ممكن أعرف إزاي أروح مرور مصر الجديدة من موقف العاشر مدينة السلام بسيارة خاصة ...عايز أعرف أمشي إزاي
عرض للطباعة
ممكن أعرف إزاي أروح مرور مصر الجديدة من موقف العاشر مدينة السلام بسيارة خاصة ...عايز أعرف أمشي إزاي
كمل فى نفس الطريق ولا تطلع الكوبرى وخليك فى جسر السويس بعد حوالى 8 كيلو هتلاقى كوبرى اطلعه وادخل شمال فى اخره هتلاقى مترو عديه ( يو ترين) كمل فى امتداد الشارع 3 تقاطع خش شمال ودور على ركنه كده انت بقيت فى ميدان الجامع يعنى فى المرور
بعد ما أنزل من على الكوبري أدخل شمال هبقى في الطريق المعاكس ولا الطريق ده فردي...من الممكن توضيح أكتر علشان أنا أول مرة همشي على الطريق ده وشكرااااااااااااا
و انت جاى من ناحية موقف العاشر متطلعش اول كوبرى (بعد الموقف ب كيلو) و تمشى من جنبه طوالى .... هتوصل عند التجنيد و فى كوبرى هناك متطلعوش و تخش من جنبه على التقاطع و فى اشاره و تخش شمال مع الاشاره (هتعدى شريط المترو و تخش شمال تمشى جنب المترو) هتعدى اول اشاره (و هتعدى من فوق شريط مترو برضه) و عند تانى اشاره خش يمين (خلى بالك ان فى طوالى و فى يمين بزاويه و يمين صرح ... هتاخد اللى هو اليمين الصريح اول واحد) و هتلاقى هناك حلوانى تسيباس و فى شركة اثاث مكاتب ... تاخد الشارع ده شويه (يس ممكن يكون زحمه) هتوصل عند ميدان الجامع (هتلاقى شغل بتاع مترو الانفاق فى الميدان) شوفلك ركنه و انزل اسأل على المرور هيشاورولك عليه