حد جرب مستحضر فاتاشى بتاع الريجيم مكتوب على النت انة بيجيب نتايج مذهلة
جارى البحث عن ال side effects
عرض للطباعة
حد جرب مستحضر فاتاشى بتاع الريجيم مكتوب على النت انة بيجيب نتايج مذهلة
جارى البحث عن ال side effects
مكتوب انة ذى الزينيكال بس من غير افرازات الزينيكال :))
انى فاتاشى العادى و لا جايد
طب اقول اى حاجة تعرفها ... بيجيب نتيجة ولا ؟!!
بيجيب نتيجه وانا شغال عليه دلوقتى
طلعت من رمضان والعيد متدمر
أزيك يا بشمهندس ....
نصيحتى أبعد عن الحاجات دى ....
ولو عايز تخس ....
روح لدكتور تخسيس وتابع معاة بأنتظام وأنت هتخس أن شاء اللة ....
كويس بس بيعمل انتفاخ هو بيشتغل على الدهون بس على ما اتذكر
منى راداميس تقريبا بتنصح بيه
ممتاز حستخدمة .... العلبة ب 34 جنية شريطين ملقتش الأجنبى
فاتاشى العادى بيتكون من 6 مواد و هدفه الاساسى امتصاص الدهون و تصريفها و ملىء المعدة و بيتاخد قبل الاكل
الجايد من 17 مادة بيسهل هضم الكربوهيدرات و تخزينها فى الكبد لحرقها مع اى نشاط و عدم حدوث امساك و بيتاخد بعد الاكل
الادوية مش بتخسس بدون رياضة , بعض الادوية لا يقبلها الجسم و تحتاج لادوية مساعدة حتى يظهر اثارها
السلام عليكم ورحمة الله وبركاته
ممكن اعرف فاتاشى طريقة استخدامه ازاى وهل له تاثير ولا لاء لانى جربت اكتر من دواء وحسيت انهم ملهمش لزمة منهم شيتوكال
انا بجرب bio cut و افتكرت انه هيعملي السحر معملش اي حاجو اي علاج محتاج رجيم و رياضة لو كسلت مش هيعمل اي حاجة و الدليل انا وزني زي مهو برغم اني بستعمله من حوالي 3 اسابيع يبقي لو هتاخد الدواء الي بتقول عليه ده برده لازم رجيم و رياضة و انا شايف الرياضة و الرجيم افضل من اخد ادويه
بس بما تعمل ريجيم كتير بتحتاج حاجى مساعدة resistive case
انا جربته الفاتاشي جايد في اول الرجيم هو كويس بس اي دوا رجيم محتاج تنظيم اكل + رياضه جري او مشي وهتلاقي نتايج مذهله وهتحس بفرق جامد جدآآآآ ممكن تحس ان وزنك هو هو ولكن الي مش هيكدب عليك هو لبسك لما تلاقي مثلآ البنطلون وسع او التيشرت وسع يبقي جاب نتيجه
والله النهاردة تالت يوم مع دايت غذائى مش حاسس بحاجة !! الجديد انة عاملى امساك مع انى بشرب مياة كتييييييييييييير
جايد ؟؟؟
لا اللى انا جبتة فاتاشى بس و مصرى ! يكونشى مضروب ؟؟!
لا مش مضروب
خده قبل الاكل بربع ساعة ولما تخلصه هات جايد متجبش العادى
الدايت لا يكفى لابد من رياضة
بالتوفيق
السلام عليكم،
فاتاشى جايد وهو سعرو كام بالظبط ومصنوع فين وهل ليه أي أثار جانبية؟؟ بينيم، بيجيب مغص، إلخ؟؟. يعني ممكن أكل أكلي الطبيعي وأخدو قبل أي وجبهة بربع ساعة ولا الوجبة الرئسية بس + ممكن أبئة أنزل أتمشى أو أجري. ولا إيه النظام ؟؟
وممكن بس الاسم يتكتب بالإنجليزي ولون العلبة إيه عشان لو رحت أي صيدلية.