يا باششا اهلا بيم في اي وقت..
مش مهم يبقي عندك حاجة تيبعها.. بس ممكن تعجبك او تحتاج حاجةتشتريها او تستفيد بالموضوع..
عرض للطباعة
يا باششا اهلا بيم في اي وقت..
مش مهم يبقي عندك حاجة تيبعها.. بس ممكن تعجبك او تحتاج حاجةتشتريها او تستفيد بالموضوع..
هو بصراحة المخدع ده مريح جدا..
وشكله نضيف جدا كمان.. وكفاية انه هو الاصلي بتاع العربية..
وعلي فكرة هو بركب علي الكورسا كمان..
بس انا عايز اعرف بيتركب ازاي لو حد يعرف.. بيتثبت في ايه يعني..
اخ احمد بصراحة فعلاً المخدع ده مريحني جداً جداً ومبيغطيش على فرامل اليد
اما بالنسبة للتركيب فهو لو اصلاً بيتلصق ولو تلاحظ في طفاية سجاير ما بين الكرسيين الأماميين للي قاعد ورا. الطفاية ده لو شلتها هتلاقي مكانها هو بالظبط اللي بيبيت فيه المخدع وهو مجهز ايضاً بطفاية في الخلف تعويضاً عن الطفاية اللي انت هاتشلها
هو بصراحة لما اشتريته من الشيخ محمد . كان عاوز يركبهولي بمسامير في المكان بتاعه بدل اللصق. بس انا موتي وسمي اللي يلعب في فابريكة العربية محبش اخرم في العربية خالص. فأنا ركبته كده من غير اي حاجة لا لصق ولا مسامير ومفيش مشكلة خالص على الأقل بيكون سهل شيله اثناء تنظيف السيارة.
كلام جميل جدا جدا جدا..
مفيش احلي من كده.. والا هو لو اتحط ف المكان ده هيتخشر مش هيتحرك..
انا لسة شارى عربية فيكترا 1997 - 2000 سى سى ولسة مش عارف انا محتاج اية ولا عندى اية انا لسة جديد فى الاوبل بس حبيت ادخل فى منتدى محبى الاوبل ويارب تكون العربية قدمها حلو عليا
بس بصراحة العربية ريحتى قوى فى السفر انا سفرت بيها 600 كيلو على سرعه 200 وكنت مبسوط قوى من الثبات الحمد للة
ادعولى ربنا يبارك ليا فيها
السلام عليكم
بجد يا جماعا الموضوع ده جميل جدا وفى استفاده للكل
بالمناسبة انا من عشاق الاوبل و اشتريت واحده غبر اللى معايا دايو ماتيز بس الاوبل رغم انها 1994 بس جميلة جدا
و انا عاوز اشترى شوية حاجات و روحت التوكيل اتبهدلت
ف يا ريت يا جماعا اللى يكون عندة اى فكرة عن اى حد بيبيع قطع غيار ليها بس يكون سعرة كويس يقول
بالمناسبة العربية اوبل كورسا
طيب اللي عنده استرا يعمل ايه بقه....
يا ريت اللي عنده حاجات استرا يقول..او نعمل موضوع جديد للاسترا
للأخ اححمد ابو الفتوح..
اولا ربنا يباركلك فيها و يكفيك شرها ويهديها و تمشي معاك تمام..
لا تقلق اول ما حد معاه استرا هيغير حاجة او يشتري حاجة جديدة هيقول عشان يفيد الجميع هنا..
بالنسبة للباشمهندز عمرو نور..
بس انت تأمر بس تقولنا انت عايز ايه للعربية و احنا عنينا ليك والله.. انا بالمناسبة معايا كورسا 97 وتقريبا نفس قطع الغيار بفروق بسيطة.. لو في فروق اصلا.. يعني في حاجات مفيش فيها اختلاف وحاجات بسيطة قوي فيها..
بس قولنا انت بس و ربنا يفرجها ان شاء الله..وبعدين اللي هيبيع مننا حاجة اكيد مش هيبيعها يكسب منها وكفاية انها تكون خدمة لأخوانا هنا ف المنتدي عشان يعني لو حتي الواحد احتسبها في مقابل الاستفادة الرهيبة اللي بنستفيدها هنا..
وكمان زي ما انت هتخدم اي حد اكيد هتلاقي في المقابل حد يخدمك ويساعدك..
بالنسبة بقي لولليد باشا اللي مظبطني..
شوفت يا عم.. لسة واحد بالي دلوقتي ان المسند ده مش هيركب عندي.. للأسف او لو ركب هيبقي متعب قوي لسبب واحد بس..
ان البكر بتاع ضهر الكراسي عندي مش ف الكرسي من برة.. بالعكس ده من جوة عند حزام الامان كده و الهاند بريك.. بس هتتعدل نجرب ونشوف ان شاء الله..
والف شكر تاني وتالت ورابع علي الخدمة الرهيبة بتاعتك يا باشا..
الف شكر للاستاذ احمد علوى على الرد الجميل
وانا هقولك على المشكلة ببساطة
كانت العربية بعد ال90 بتعمل رجة غريبة فى الدركسيون روحت التوكيل فى طريق مصر اسكندرية الصحراوى اتبهدلت و بعدين قالولى العربية لازم تغير القنطرة الامامية(قنطرة الموتور
روحت خدت العربية و رجعت سوهاج على فكرة انا من سوهاج
و وريت العرية على ميكانيكى شاطر عندنا
فقالى ان الرجة دة بتحصل على السرعات و كمان لما تدوس فرامل بعد ال60
قالى الطنابير عاوزة تتغير
وانا محتار اغير اية الطنابير و لا القنطرة
او ممكن خضرتك تفدينى فى الموضوع ده
واسف لو كنت طولت عليكم
و السلام عليكم و رحمة الله و بركاته