مش ناقصه نصب ( ارابكوم )

**king516** · 14-10-2011 11:21 PM

المشاركة الأصلية كتبت بواسطة mido_soliman

ﻭﻋﻠﻰ ﻓﻜﺮﻩ ﺍﻧﺴﻮﺍ ﺍﻓﻴﻠﻴﺒﺲ ﺍﻭ ﺑﻮﺵ ﺍﻭ ﺳﻴﻤﻨﺲ ﺍﺻﻠﻰ ﻛﻠﻪ ﺻﻴﻨﻰ ﻭﺻﻴﻨﻰ ﻣﻀﺮﻭﻭﺏ ﻛﻤﺎﻥ ﺍﻻ. ﻟﻮ ﻛﻨﺖ ﺟﺎﻳﺒﻪ ﻣﻦ ﺍﻟﺨﻠﻴﺞ ﻫﻮ
ﺩﻩ ﺍﻟﻠﻰ ﻫﻴﻜﻮﻥ ﺗﻤﺎﻡ

تقصد اية باة مش الي فوق دة كلامك ولا انا ردي هوة اللي زعلك بس وعموما فعلاا انت عندك حق واحدة واحدة انا غلطان بس للاسف العيب فيا انا مبقتش بستحمل كلام عام من غير دراية او بغرض اني اصبر نفسي مما يؤدي بالخطا للتضليل
اعتزرلك عن اسلوبي مرة تانية ووجب الرد

ياباشا مفيش مشكله ولا حاجه والخطأ من عندى انى موضحتش بخصوص التوكيلات لأن اى حاجه من اى توكيل لأى سلعه واى منتج بالتبعيه كده وانت مغمض بتكون اصلى لكنى اعتمدت على ان اغلبنا بيشترى من مراكز التوزيع او المحلات الكبيره او التوفيقيه او ... او ... فالعيب عندى واعتذرلك مره تانيه وشكرا لأسلوبك المحترم

**magyver** · 16-10-2011 03:51 AM

اربكوم دة غااااااااااااااااااالي جداا جداااااااا جدااااااااا
معروف عنة كدة اساسا

**Haitham10** · 16-10-2011 05:17 AM

المشاركة الأصلية كتبت بواسطة mido_soliman

جبت منين ان مفيش فيليبس اصلى هوة احنا لازم نفتى وخلاص ؟
نزلت توكيل فيليبس وعرفت انة مبيبعش فيليبس اصلى ولا الراجل اللى ركبلك الزينون الصينى هوة اللى اقنعك بكدة ؟
ياريت منفتيش توكيل فيليبس موجود وممكن تروح تشوف الطقم الفيليبس الاصلى انا جايبة وعلية ضمان سنة وهوة الطقم الوحيد اللى بيبقى علبتين واحدة للمض بس وواحدة للمديولات

يافندم اي مستورد بكميات هتلاقي عنده اللمبات في علب لوحدها والموديولات لوحدها
وانا ركبت طقم بالطريقه دي و55 وات و400 جنيه ونورهم ما شاء الله

هي المشكلة الاقتناع بيختلف من واحد لواحد و بمدي معرفته ودرايته مش اكتر

**A.Saad** · 16-10-2011 09:14 AM

على فكرة عنوان الموضوع ياريت تعدله
ارابكوم غالى
بس انه غالى غير انه نصاب
نصاب يعنى بيبيع بضاعة مغشوشة

**ahmedaglan** · 16-10-2011 11:12 AM

المشاركة الأصلية كتبت بواسطة king516

صباح الخير ياجماعه حبيت احكلكم تجربتى الصغيره مع الزينون للأستفاده والحرص
صباح النور
انا كنت عايز اركب زينون فى الفوجات بتاعه الأسبرانزا فالكل هنا نصحونى بأرابكوم اللى فى مدينه نصر روحت وعديت عليه وقالى الأسعار كالتالى :

- 750 ج الصينى hid بضمان 6 شهور
- 850 ج الكورى بضمان سنه

واللمبه كانت h7
لما نصحناك بأرابكوم علشان الزينون الي عندهم استيردهم هما وهما الي مسؤلين عنة وكمان شغلهم نضيف
المهم نزلت التوفيقيه لقيت سعرهم اقل من كده بكتير لحد ماواحد صاحبى دلنى على محل فى منطقه عابدين روحتله وكانت المفاجأه :
اكيد روحت عند شكيب
لقيت hid الصينى واللمبه h7 ونفس العلبه والشكل فى ارابكوم ولقيته ب350 ج بضمان 6 شهور على كل حاجه ( الموديول واللمض و كله ) وركبته والنتيجه الحمدلله جميله جدا جدا جدا
وهركب العالى والواطى كمان
انا معاك بس الزينون الصينى الي عند شكيب مش زى الي عند اربكوم حتى لو كانت نفس العلبة
وعلى فكره انسوا ان يكون فى فيليبس او بوش او سيمنس اصلى كله صينى وصينى مضرووب كمان الا لو كنت جايبه من الخليج هو ده اللى هيكون تمام 100%
انا مش معاك ف الكلام دة يامعالي الباشا لانى انا شاري فيليبس المانى اصلي من هاشم باص قبل الوكالة متتنقل لشلبي غالب وتمن الطقم 1350 وكنت جايب 3 اطقم مع العلم ان هاشم باص كان متعاقد مع اربكوم في تركيب الزينون بتعهم ودة لنضفتهم وحرصهم الشديد ف التركيب ودة مع التجربة

اما ثانى حلقات النصب فهى انى كنت عايز اركب فتحه سقف عندهم ( ارابكوم ) قالولى 3000 ج الكهرباء بدون ضمان و2500 ج العاديه بضمان 6 شهور وسألت عليها بره قالولى مش هتتكلف 500 ج على بعض وكمان ارابكوم من غير ضمان ولكن بره بضمان سنه
كلامهم مظبوط يامعالي الباشا وعلي فكرة لو ركبتها برة ونضيفة زى الي عندهم هتكلفك 3500 ودة هتلاقية عند ورشة في مجلس الامة متخصصة ف المجال دة بس
فالواحد مش عارف الشعب المصرى ده بقى بيستنصح ولا بيتذاكى ولا بينصب ولا ايه بالظبط مش ممكن كميه الأستفزازات دى وحسبى الله ونعم الوكيل فى عديمى الضمير والأمانه واسف جدا على الأطاله

يامعالي الباشا زى مافية الوحش في الحلو بس هو قليل شوية
ارجو انك تكون استفد حاجة وتقبل مروري

**khaled_yassin** · 28-10-2011 04:49 PM

اي موضوع مجلس االامة الى عندوا فتحة السقف دة؟؟

**zago** · 28-10-2011 08:06 PM

معلش سؤال جانبي
الزينون ال hid علبته لونها ازرق ؟

**minicooper20** · 29-10-2011 06:44 AM

اربكوم و ادريان الاتنين نصابين

**tamer20072003** · 29-10-2011 06:36 PM

سعر الزينون بتحدد على اساس المدى و كفاءة المديول في انواع صيني بس جودتها عالية و في انواع صيني سيئة للغاية المهم اننا نعرف معلومات عن الحاجة قبل ما نشتريها