه
صاحب الحق قوى
و على فكره انا مبشتمش
بس بعمل كل حاجه تانيه
:0