الموضوع: ليه مينفعش نزق عربيه اوتوماتيك؟؟

يا جماعة بالعقل كدة ليه تقطر عربية لحد سرعة 60 لما ممكن توصل البطارية بالكابل مع العربية اللي هتقطرك وتدور في ثواني من غير ما تتعرض لخطر القطر او تكسير الفتيس !

المشاركة الأصلية كتبت بواسطة ralliart

يا جماعة بالعقل كدة ليه تقطر عربية لحد سرعة 60 لما ممكن توصل البطارية بالكابل مع العربية اللي هتقطرك وتدور في ثواني من غير ما تتعرض لخطر القطر او تكسير الفتيس !

والله كلام سليم زنخاطر ليه من اساسه

المشاركة الأصلية كتبت بواسطة aboomar22

بصوا انا معندش عربية اتوماتيك بس صديقى كان بيشتغل فى مركز تصليح سيارات فى اوربا ثم الخليج كنت بتكلم معاه ان العربية المانيوال لو المارش باظ ممكن تزقها وتدور الاتوماتيك انسى قالى لا ممكن سالته ازاى قالى تقطر العربية وهى على وضع n ولما توصل لسرعة 60 تفتح كونتكت وترمى على ال d هتدور قلتله بتهزر قالى لا ده ممكن يحصل هى طبعا محدش هيعرف يعملها لانك مش هتوصل للسرعة دى الا لو قطرتها ولو قطرتها خلاص اوصل لاقرب مركز صيانه اسهل مش كده ودى كانت معلوماتى عن الواقعة وهى منقولة وليست عن خبرة او تجربه

على فكره يا جماعه الموضوع ده خلانا نتعلم حاجه انا مكنتش اعرفها ان لو قطرت العربيه الأوتوماتيك مسافه طويله الفتيس ممكن يبوظ وديه معلومه جديده

برجاء من الإخوه اللي لديهم وجهات نظر مختلفه احنا هنا عشان نتعلم
واسمحولي اقول خلاصة الموضوع وصلحولي لو فيه خطأ
أولا : لو العربيه اوتوماتيك موديل قديم يعني فيها طرمبتين زيت ممكن تدور زق
ثانيا : مينفعش نقطر العربيه لماسفة طويله عسان الفتيس ميتحرقش او يبوظ
ثالثا: لو العربيه موديل حديث في احتمال انها تدوربس على سرعه مش اقل من 60 كيلو في الساعه وده طبعا لو تم قطرها وذلك على حسب تصميم الفتيس ورأيي الشخصي بلاش حد يجرب عشان ميحصلش خسائر
رابعا: كل واحد يمتلك عربيه اوتوماتيك لازم يكون معاه كابلات توصيل البطاريه زيها زي الإستبن

وأخيرا أرجو ان هذا الموضوع يكون مساعده لكل من يرجع اليه
وشكرا لكل من ساهم معنا في هذا الموضوع اللي اثبت ان المنتدى فيه ناس بتفهم بجد


وشكرا