افبدوني بجد والله محتار

**faisal_may** · 18-05-2008 12:25 AM

السلام عليكم ورجمة الله وبركاته
علي فكره دا اول موضوع ليا في هذا المنتدي الرائع والله بجد بدون اي مجامله
النتدي فعلا ثري جدا وفيه ناس فاهمه كويس لوي في العربيات بجيع مودولاتها
المهم مشكلتي هي كالاتي
انا كنت راكب النترا موديل 2007 بس كنت ماجرها مده طويله لظروف العمل
المهم العربيه ديه ازهلتني فعلا بامكانياتها وسرعتها وثباتها الغير عادي وطبعا انا كنت لما بفكر اشتري عربيه كان يستحل افكر في كوري بصراحه لانه سعره بتمن العربيات الياباني المهم العربيه دية غيرة رائي لاني ركبت بعدها الانسر ال 1600 اوتوماتيك واتفاجات بضعفها امام الانترا
معلش طولت انا حبتين سامحوني
انا الان مستني ان شاء الله استلم النترا اوتوماتيك ومبسوط والحمد لله لحاد لما طلعتلنا العربيه i30 ودية باءه بوظت دماغي وبفكر اغير ومش عارف اخذ قرار
بالله عليكم اي حد يعرف يساعد حد غلبان زي حالاتي فا عاوز راي متخصص يخليني اخد قرار واخلص
مع العلم ان شكل العربيه الجديده تحفه فعلا

**ASD peugeot** · 18-05-2008 01:21 AM

فعلا شكلها حلو انا شفتها مره بس سعرها مش رخيص فوق 100 الف جنيه
ربنا يوفقك في اختيارك و انتظر رأي خبراء الهيونداي

**Hassan Khalil** · 18-05-2008 01:24 AM

اعتقد ان العربية الجديدة هي نفس الامكانات الاساسية للالنترا ( الموتور و الفتيس ) ... اذا كان كده .. و الجديدة شكلها عاجبك اكتر و ميال ليها عن الالنترا .. و فرق الفلوس جاهز معاك .. مستني ايه ..
استخير .. و توكل علي الله

**WalidAdel** · 18-05-2008 01:45 AM

والله ياباشا انا راي الشخصي ان الالنترا عربيه جامد و موتور عفي و كان الشكل القديم يحترم جدا جدا و كنت ناوي اجيبها بس حصل ظروف و سمعت ان الشكل حيتغير فقلت استني و لكن تاتي الرياح بما لا تشتهي السفن جت العربيه و صدمت لما شوفت شكلها صراحه مبقلزه كده و تحش شكلها اي كلام مش زي الموديل القديم اللي بيوحي بالقوه و الشياكه كده فممكن حضرتك بردوا تبص علي العربيه الجديده و خاصة انها نفس المكنه و الفتيس و كده شكلها ظريف و تدي كده علي BMW 1st series

**Ahmed Anwer** · 18-05-2008 02:02 AM

أتأكد بس من حاجة واحدة ،،

غبور هينزلها بتابلوهه زي ما هوا ،،

و الله هيشوه شكله و يرزعلك كاسيت رودستار ،، بانوار حمرا ،،

تاني حاجة متتوقعش ليها انتشار زي الإلنترا

هتبقي عربية بتاعت الناس اللي مزاجهم عالي

بس الصراحة صالونها اشيك بكتير من الإلنترا

و هيا هاتشباك بس واسعة جدا و شنطتها كبيرة جدا

**arch_peter** · 18-05-2008 09:15 AM

لو حضرتك مش فارق معاك السعر بينهم
فكر فى الحجم من الداخل - اعتقد الفيصل هوا الحجم يعنى لو حضرتك زوج مثلا ولديك اطفال اعتقد الالانترا افضل لانها عائلية وبها شنطة
لكن لو شاب فالسيارة I30 شبابية اكثر