راجع المواضيع دي
http://www.nilemotors.net/Nile/showthread.php?t=20911
http://www.nilemotors.net/Nile/showthread.php?t=20853
عرض للطباعة
الله يبارك فيك يا ميمي. تصدق انهاردة الصبح جيت افتح الموضوع وبدور عليه مش لاقيه افتكرته اتحذف وهوب لاقيته فوق متثبت.كدة يبقى اخليني مع مقار احسن بودي العربية الصبح واخليها واخدها اخر النهار بس المشكلة اني مابشفش العربية وهية بتتعمل
اهلا وسهلا بحضرتك يا استاذ احمد كدة المقابلة هاتكون بجد ممتازة. انا ان شاء الله هارجع يوم 8 مايو تقريبا يعني ممكن نحدد اي ميعاد في نص الشهر ان شاء الله
ترجع بالسلامة ان شاء الله يا باشا..
وانا يشرفني اني اكون معاكم باذن الله..
تمام جدا
بس ياترى مين اللى هيعزمنا
انا مش هقبل باقل من فرخه وتبقى اوبن بوفيه عشان الواحد ياكل براحته :)
:) :) :)
تشيكن بوفيه..
ميمى مين؟؟ بتفكرنى بالاعلان بتاع دانت :)
المهم يا باشا خد عندك المصنعيات
كشف على العفشه امامى وخلفى شامل 28.00
فك وتركيب تيل فرامل امامى 42.00
فك وتركيب تيل فرامل خلفى 42.00
ظبط زوايا عجل خلفى 28.00
تربيط عفشه أمامية وخلفيه 14.00
تغير مروحة الباور 56.00
تغير فلتر هواء 14.00
فك وتركيب زجاج التابلوه لتنظيف العدادت وتغير لمبات 56.00 :( عبط والله
تغير ريشة مساحة زجاج امامى 7.00 قال يعنى ما نعرفش نركبها احنا
تغيير سير كاتينه 40.00
تغيير سير محرك 40.00
طبعا لو قولتله بص شايف الفانوس اللى قدام بينور ازاى هيدفعك فلوس :)
وكفايه كده احسن فكرتنى بحاجات بتزعلنى :)
ههههههههههههههه
ثصدق يا محمد الاعلان جه على دماغي انا علشان ابني كل شوية يقولي يابابا عاوز من بتاعة ميمي
بس انا شايف الاسعار ديه كويسة اوي وقريبة من مقار جدا. انا برده الاجازة اللي فاتت فكيت التابلوه وغيرت فيه شوية لمبات واخدو مصنعية 50 جنيه.
بس انا بصراحة ليا مزاج اروح اعمل الصيانة الدورية الجاية عندهم. ياترى احجز قبلها بكام يوم. واهو بالمرة ابقى كشفت على العربية في مكانينوفعلا واضح ان السلام عندهم بفلوس. ربنا يستر
بس على فكرة انا بلاحظ ان في مقار ما بيقولكش على الحاجة اللي عاوزة تتغير الا لما تكون فعلا عاوزة تغيير. فهل منصور كدة برده
موضوع الحاجة بتتغير لما تكون فعلا عايزة تتغير مش عارف انا اعرفه ازاى هم بيقولولى محتاجه تتغير اقوله اوك بس مش عارف اراجع وراهم ازاى
بالنسبة للحجز انا بصراحه ماحجزتش قبل كده
كل مره بروح انطلهم من الساعه 8 الصبح بكون 2 او 3 عربيه واقفه فى الطابور ويقعدوا يقولوا لازم تحجز والكلام ده بس انا بغلس وبدخل بس بيدخلونى ال 7 او ال 8 على ما بيزهقوا منى :)
لو تفتكر فيلم هنيدى لما كان بيزهق الظابط ويقوله باشا باشا باشا اروح؟ يا باشا باشا يا باشا
انت حاول تكلمهم قبلها باسبوع مثلا اعتقد مش هتزيد عن كده
موضوع ان الحاجة بتتغير لما تبقى فعلا محتاجة تتغير لأ لازم تشوف بنفسك و تراجع وراهم واذا كان علية عايز يغيرلك العربية كلها واهم حاجة عندة الفاتورة مادام هتدفع خلاص