سعر الكاوتش البيرجيسدون حطملي نفسيتي ! !
السلام عليكم ورحمة الله وبركاته
بعد حيرة كبيرة استقريت اني اغير الكاوتش واجنط ياريستي بجنوط 16
واستقريت على المقاس اما
195/50/16 او 205/50/16 ودول كانو افضل مقاسين للياريس مع الجنط 16
رحت على اقرب فرع بيرجيسدون ودخلت
السلام عليكم ,, وعليكم السلام
حضرتك عندك مقاس 195/50/16 بوتينزا
قالي لاء المقاس ده مش موجود عندنا في البيرجيسدون
اللى موجود مع الجنط 16 المقاس 205/50
قلتله مافيش مشكلة قالي بس ده تورينزا مش بوتينزا
قلتله ماشي بكام الفردة
وهنا جالي صدمة او زي مابنقول Heart arrest :_Alshmokh08[1]:
قالي ب 1200 ! ! قلتله كام ؟ قالي 1200
فانا عايز اسال مش حرام لما الواحد يشتري فردة كاوتش ب 1200 وفي الاخر تمشي في شوارع زي شوارع المحروسة ؟ وسط الطين والبلاليع والحفر والنقر
وكل شوية اخرام ! ! وهتتخرم يعني هتتخرم ونبي لو اشتريت فردة ضد الاخرام
انا متاكد انها في مصر هتتخرم << يعني من الاخر انسى
انا بصراحة شايف المبلغ ده مبالغ فيه بغباء ! !
ومش عارف ليه الاسعار ضاربة في العالي اوي كدة ! فهل كل اسعار الكاوتشات كدة برضوا ؟ ولا هو البيرجيسدون غالي ؟
وحضراتكم شايفين ايه البديل المناسب للبيرجيسدون ويكون سعره حنين حبتين (يعني مثلا الفردة تبقى في حدود 600-700) اعتقد كدة هيبقى سعر مناسب