الموضوع: ساعدوني يا أهل الثقه في هوندا سيفيك 2009

أولا كنت كتبت سؤال للعصابه و كان بصراحه في احد الردود علي موضوع منشور و لم يأتيني رد بتاتا علي سؤالي فقلت اعمله موضوع لوحده يمكن الناس تاخد بالها و تساعدني
الموضوع هو انه قدامي سيفيك موديل 2009 lxi و عامله حوالي 17000 كم فقط و الحاله العامه ظاهريا جيده جدا لكن الموضوع ببساطه أولا مطلوب 139000 جم فهل السعر ده مناسب و لا زياده ( بعض الناس قالت زياده و مبالغ فيه حوالي 10000 جم ) انا يهمني الرأي بحياديه تامه يعني لو زياده 3 او 4 حتي في مقابل الحاله النظيفه اعتقد الواحد ممكن يضحي بيهم في سبيل ركوب سياره ( بنت ناس ) زي السيفيك .
الحاجه التانيه العربيه بفحصي الشخصي ( بمرور الأصبع علي الطنبور ) فهي محتاجه
و ده انشاء الله يتم في الضمان .... يعني هي تقريبا فاضل فيها شهرين او ثلاثه .
فهل ده طبيعي علي الكيلومتر القليل ده و لا اللي سايقها بيفتري عليها لأني شاكك في الخلفيين كمان و هل لو اتغيرت الطنابير لازم اغير تيل معاها ولا ممكن الموجود يكمل شويه زياده .
سمعت كمان ان فيه ناس بتغير علبه الدركسيون علي كيلو متر قليل زي ده فعاوز اعرف هي اللي ضعيفه جدا ولا الناس اللي بتفتري في السواقه و مش بتحافظ علي العربيه .
الكلام اللي فات لو مظبوط....مش عارف اكمل مشواري ولا اوقف...انا نفسي في الهوندا جدا لكن بعد ما تخرج من الضمان مش عارف ايه طبيعه مصاريفها .؟؟؟؟؟
انا حاجز معاد في التوكيل فعلا للفحص علشان اخلصها لأن من زمان و انا نفسي اركب سيفيك و مش سهل تلاقي حاجه حالتها نظيفه .
أرجو من اخواننا هنا يساعدوني في الردود علي استفساراتي و آسف للاطاله .

تحياتي....... شريف