اول مرة افرح لإخفاق مصر في شيء

**aif** · 13-10-2011 09:31 PM

انا والحمد لله مصري حتى اللحاء ...... نخاع عظامي من جوه بتقول بلادي بلادي ... لو عصرتوني ح تلاقوا العصارة فول وفلافل وبصل وكشري ....... لو خيرتوني بين مصر واي مكان في العالم .... ح أختار الوايلي والزيتون والعباسية والضاهر ..... وسبق لي ان نفذت هذا الاختيار عمليا بكامل ارادتي ... يعني مش فنجري بق او حنجوري
يعني م الآخر انا متعصب لكل ماهو مصري
زي ما تقولو كدة عنصري متشدد في مصريتي
....
حتى في الامور التافهه ..... بالاقي مصريتي بتطغى عليا بشكل لا ارادي
المرة الوحيدة التي لم استطع ان اتحيز لما هو مصري هي المرة دي
المرة الوحيدة اللي فرحت لعدم فوز مصر بشيء هي المرة دي
لما المرشحين المصريين لجائزة نوبل للسلام لم يفوزو بها ...... بصراحة فرحت لعدم فوز احد منهم
مبروك توكل كرمان

**aif** · 13-10-2011 11:53 PM

المشاركة الأصلية كتبت بواسطة sayed911

بعيدا عن كل ده يا حج احمد انتا ساكن في العباسية وكمان في الوايلي والظاهر !! وانا معرفش :d
كان ليكون لي عظيم الشرف ان اعرف بأن لي جارا كمثل حضرتك يا سيدي الفاضل :d

الشرف ليا يا باشا
انا في العباسية عند المستشفى الايطالي وكلية الهندسة

**abou-yahia** · 14-10-2011 03:24 PM

وانا كمان كنت في غايه الانبساط وكنت بدعي ربنا بكده

**world_of_kill** · 14-10-2011 06:04 PM

طبعا الواحد انبسط انها مرحتش لمصر
تصدق فعلا الواحد مكنش واخد بالو من النقطه دي انو حيفرح لما تروح لحد من بره
بس الحمد الله انها راحت لي انسانه تستاهلها