الموضوع: مشكلة في Gear Box في ميجان 2

المشاركة الأصلية كتبت بواسطة mtsaber

السلام عليكم
انا عندي ميجان 2006 اوتوماتيك خليجي كان فيها مشكلة في العجلة اليمين قدام (رولمان بللي) وكانت بتعمل صوت احتكاك حديد في حديد بعد ما اصلحت العيب ده ظهرت حاجتين في العربية
الاولى لمبة abs نورت
الثانية ظهرت رسالة check gear box اول ما ابدا اتحرك بالعربية وبقت النقلة الاولى بتتاخر شوية بعد كده الامور بتبقى طبيعية بس اول ما اقف بالعربية وابدا اتحرك تاني تعمل نفس الشيء بالاضافة اني لما اتحرك على المانيوال (ستبترونك) طول ما انا ماشي مافيش مشكلة بس لما بقف واتحرك تاني ميجبش الاول والتاني تفضل العربية ماشية بطيء لغاية ما تجيب الثالث.

مشكلة اخرى الفانوس الامامي شمال كان شغال النورالواطي فيه وبعد كده مبقاش شغال مع ان النور العالي شغال فغيرت اللمبة بتاعت النورالواطي مشتغلتش وشيكت عللى علبة الفيوزات اللي تحت الدريكسيون لقتها سليمة فهل هناك علبة فيوزات اخرى انا مش عارف مكانها ولو كان فيه يا ريت تقولولي هيه فين بالظبط وشكرا

حضرتك غيرت البلية فين ؟ أعتقد الإجابة عند صنايعي عادي مش فاهم حاجة في ميجان ، الشكوى بتاعت حضرتك دي شكلها إنه نسي يركب فيشة حساس ال-abs إلي بتكون راكبة على العجلة ، وغالباً دي السبب في المشكلتين ، لأن الحساس دة بيدي سرعة العربية للكنترول ، وبالتالي لو مش راكب مش هتحس بالسرعة مظبوط ، وعشان كدة النقل كمان اتأثر .


الفيوزات ليها علبة داخل الكبوت على الييمن أول ما تفتح الكبوت ، ودي فيها كل الفيوزات التقيلة ، أقصد إلي ليها أمبير عالي

شكرا لحضرتك على الاهتمام
اتا نزلت تحت العربية عند العجلة ولقيت فيشة اظن هيه دي الحساس abs
ولقيتها راكبه وفصلتها وركبتها تاني وفصلت البطارية وركبتها تاني ولسه برده المشكلة موجودة هل ممكن يكون الصانيعي يكون بوظ الحساس؟؟وايه الحل؟؟
بالنسبة لعلبة الفيوزات حضرتك قصدك العلبة السودة اللي على اليمين اللي مكتوب عليها ضغط الصمام 1.3 بار
واذا كانت هيه دي العلبة ممكن اني افتحها بنفسي ولا لازم كهربائي ؟؟اسف على الاطالة