الموضوع: هو انا غلطت لما شتمت راجل قد ابويا ؟؟

المشاركة الأصلية كتبت بواسطة shaddadfalcon1

طيب تعمل ايه لما تبقي علي الدائري في الطلعه الزحمه اللي عند الصحرواي وجاي من الأسكندريه وبقالك 5 ساعات ف زحمه وقرف وماصدقت طلعت عل الكوبري تلاقي الناس اللي بتطلع من علي اليمين داخلين قدامك شمال
عدي قدامي دودج رام ولقيت نقل بمقطوره ماشي قصادي وعايز يدخل شمال ومدي اشاره وانا عند الكابينه بتاعته يعني الطبيعي اعدي انا عشان ميزنقنيش بعد شويه لقيت الباشا بيطلع دماغه من الشباك وبيقولي مش ماليه عنيك دي يعني قصده عربيته يعني - طيب انت حر ولقيته عمال يكسر عليا وفي ميكروباص ماشي ورايا وعمال يقولي كده ويقول للي ورايا ويكسر علينا لحد مانفذت منه بالعافيه والطريق سلك وده والله العظيم طاير ومعدي ال 110 والطريق في اوله مطبات وسامع صوت العربيه بالمقطوره عامله رعب مع الكلاكس يعني حاجه تقرف وعمال اشتم ومش قادر اتلم علي اعصابي ومراتي تتخانق معايا عشان بشتم

ده بقي تقوله ايه؟
يعني جاي من اقصي اليمين عايز يمشي في لشمال مش عارف ليه وعايز بمجرد انه ادي اشاره كله يقف حتي لو كان لسه في واحد داخل قدامه

المشاركة الأصلية كتبت بواسطة shaddadfalcon1

مره كان الطريق زحمه الصبح وانا رايح الشغل عند جرين بلازا واول ماالدنيا سلكت اتحركت وقبل مااطلع كوبري 15 مايو كنت ماشي شمال وفي عربيه شاهيين سايقها راجل عجوز علي يمين قدام بيني وبيها حاجه بسيطه والدنيا كانت شاتيه والأرض مبلوله وفجاه المعلم ده طلع ايده من الشباك وقام داخل شمال مره واحده قمت انا مفرمل والعربيه زحفت وعملت صوت بسيط لقيت ده لما عديت وطبعا موسعليش ولقيته جاي بسرعه وعمال يقولي انت عبيط يابني ويشتم قمت شادد وفكيت منه خالص لحد دوران سموحه وبرده جه جنبي ويشتم ويقولي انت عبيط وانت عملت نفسي هندي البنهاوي وفكيتني منه خالص وسبته شايط مع نفسه ولا اني اجيب لنفسي قلة القيمه في الشارع

الاشكال اللى زي دي متعملش معاها حاجة عشان انت الخسران لانك هتنزل لمستواهم ومعاك زوجتك واولادك لانهم عمرهم مايعترفوا بغلطهم الا قليل والعملية كلها بقت بلطجة
الحل معاهم تقفل الشباك و تحط اعصابك في تلاجة قبل ما تطلع بالعربية

المشاركة الأصلية كتبت بواسطة l0new0lf

لا يا استاذنا انا مبضايقش حد و انا سائق لانى بعرف اسوق كويس و معايا رخص (جمع يعنى اكتر من رخصه) من بره مصر
و عشان كده و لنفس السبب مبسمحش لحد انه يغلط فيه مهما كان سنه او نوعه
صاحب الحق قوى
و على فكره انا مبشتمش
بس بعمل كل حاجه تانيه
:0

كل واحد بيمشي بدماغه (خراب يادنيا عمار يادماغي) وممكن يكون غلطان ويبقى فاكر انه مغلطش اساسا ... والحاجة اللى عملها دي اللى فاكر انها صح وبيعملها مع الناس لو حد تاني عملها معاه يعمل حفلة وخناقة
هيا الناس بقت كده