«التوك توك» ... مركبة هندية صارت واقعاً مصرياً (لعنة مصرية)

**Eng_Doaa** · 28-11-2012 12:55 PM

طيب يا جماعة إزاى نوقف التخلف ده من البلد ؟ أنا لما بشوفه فى الشارع بتعصب جدا ؟؟
وجوده كان غلطه بس إحنا ليه ساكتين على الغلطة دى؟

**Elawany13** · 28-11-2012 02:02 PM

شاهد المزيد من التطور فى التوكتوك فى مصر
التوكوتوك البرمائى
التوكتوك التريلا
التوكوتوك أبو دروين
التوكوتوك الهيليكوبتر

http://www.nilemotors.net/Nile/298834-a-4.html

**SYD** · 28-11-2012 02:12 PM

اانا لسة امبارح كنت هموت في حادثة توك توك
كنت بعدي الشارع زي البني أدمين - وطبيعي ابص في الجهة القادم منها السيارات
لكن اكتشفت في لحظة اني غلط وكان يجب اعمل حساب التوك التوك اللي ماشي عكس السير في فيصل الرئيسي الساعة 1:30 صباحاً
وللأسف لما اتخضيت ورجعت بظهري قبل ما يموتني - لقيت مجموعة من الصبية راكبين جمب السواق وفي المقعد الخلفي من التوك التوك هيموتوا من كتر الضحك علي منظري وطبعا مشغلين الأغاني المتخلفة اللي بيسموعها اللي كلها اصوات ميتال علي غرار "انا في اللابوريا - وانا عندي شعرة" اعوذ بالله من غضب الله
اقسم بالله اني ماكنت غلطان لما كان معايا عربيتي اللادا ودخلت وش فالوش في توك توك وكنت قاصد لأنه مستفز جدا
شايفني ماشي (طبعا صح) وهو جي في المقابل ومطلووب مني اوسعله - ضغطت بكل ما أتاني الله من قوة علي البنزين (حسيت ان رجلي هتخرج من الفوانيس الأمامية) ومصوب نفسي ناحيته
ولما لاقني أجن منه وهموته وأكيد مالوش دية (لأنه ماشي عكس السير بدون رخصة وبدون لوحات في منطقة محذور عليه المشي فيها) راح موسع بس بردو لطشته بضفر الأكصدام عندي

حسبي الله ونعم الوكيل

**Elawany13** · 28-11-2012 09:13 PM

كله كوم بقى والتروسيكل ده كووم تانى
أنا ساعات بهوش التوكتوك وأربعهم بالذات لما اقابلهم على الطرق السريعة ماشيين مخالفين
انما الكارثة اللى بجد بقى هوه التروسيكل
الصندوق الخلفى مصفح بمعنى الكلمة
واللى بيركبه بيجرى زى المعتوه فى وسط العربيات
ومحمل بضاعه ومفيش تقريبا اى نوع من انواع الإتزان
ومفيش فرامل فعاله فيه بالذت على السرعات العالية
أنا بترعب لما ببص فى المراية وألاقيه ورايا
بخليه يعدى فورا لو الطريق حالته متسمحش
أو بدوس بنزين وابعد عنه
واحيانا بيقابلونى بيتجاوزوا سيارات الوش فى الوش بمنتهى الهبل
عربية أخويا القديمة الدوجان
كانت ضحية من ضحايا هذه الآلة المدمرة
اتبهدلت آخر بهدلة من خبطة بسيطة فى صندوقه الخلفى
مع العلم ان التروسيكل لم يصاب بخدش واحد !!!!

https://www.youtube.com/watch?v=Oftqrd_FcZU

شاهد بلطجة وتجاوزات سائقى التروسيكل فى شوارع الإسكندرية

http://www.nilemotors.net/Nile/309059-45-elawany13.html

[img3]http://img812.imageshack.us/img812/954/20120915165231.jpg[/img3]

**Elawany13** · 14-02-2013 04:34 PM

معركة بين عزبتين في #إسكندرية بسبب موقف توك توك

نشبت مشاجرة عنيفة بين أهالي عزبتي "سكينة" وعزبة "القلعة" بدائرة "ثان الرمل" بالإسكندرية استخدم الطرفان خلالها الأسلحة النارية وزجاجات المولوتوف والأسلحة البيضاء بسبب رغبة كل منهما في فرض السيطرة على أحد مواقف التوك توك بعزبة "سكيتة".
وكانت إدارة شرطة النجدة بمديرية أمن الإسكندرية، تلقت استغاثة عاجلة من أهالى منطقة " عزبة سكينة " بدائرة قسم شرطة "ثان الرمل" بوقوع مشاجرة دامية بين عدد من أهالي العزبة وبين "العشرات من المهاجمين من قاطني عزبة "القلعة" المجاورة.

انتقل الأجهزة الأمنية إلى مكان البلاغ وتمكنت من السيطرة على الموقف وفض المشاجرة وبالتحريات تبين أن المشاجرة قد وقعت بين أهالي عزبة "سكينة" وعزبة "القلعة" المتجاورتين بسبب رغبة كل طرف في فرض السيطرة علي موقف "التوكنوك" الواقع بالعزبة الأولى تبادل الطرفان خلالها إطلاق أعيرة نارية وإلقاء زجاجات حارقة مما تسبب فى ترويع المواطنين وإصابتهم بالذعر مما أسفر عن تحطم عدد من السيارات التي تصادف مرورها وقت المشاجرة.

تمكنت الأجهزة الأمنية من ضبط أفراد الطرف الأول وعددهم 13 شخصًا فيما تمكن جميع أفراد الطرف الثاني من الفرار وتحرر المحضر اللازم وأخطرت النيابة المختصة لبدء التحقيق في الواقعة فيما قررت تعيين الخدمات الأمنيه بالمنطقة لملاحظة الحالة الأمنية.