الموضوع: عايز اسجل عقد فى الشهر العقارى ياريت حد يفدنى

علشان تسجل ارض في الشهر العقاري لازم نكون هي اساسا متسجله قبل كده .. حضرتك ازاي اشتريت ارض وانت ما لم تكشف عليها في الشهر العقاري يعني لو انت اشتريت من زيد مش تروح تسأل عليها الاول هي بتاعت زيد ولا لا .. لو حتى مش متسجله باسمه ممكن تكون باسم ابوه او جده وهو الوريث الشرعي تبقي في الحالة دي لازم تكتب في العقد الت اليه عن طريق الميراث الشرعي

عموما في اي الاحوال لازم البائع يجي معاك ومعاة كل الاوراق الدالة علي ملكيته للارض واعلام الوراثة لو وارثها او محاميه بتوكيل وكل الاوراق برضو الازمه لاثبات الملكيه بس مش كل الشهر العقاري بيقبل موضوع المحامي ده ايوه كل شهر عقاري شغال علي مزاجه مش عارف ازاي

لو بقي شاريها من العرب دي مش بتتسجل اساسا لان هما ما عندهمش عقود والكلام ده دي بتبقي وضع يد المكسب للملكيه وهو بيبع ويمضيلك علي الاساس ده وناس كتير بتشتري على كده
في الحالة دي لايكون امامك الا تشوف لك محامي يرفع لك قضية صحة ونفاذ كمان تحاول تدخل كهربا ومياه باسمك في الارض اثبات يعني علي مكليتك للارض