السلام عليكم و رحمة الله و بركاتة
كنت من كام يوم عند واحد بتاع اكسسوار عربيات و لقيت عنده بالصدفه الكاربون فايبر اللون الى انا كنت عاوزه فاخذت من 1/2 متر و قولت اما اضبط انا بقا العربيه بنفسى
و كنت عاوز اعمل كاربون على الهوايات و المنطقة بتاعت بكر التكييف فى النص و لقيت ان المنطقه بتاعت العدادات ممكن تتعمل كمان بالكاربون فايبر
فقولت اتكل على الله و ابدا افك حتة حتة كده (اول مرة كنت افك فيها اى حاجه من العربية )
نيجى لفك العدادات
و متنساش تنزل الدركسيون لتحت خالص علشان تاخد راحتك
الاول هنشيل المسمارين الى ماسكين الفبرة الى قدام العدادات من هنا و بعدها نسحب الفبرة بالراحة هتطلع معانا بسهولة
http://imageshack.us/photo/my-images/828/65981715.jpg/http://img828.imageshack.us/img828/9096/65981715.jpg
بعد ما فكينا الفبرة هتلاقى العدادات ممسوكة باربع مسامير فى الماكن الى عليها الدائرة الحمرا نفسكهم بسهولة و بالراحة و ياريت لو معاك WD-40 لو حاجه مش راضية تتفك
نمسك العدادات من الجوانب و نسحبها علينا و بالراحة برضه هتطلع
http://img713.imageshack.us/img713/6779/53949232.jpg
و اما نشيل العدادات هنلاقى وراهم المنظر ده و نخلى بالنا من الكلبسات الى فوق ده علشان متقعش
http://img155.imageshack.us/img155/443/78663606.jpg
و اما فكيت العدادات قولت اما اغير النور بتعهم و فكيت لمبة بالقاعده بتاعتها (لف القاعده ربع لفه هتلاقيها فكت معاك بسهولة ) و دورت على زيها و كان اسمها لمبة من غير كعب و كانتوا 3 كبار و واحده وسط
الواحده كانت ب1.75 جنية
و ابقا شيك على كل اللمبات يمكن واحده محروقة او حاجه
و اماكنهم قدامك اهوه الى بالاحمر دول و فيه واحده مستخبية فوق شوية
http://img88.imageshack.us/img88/6021/44115946.jpg
و ديه الفبر بتاعت العدادات الى كنت ناوى اعملها كاربون فايبر برضه
http://img18.imageshack.us/img18/979/73301547.gif
و بمناسبة تغيير الانوار بتاعت العدادات كانت لمبة الولاعة مش شغالة قولت اما افكها و اشوفها
الاول نشيل الطفاية بسهولة و نسحب من نفس المكان ده الاول و بعدين من الناحية التانيه و من فوق هتطلع معانا بسهولة (لو عندك كاسيت يا ريت تشيل وشه قبل ما تبدا علشان ميتجرحش)
http://img408.imageshack.us/img408/7407/60896751.gif
هتلاقى المنظر ده بعد ما تشيل الفبرة اكتشفت ان فيه لمبة للولاعه بس كانت محروقة
المهم لمبة الولاعه و لمبة الطفاية الى بالاحمر دول و بنفكهم برضه زى ما بنفك لمبات العدادات ربع لفه و يطلع معاك عادى خالص و هتلاقيهم عليهم غطاء اخضر كده ممكت تشيلة و تركبة للمبة الجديده لو عاوز النور يبقا اخضر الى فى الولاعه و الطفاية او متركبوش براحتك
http://www12.0zz0.com/2011/10/13/15/233792329.gif
و كده انتهينا من تغيير الانوار
نيجى بقا للفايبر كاربون
نيجى نفك الهوايات الى فى الجوانب تحط المفك مطرح ما انا حاطط و مفك تانى من تحت و بالراحة نضغط من فوق هتلاقيها طالعه معاها برضه بالراحة (معلش صورتها بعد ما كنت خلصت)
http://img197.imageshack.us/img197/9144/72709997.gif
و اول ما نفكها و نطلعها نفك الوش فقط و نطلعه
http://img213.imageshack.us/img213/6914/41842658.gif
باقى الهواية بعد ما شلنا منها الوش هتلاقى فيها كمية تراب و شحم مش معقولة الحل ايه علشان تنضفهم --> ازازة بنزين او بجنيه بنزين و كيس قطن ب 2.5 جنية و تقعد تمسح فيها لحد ما الشحوم و الاتربة الى فيها تروح و فى الرريش برضه هتلاقيها وسخة كده ننظفها بالبنزين و نسيبها يوم بره فى البلكونة او على الشباك علشان ريحة البنزين تروح
و بعدين نيجى للوش بقا و ياريت يكون معانا مسطرة و تاخد مقاساتك قبل ما تشتغل علشان تقطع صح
دول وش الهوايتين بعد ما ركبت عليهم الاكاربون فايبر
http://www12.0zz0.com/2011/10/13/15/875250775.gif
http://www12.0zz0.com/2011/10/13/16/500344969.gif
و نروح للباب و نفك لوحة الزجاج الكهرباء الاول نفك المسمار الى فى المقبض و بعدين نحط مفك تحت مكان السهم الى فى الجمب و نرفعها شوية و بعدين نسحبها لتحت شوية هتلاقيها طلعت و مربوطه بكلبس كهرباء ابيض هتلاقى له سنة طالعه شوية كده نضغط عليها و نطلع عادى زى اى فيشة كهرباء فى العربية
http://img594.imageshack.us/img594/9605/25024031.gif
و نفس النظام فى الباب التانى
و ده هيكون الشكل النهائى للتابلوة
http://img809.imageshack.us/img809/2403/73076175.gif
http://www12.0zz0.com/2011/10/13/16/806989527.gif
و يوم ما انا ركبت الحاجه ده قولت اما اركب بقا فرش للعربية بالمرة
http://img38.imageshack.us/img38/8743/14550771.gif
و لو فيه اى استفسار انا موجود فى الخدمة قولوا انتوا بس
و معلش طولت عليكم