هل السحر يؤخر الزواج ؟

**shaddadfalcon1** · 14-10-2011 10:36 PM

السلام عليكم ورحمة الله وبركاته

عندي سؤال بسيط

انا عندي بنت قريبتي ماشاء الله جميله جدا ومتعلمه واي واحد يتمناها وطبيعي في الفلاحين البنات وهما لسه 15 سنه بيتقدملهم عرسان كتيير ولو حلوه شويه بتلاقيها متعديش 17 سنه الا وهي متجوزه ولو متعلمه علام عالي اخرها اخر سنه في الكليه وتلاقيها في بيت جوزها

قريبتي دي عندها 23 وماشيه في ال 24 وحتي الان محصلش نصيب واللي بيتقدم قليل ومش كويس او مش بيعجبها او مش بيعجب اهلها مش عوجان لكن بيكون مش مناسب فعلا

ودي حاجه غريبه جدا ان بنت في الفلاحين في سنها وجمالها ولسه متجوزتش

هل ممكن يكون حد عاملها حاجه عشان متتجوزش(عمل او سحر)؟؟ علما بان كان في مشاكل بين ابوها او وولاد اخوها ووصلت ضرب وقلة قيمه والعيال دي جهله قوي وممكن يعملو اي حاجه وبيكرهو عياله قوي

انا مقتنع جدا ان كل شيء قسمه ونصيب بس بصراحه كل اما اشوفها ابقي زعلان عليها وخواتها خايفين احسن فعلا يكون في سبب ورا الموضوع ده

ياريت تفيدونا ولو كان ممكن فعلا يبقي نعرف ازاي

**magid1010** · 14-10-2011 10:55 PM

واالله السحر موجود فى القران و ممكن يكون معمول للتفريق بين الزوجين عليها بالصلاه و قراه القران و ممكن تروح لشيخ موثوق بيه

**shaddadfalcon1** · 14-10-2011 10:58 PM

يعني هل الشيخ ممكن يعرف حاجه زي دي فعلا ؟

**magid1010** · 14-10-2011 11:03 PM

ايوه شفت حلقه كانت من زمان على mbc و كانت عن السحر بصراحه خلتنى مقتنع ان فيه اعمال ممكن تتعمل و فيه ناس مشهوره شيوخ بتقرا القران

**hugan** · 14-10-2011 11:05 PM

ياخي موضوع السحر ده منتشر في الارياف ومقتنعين بيه جدا
لكن دائما وابدا
ما اخطاءك ما كان ليصيبك وما اصابك ماكان ليخطئك
انا عن نفسي غير مقتنع بالسحر نهائي

**gebreel** · 14-10-2011 11:05 PM

يؤجل الله امانيكم ولا ينساها

بص يا باشا الموضوع ده في الاول و الاخر نصيب و اعرف حالات بنات وصلو ل30 و ال 34 و لسة محصلش نصيب بس ده افضل من الاستعجال و عدم التحري و يبقى في الاول كويس و بعد كدة يطلع عينها

فكك من الكلام بتاع الفلاحين و الرغي اللي ملوش لازمة لأن هي لسة بدري يا باشا و مفيش قلق ان شاء الله و نصيبها هيجلها

**gebreel** · 14-10-2011 11:06 PM

مشاركة مكررة

**shaddadfalcon1** · 14-10-2011 11:17 PM

المشاركة الأصلية كتبت بواسطة hugan

ياخي موضوع السحر ده منتشر في الارياف ومقتنعين بيه جدا
لكن دائما وابدا
ما اخطاءك ما كان ليصيبك وما اصابك ماكان ليخطئك
انا عن نفسي غير مقتنع بالسحر نهائي

لا يااخي الكريم السحر موجود والرسول نفسه سحر وانا نفسي شفت حد مسحور بعيني وحد قريب مني جدا كمان لكن طبعا مش اي حاجه نقول عليها سحر وده بيبقي نوع من انواع العلاج بعد العلاج من السحر نفسه وهو العلاج النفسي للمريض عشان ميركنش اي حاجه تحصله علي السحر

انا مش بقول ان ده السبب بس شاكين

وموضوع انها لسه صغيره جايز بالنسبه للمدينه اه لكن بالنسبه للفلاحين اللي زيها معاه 3 عيال دلوقتي

-

الموضوع: هل السحر يؤخر الزواج ؟

LinkBack

أدوات الموضوع

عرض

-

-

-

-

-

المواضيع المتشابهه

النتائج المترتبة على الزواج الثاني ردا على موضوع منافع الزواج الثاني

اوعي السحر

مطروح مدينه السحر والجمال

رقية شرعيه من السحر والحسد ..

الكلمات الدلالية لهذا الموضوع

المفضلات

المفضلات

ضوابط المشاركة