السلام عليكم
يا جماعه فى معادله مش فهمها خالص
الناس كلها بتقول اسوأ توكيل فى مصر هو غبور ... وفى نفس الوقت هاتلاقى اكتر عربيات منتشرة هى عربيات غبور
طب الناس اللى اشترت خلاص ادبست ... لكن ليه اللى بيشتروا برضه بيجيبوا هيونداى
مع ان فى بدائل فى نفس السعر والتوكيل اكثر احتراما
ياريت ترضوا عليا يا اصحاب هيونداى
و الله السبب يتمحور حول المقولة المصرية الخالدة
"اللي نعرفه احسن من اللي منعرفوش"
و للأسف دي مودية المصريين في داهية !
يعني العمارة كلها جايبة فيرنا .. خلاص اجيب انا كمان فيرنا .. هو انا هعرف أكتر منهم!؟ عالأقل لو حصل مشكلة هلاقي الف مين يقف معايا
و ده تفكير اوكي مش عيب انك تدور علي الانتشار عشان تبقي ضامن العربية و لو انها مش قاعدة .. و لكن ده ادا فرصة للتوكيل يسئ معاملة الناس و يتتنك عليهم وهو حاطط رجل علي رجل و ضامن ان عربياته متباعة متباعة .. و في نفس الوقت الناس هتفضل تجيب اللي تعرفه اكتر من اللي متعرفهوش
عشان كدة لا غبور هيتعدل ولا الناس هتبطل تجيب هيونداي
اقتباس:
المشاركة الأصلية كتبت بواسطة dehumanizer
I totally agree with the above
لو بتسأل كمالك لعربية هيونداي ،،
عادي انا مشترتهاش عشان غبور ،، حلو
أنا اشترتها عشان مناسبة لإحتياجاتي و امكانياتي ،،
لكن لو بتسأل عشان تعرف سبب الظاهرة دي ،،
كذا سبب ،،
أهم سبب ،، أكبر تشكيلة عربيات متاحة من 55 الف ل 450 الف ،، في كل الفئات
عد معايا ،،
اتوس ، اي 10 ، فيرنا فيفا ، فيرنا 1500 ، فيرنا 1600 ، جيتز ، ماتريكس ، نيو اكسنت ، نيو النترا
، اي 30، كوبيه ، سوناتا ، توسان ، سانتا في ،
و كل موديل فيه مانيوال و اتوماتيك و تلت اربع فئات ،، و الموديلات الجديدة بتنزل تقريبا في نفس وقت نزولها بره
أي وكيل تاني يبقي ماسك ماركة جباره ،، و بالعافية جايب موديلين غالبا مش مختارهم صح
فدايما تلاقي نفسك محاصر و فيه حاجة مناسبة ليك
ثانيا ، عنده مصنع تجميع محلي ،، فبيوفر عربيات سعرها ارخص شوية
ثالثا ، دعاية و اعلان اكتر من اعلانات السمنة و الزيت ،،
حتي اللوحات الإرشادية علي الطرق السريعة بقي مكتوب عليها غبور اوتو ،،
و كل البرامج الفضائية برعاية غبور اوتو ،
رابعا ، هيونداي نفسها ماركة محترمة ،،
خامسا ، الكوري دلوقتي عامة حل محل فيات ،، كسيارات اقتصادية في مصر ،،
و الدايوو اتباعت ،، و ماتطورتشي من سنة 97 فمبقاش ليها جاذبية
و كيا مشكلة توكيلها وقفتها فترة طويلة ،
فاصبح بدون منافس قوي
سادسا ، رغم كل عيوبه ، عنده ميزة ان قطع الغيار موجودة بكميات ضخمة في اي وقت باسعار
معقولة ،،
مش هتستني لما يجيبوها بالدي اتش ال ،
سابعا ، زي ما الأخوة قالوا عربيات محفوظة ،، و تقريبا كلها تكنولوجيا واحدة ،،
ثامنا ، عربيات منتشرة ،، إعادة بيعها ممتازة ،،
و هوا بيلعب علي الحته دي في عقلية الشعب المصري ،،
هيونداي استثمار مهما كان الإختيار ،، شاري كسبان ،، بايع كسبان
فعلا تلاقي تحت كل عماره في مصر 4 - 5 عربيات فيرنا والكل بيحلف بيها الصراحه عربيه مش هتتعوض . جوده + اعتماديه + سعر
هيونداى من احسن العربيات فى العالم ....والفيرنا عربيه كويسه جدا و جميله و جرايا و تكييف زى الفل.....بس هما عندهم نقص فى الصنايعيه الكويسه و بعدين لو عربيتك فيها مشكله اه بيطلع روحك على ما يعرف يحلوها....بس بتتحل و لما بيكون فى عيب صناعه فى حاجه او حاجه مش عجباك فى العربيه و قولتلهم غيروها بيغيروها....انا حصل معايا كده....وكان عندى مشكله فى الدبرياج مكانوش عرفين حاجه و صلحتها بره عشان خنقونى....
بس لما بتكلم حد من الناس الكبيره و الاداره بيهتمو بيك و بمشكلتك و بيتعبو معاك عشان يحلوها....
والاستاذ عاطف عبد السميع وقف معايا شخصيا فى مشكله و مسبنيش غير لما كنت مبسوط وفضل معايا فى الورشه...
والقطع الغيار متوفره جدااا...
اغلب التوكيلات التانيه معندهاش غير الفوانيس و حاجات بسيطه زى رينوو كده وسكودا
عشان لما عربيه ميجان تيتخبط وتفضل فى التوكيل شهرين عشان القطع لسه مجاتش تبقى حاجه مش كويسه
توكيل اسكودا معندوش جنوط زى اللى بتنزل فى ال A5 ولا عفشتها وقالو لصاحبى استنى نبعت نجيب القطع...
أستاذ احمد انور كلامه منطقى وصح ومنظم جدا
احييك
العيب اللي ف غبور انه من كتر المبيعات الموظفين ف مراكز الصيانه مش مالحقين فالخدمه بتكون ناقصه و مش مريحه لانه لو بيدخل كل يوم للتوكيل 300 عربيه مش ممكن المهندس اللي في التوكيل هايديلك حقك بالكامل وده العيب الوحيد لهيونداي في مصر.
شكرا ليكم كلكم بجد وبالذات استاذ احمد.
يعنى خلاص يا جماعة اتوكل على الله واشترى الالنترا ....
انا هادفع 100 الف وخايف التوكيل واسعار قطع الغيار تكرهنى فى العربية بجد
كده الموضوع خد بعد تاني ،،اقتباس:
المشاركة الأصلية كتبت بواسطة Freekiko
فلوس هتتدفع و مسئولية نصيحة ،،،
انا كنت فاكر انه مجرد نقاش مفتوح عادي
الإلنترا عربية ممتازة و جميلة عن تجربة
بس مضمنلكش انك تتبسط مع التوكيل
و لو علي قطع الغيار معرفهشي عربية في الرينج ده و سعر قطع غيارها رخيصة
و الغاوي ينقط بطاقيته ،،
بس هاقولك علي نصيحة ،،
العربية زيرو و ضمانها ثلاث سنين ،، يبقي مش هيبقي فيه قطع غيار
لو هتآمن هتكبر دماغك من مصاريف الحوادث
تعمل ايه بقه ترفع سماعة التليفون و تسأل علي اسعار الصيانة الدورية 5000 ، 10000 ، 15000 ، 20000
كده يعني ،،
و تقارن بين المصاريف دي و مصاريف العربيات البديلة التانية ليها
هوا ده المهم ،، الفلاتر ، التيل ،، السيور كده يعني ،،،
مش عايز اقولك حاجة تزعلك بس طالما انت عايز الانترا يعني انت قريب من سعر لانسر 1600 هات لانسر و برضه انتشار جامد جدا و عربية اعتمادية اعلي و الرأي رأيك
الموضوع ده اسمه نظرية القطيعاقتباس:
المشاركة الأصلية كتبت بواسطة dehumanizer
واللى عايز غبور ما يرجعش يقول اخدت ....(حاجة على وزن غبور برضه)
لو حضرتك ناوى تجيب فعلا هات اللى نازله بجنوط 16 ده انضف و احسن واحده فيهماقتباس:
المشاركة الأصلية كتبت بواسطة Freekiko
تم حذف المشاركة لعدم وجود محتوى
وشكرا
الادارة 3
شكل الانسر مش بينزلى من زوور والنترا شكلها افخم بكتير بصراحة
ليه بس كده الكلام ده يا gemino ... هو فعلا الناس ماشيه كالقطيع بس انا لو هاجيب مش هاجيب غبور انا هاجيب هيونداى ولو فيه حاجة حصلت منهم هاشتكى الشركة الام
استاذ احمد انور ... شكرا على كلامك المفيد دايما , وهاسأل فى التليفون واشوف فعلا
بس حلوة الكلمة دى اول مرة اسمعها :)
اقتباس:
و الغاوي ينقط بطاقيته ،،
التمن بيفرق والشكل
اقتباس:
المشاركة الأصلية كتبت بواسطة Ahmed Anwer
رد فى الجووون