بالتوفيق:wink:
عرض للطباعة
تصدق إني لسة عامل موضوع شبيه في العام
والله يا جماعه انا ناوى اشتريهم لما انزل القاهرة ان شاء الله
وشكرا ليكم جدا على المعلومات المفيدة جدا
بس عايز اعرف لو انا فى مدينه نصر من عند الحاج احمد مشعل مثلا ازاى اوصل المدينه شارع دمشق؟؟؟
طب مفيش غير محل المدينة أو شارع دمشق؟
مزنوق في واحدة و محتاج حاجة قريبة من وسط البلد بدل ما يتنصب عليَّ في 200 جنيه زيادة في الوكيل بكمالة النصب
220 من 125 جنيه للامبة الوحدة
هو شارع دمشق ده فين بالظبط لأنى عايز اجيب المض دى
اللمبات اوسرام نايت برايكر الh4 للصنى من 2010-2012 موجودة فى المدينة وثمنهم 125ج وتركيبهم ب10ج عند واحد جنب المحل اما الh3 الخاصة بفوانيس الشبورة المستطيلة فهى اللى مش متوفرة دلوقت وثمنهم 90ج وكل اللمبات بتتباع بالجوز مش لمبة واحدة
اما العنوان فموجود فى شارع دمشق بمصر الجديدة امام بنزينة التعاون وللاسف انا اكتر حتة باتوه فيها هى مصر الجديدة شوارعها وميادينها متداخلة رغم انى روحت المحل ده 3 مرات لوحدى كل مرة من طريق شكل واخر مرة روحت من المحل لجينز كار فى مدينة نصر
وبالتقريب كده الوصفة كالاتى:
امسك صلاح سالم فى اتجاه العباسية لحد نفق الثورة هاتاخد يمين وتمشى بجانب اللى طالع منه وتكمل طوالى لحد الكوربة الطريق هياخدك شمال فى يمين وتاخد يمين تانى قبل ما تعدى شريط المترو والتقاطع وتفضل ماشى هتلاقى يمينك ارض فاضية وجراج كده مكشوف - ممكن تسأل هنا ع الشارع - هايقولك عدى اول فتحة يمين وادخل التانية ولما تخلصها هتلاقى موقف اتوبيسات ومينى باصات هتخليه على يمينك وتمشى طوالى - كده انت فى شارع موازى لشارع دمشق اللى يمينك بس لأنه اتجاه واحد بتضطر تاخده من اوله - تفضل ماشى 100-150 متر وبعدين تدخل يمين هتلاقى الشارع وتدور على بنزينة التعاون هتلاقى المحل قدامه بالزبط ... طبعا توهتوا كلكم :nemoflow:
يا راجل قول كلام غير ده :verygood:
في انتظارك ياريس ويمكن اجي ازورك في بنها وتبقي مقابله من مقابلات الصقور ونعمل بيها تقرير ههههههه
شكر للدكتور يوسف
النهارده رحت بنها وقابلت الدكتور يوسف اللي كتر خيره جبلي اللمض النايت بريكر وقعدنا 10 دقائق علي كافتريا ليالي زمان
وروحت فكيت اللمض القديمه اللي لونها اصفر شويه وركبت الجداد بكل سهوله ويسر وقبل ماركب الاتنان الجداد جبت خرطوم الهوا ونفخت الفانوسين من جوه طلعوا شويت عفار كده وركبت الجداد علي كده
طبعا انا لسه ماجربتش النور عالطريق بالليل بس شوفت النور بتعها بعد المغرب والدنيا لسه نور وواضح ان نورها مختلف واقوي من القدام
ربنا يسهل لما اجربهم تجربه فعليه هبقي اصور وانزل الصور ليكوا
بوجه الشكر لحبيب الملاين الدكتور يوسف وعقبال لما نردهالك ياباشا
وشكرا
1000 مبروووووووووك عليك اللمض الجديدة يا خالد باشا
وانا ما عملتش غير الواجب وكفاية انى اتأخرت عليك ربع ساعة بحالهم :nemoflow:
واللمض الh3 بتاعت الفوجات مش موجودة خالص فى السوق بقالها فترة واغلب منتجات اوسرام كمان ناقصة وده كلام الحاج مصطفى صاحب محل المدينة وقالى لو سألت برة هايبعتوك عليا تانى !!! فأنا كل فترة هابقى اكلمه فى التليفون واعرف لما يتوفروا
واللمض الh4 بيركبوا مكان القدام فى الفوانيس الامامية وثمنهم 125ج وبدون حاجة لتركيب كتاوت لأنهم نفس القوة 55 وات ولكن توزيع الاضاءة اقوى وبيفرش جوانب الطريق وفيها شعرة ابيض على ازرق مع الاصفر العادى
وبالنسبة لك يا نبيه لسه بدرى عليك انت يادوب 5000 كم ومش بتتحرك كتير على طرق سريعة وكمان لمضك جديدة لسه وقوية
انا افتكر وانا مستلم العربية ومروح كنت ع الزراعى منور الشبورة والواطى بالاقى العربيات بيشاورولى اطفى النور عشان ضارب فى مراياتهم كانت قوية اوى ومع الوقت قوتها انخفضت
الدكتور يوسف هو اللي جابهم واعتقد من المدينه برضو وب125