كنت من فترة بدور على عوازل صوت وحرارة للعربيات لاني ناوي استخدمها في عربية جولف 2 ياترى حد عنده فكرة اقدر اجيب منين ؟؟ والفوم العازل برده اجيبه منين
وشكرا
عرض للطباعة
كنت من فترة بدور على عوازل صوت وحرارة للعربيات لاني ناوي استخدمها في عربية جولف 2 ياترى حد عنده فكرة اقدر اجيب منين ؟؟ والفوم العازل برده اجيبه منين
وشكرا
تحت كوبرى الحلمية فى حلمية الزيتون محلات كتير بتبيع مستلزمات السروجى او التوفيقية موجود برده كتير ايهما اقرب ليك والعازل الحرارى بيبتدى سعر المتر من 7 جنيه الى 20 تقريبا ومتستخسرش فيه ده مهم جدا وعلى فكرة المفروض ان العازل ده بيقوم بعزل الحرارة والصوت وأى مؤثرات خارجية الا اذا كنت عاوز تستخدم العازل اللى شبة الفلين بس ده بيتحط فى اماكن معينة فى العربية وبالنسبة للعازل الحرارى متجيبوش سمكه كبير ولا رفيع علشان مثلا الأبواب فيها فرش لو سمكه كبير هيعملك مشكلة واعزل السقف وصدر العربية من برة ومن جوة وان شاء الله هتطلع زى الفل
لا يا باشا الإتنين مش واحد عازل الصوت بيكون خامته عاملة زى الفلين بس مطمس شوية بس انا عن نفسي بفضل استخدم العازل الحرارى للغرضين عزل الصوت والحرارة عازل الحرارة بيكون طبقتين واحدة اسفنج ابيض وفوقيها طبقة فويل سميكة ولو اتلزق صح على الصاج بيمنع الحرارة والصوت ومش هيكلفك كتير على فكرة هو صنعة اكتر ما هى فلوس وسهل انك تعمله بنفسك وفى نوع عازل حرارى اللى هو كان بيستخدم فى الفابركة طبقه زى شعر اصفر و طبقة فويل بس مرشحوش ليك لأنه بيتقطع وبينشف وتلاقيه حتت مع الوقت وبيتخد حاليا فى عزل انابيب التهوية بتاعة التكييف المركزى لأنه مرن وكفائته اعلى بس للأسف عمره قصير وطبعا تغييرة فى التكييف اسهل بكتير من انك تفك العربية تانى وبالتوفيق وتحت امرك فى اى سؤال ده غير الأعضاء اصحاب الخبرة اللى هنستنى ردودهم ان شاء الله