أنا معايا BMW 318 i و عايز ميكانيكى فاهم فيها كويس و يكون مجرب من الأعضاء و فى وسط البلد علشان مشوار الحرفيين بعيد على جدا
أرجو المساعدة
عرض للطباعة
أنا معايا BMW 318 i و عايز ميكانيكى فاهم فيها كويس و يكون مجرب من الأعضاء و فى وسط البلد علشان مشوار الحرفيين بعيد على جدا
أرجو المساعدة
ايه يا جماعة ما حدش يعرف طريق ميكانيكى كويس؟
أكيد في حد عارف بس إنتظر شوية ،،، وربنا يوفقك إن شاء الله
بلاش كسل و روح الحرفين احسن محدش هنا بيفهم ال بي ام انا من وسط البلد و دوخت كتير
ده رقم واحد فى الحرفين استاااااااااااااااااااااذ بى ام اسمو ايهاب 01006473527
قولو انا من طرف عماد زكى
في منصور اللي عند قسم عين شمس وده دولي
لو المهندسين
عندك عبدالله شارع السودان
علاء الدين ميدان لبنان (عنده قطع غيار استيراد وجديد وميكانيكى)
بالنسبه للكهربا
الحاج محسن فى العجوزه وفاتح جانبه كمان ميكانيكى بى ام بجوار توكيل جيب
انا ارشحلك علاء الدين علشان عنده ميكانيكى وقطع غيار جديد وقطع غيار استيراد
لو انت فى ميدان لبنان وفى اتجاه شارع السودان هتلاقى الهوارى على يمينك تدخل يمين فى شارع السودان اتجاه امبابه حوالى 200 متر هتلاقى علاء الدين على يمينك
اسال على الحاج ياسر صاحب المكان
الميكانيكى احمد العمده
اى حد منهم قوله انك صاحب محمد عزت
لو عاوز تروح لعبد الله تسيب علاء الدين وتكمل علاطول لغايه لما تلاقى بنزينه على شمالك تدخل تالت شارع يمين واسال على عبدالله bm
بالنسبه للحاج محسن الكهربائى
خلى مسرح البالون على يمينك وامشى فى اتجاه الجيزه هتلاقى فندق شهرزاد على يمينك تدخل بعده يمين اخر الشارع ده هتلاقى عز العرب على شمالك وبعده هتلاقى عربيات bm واقفه عند ميكانيكى ( ماتعاملتش معاه ) بعده هتلاقى ورشه الحاج محسن
أشكر حضرتك شكراً جزيلاً انا رحت النهاردة عند الحاج ياسر و قام بالواجب و زيادة اكراماً ليك
بصراحة الناس هناك محترمة فوق الوصف و عندها ضمير
بشكر حضرتك مرة تانية و تالتة
و أكيد طبعا لو عندى اى معلومة لا يمكن ابخل على اى من الأعضاء بيها و ده اللى مخلى المنتدى ده من اجمد المنتديات الموجودة