ايه نوعية التيل الأحسن فى السوق ؟
عرض للطباعة
ايه نوعية التيل الأحسن فى السوق ؟
والله انا باستعمل ريمسا نمساوي.. و مش بطال..
اوقات بيصفر شوية برضه.. بس هو كويس..
وفي كمان فيبي.. بس قليل شوية.. دور عليه..
لو لقيته هيبقي احسن من الريمسا كمان..
انا بتعامل مع التوكيل .. اخر تيل ركبتة اتحاد اوروبى بس مش فاكر النوع لحد دلوقتى 2000 كلم مفيش صوت
اللى قبلة كان Gm مصرى من التوكيل بردو كان بيصفر ساعات وساعات بس كانت صفارة خفيفة فى الاخر كانت بدأت الصفارة تعلى وتزيد فغيرتة
انا لسه مغير تيل امامى من يومين
كان قدامى الالمانى ب 170 والاسبانى ب180 قولت اجرب الاسبانى ونشوف
+10000000
بس اعتقد بتفرق فى النوعيه كمان عشان التوكيل بيبقى عنده كذا نوع
يعنى فى قطع غيار GM برازيلى وفيه المانى (زى المساعدين مثلا)
+10000000
وعشان كده وانا بجيب التيل قالى ان الاسبانى فيه نسبة نحاس اقل وكفاءة اعلى عشان كده انا هجربه وهقولك وصلت لايه
أنا لسة شاري تيل فرامل أمامي أسباني النهاردة بـ 165 جنيه بعد الفصال العنيف
بس فيه حاجة يا احمد
المفروض ان الحاجة لو الماني اصلي. بيكون محفور على المنتج نفسه Made in Germany or Germany والبار كود لازم يبدأ من 400 ل 440
غير كدة بقى نظام تكت يبقى الواحد مش واثق وللاسف تيل الفرامل ما بيكونشي محفور عليه حاجة. بيكون مكتوب على العلبة بس :fool:
انت فى مصر ! متسبعدش اى حاجة اللى بيغش مش اهبل والمضروب فى منة درجات
الوقت والمجهود اللى بنضيعة علشان نعمل حاجة مضروبة لو استخدمناة صح كنا بقينا حاجة تانية !!
فى حاجة تانية لموضوع التصفير عادة العربيات اللى بتمشى كتير داخل المدينة بسرعات قليلة مع استخدام خفيف للفرامل دائما - دوسة خفيفة .. تهدئة يعنى - بتحصل ظاهرة للتيل اسمها GLAZING ومعناها ان سطح التيل بيبقى املس زى الزجاج وبالتالى بيتزحلق على الطنابير وبيقلل من كفائة الفرامل وممكن يعمل صوت صفارة والحل كل فترة لما تحس ان كفاءة الفرامل قلت او صوت التصفير تطلع على طريق مفنوح وسرعات عالية وتستخدم الفرامل بشدة من غير مالعجل يقفش بحيث يبقى فية احتكاك بين التيل والطنابير او متخليش رجلك خفيفة على الفرامل اوى دائما
نوع اسمه Remsa صناعة أسباني
بصراحة نظيف جدااااااا
http://www2.0zz0.com/2008/09/30/17/779727514.jpg
صورة أخرى
http://www4.0zz0.com/2008/09/30/17/785976094.jpg
شكرا على الصور
بس هو التيل بتاعى يختلف عن التيل العادى؟
اصل انا عاندى حساس بيركب فى الطنابير عشان لما التيل يخلص الكمبيوتر بيكتبلى على الشاشه
فاعتقد التيل بيختلف بين العادى واللى بحساس
ولا انت ايه رأيك يا احمد نونيم