انا بقى بحلم و بجد و الله و الحاجات اللى ف الحلم بتحصل لها replay
ببقى مش عارف الحقيقة من الحلم ف الوقت ده بجد
عرض للطباعة
انا بقى بحلم و بجد و الله و الحاجات اللى ف الحلم بتحصل لها replay
ببقى مش عارف الحقيقة من الحلم ف الوقت ده بجد
انا بقي وانا صغير كان كل احلامي تقريبا تعابين ودلوقتي اتطورت وبقت ذئاب ودي بقي بتخليني عايز اصرخ وانا نايم وعارفين طبعا احساس لما تبقي عايز تمشي او تجري وانت في الحلم ومش قادر كانك متكتف ومن شدة الرعب في الحلم بحاول اصرخ وابقي برده مش عارف ومش قادر لحد ماصرخ فعلا بس ببقي بصرح في الحقيقه والاقي مراتي بتصحيني
اكتر كلم بيخنقني اني احلم ان البلد او القريه اللي انا عايش فيها بقت متحضره قوي وشكلها حلو قوي وفيها كل حاجه ولما اصحي الاقيها زي ماهي وبرده حلم العربيه التحفه اللي ملحقش اسوقها
عارفين فيلم Inception اهو تقريبا الفكره بتاعته حصلت معايا مره - كنت بحلم اني بحلم اني عندي عربيه وفعلا صحيت الصبح مقتنع تماما اني اشتريت عربيه
وانا صغير بقي كنت نايم جنب ابويا وهو كان بيحلم انه بيضرب حد بيسرقه والموضوع تتطور معاه والضرب بقي حقيقه وفضل يلطش فيا بالليل والصبح بيقولي انا كنت بحلم اني بضرب حد قولتله مانا عارف - انا اللي كنت بنضرب
واحد بقي تاني من الناس اللي بتتحرك كتيير بالليل وبيتفاعلو مع احلامهم والمعلم بقي كان متفرج علي حلقة مصارعه وطول الليل بيحلم بيها وعمال يضرب طاخ طييخ وصحي الصبح لقي صوابعه وايده ورجله متخرشمين اتاريه كانت بيلاعب الحيطه
احلي حاجه ان ساعات الأحلام بتبقي متصله يعني احلم اني مثلا النهارده عملت حاجه معينه او اشتريت حاجه وبعد شهر احلم تاني وفي احلم افتكر الحاجه اللي اشترتيها او اللي حلمت اني اشتريتها من شهر ودي بتخلييني حاسس ان في حقيقه
وبرده ساعات بيبقي حلم اصحي من النوم اشرب او ادخل الحمام وارجع انام اكمل من عند نفس النقطه ومرات كتيير مش مره واحده
وحلم السقوط من مكان عالي ده حلم غبي وساعات كنت بحلم اني بطلع في الروح او اني بنفجر
بس دى ممكن تيقى رؤية ولو بيحصل معاك من الأفضل متقولش للناس لأن دى هبة وممكن تتاخد منك واحيانا الشيطان بيستغل النقطة دى فيجى للناس اللى احلامهم بتتحقق رؤيا يعنى ويعمل هو بقى حلم مرعب ان حد بتحبه هيحصل له حاجة مثلا فانت تترعب عشان يحزنك يعنى اصل انا قريت فى المواضيع دى كتير
موضوع التعابين والذئاب ده ممكن يدخلنا فى قصة جان حاول تشغل سورة البقرة علطول فى البيت
ومرة حلمت انى بطير وفعلا صحيت لقيت تلات اربع جسمى بره السرير وكنت هقع خلاص ومدة ايدى فى الهوا زى الحلم بالضبط : )
وحكاية احلام الرعب الفظيع وانك مش عارف تصرخ دى تلاقى من ده كتييييييييييير
لا متخافش شغل بس قرءان علطول خاصة سورة البقرة ولو قدرت تحفظها يبقى افضل