عربيتى الفيرنا اتسرقت .

**mohamed_kta** · 15-10-2011 11:03 PM

بجد قدر الله و ماشاء فعل ، انا عندى محل ملابس و اتسرق قبل رمضان بيومين كنت مالى المحل بضاعة ولكن سبحان الله نزل عليا رضا بقدر ربنا و فعلا عوضنى خير كتير ... أما موضوع الشرطة بجد محتاج وقفه !! أخى العزيز ربنا يصبرك و أعلم أن بعد المحنه منحة إنشاء الله

**linux1man** · 16-10-2011 12:02 AM

جزاكم الله خير جميعا وربنا ما يكتبها على حد تانى ابدا

ربنا يعينا جميعا ويصبرنا ويعدل حال بلدنا

بالنسبة لاخى اللى بيسأل عن مكان الجامعه

هيا فى الهضبة الوسطى المقطم امام كارفور المعادى كدا من جوه

**bakkarahmed** · 16-10-2011 01:39 AM

ربنا يصبرك وترجعلك باذن الله وقل لن يصيبنا الا ما كتب الله لنا
والموضوع فعلا محتاج وقفه مع الشرطه ولغايه ما الاحوال تتصلح ياريت كل واحد يخلي باله من عربيته ومايسيبهاش في اي مكان ولو استدعي الامر يركنها في جراج امن ويتحرك مواصلات حتي البلد مابقاش ينفع فيها سواقه من اساسه...الواحد مش عارف يلاقيها منين والا منين...لنا الله

**lost2008** · 16-10-2011 03:25 AM

المشاركة الأصلية كتبت بواسطة linux1man

ربنا يكرمكم جميعا وما يكتبش الموضوع دا على حد تانى ابدا يارب

اها كاملة 2011 بس ولا الهوا ولا عملت حاجة بدليل انى جيت لاقيت الازاز متكسر يعنى كسر ازاز الباب وفتح السنتر لو ودخل ولا حياة لمن تنادى

المشكلة من قلة الامن دلوقتى الناس بقت تشوف قدامها السرقة ولا الضرب ولا القتل ومحدش يتكلم
كل الناس بقت تخاف تعمل حاجة

وللأسف كلمت عقيد يقولى اهو بقى الظروف بتاعة البلد كدا هنعمل ايه يعنى

حسبنا الله ونعم الوكيل

مرتباتهم من شقانا وتعبنا وقاعدين عاوزين يبقوا بشوات وبس
ونسيوا انهم المفروض يكونوا حماة الشعب وشايلين الامانه
وهيتسألوا عليها يوم القيامة امام الله

والله انا بقى عندى يقين ان كل المواضيع دى بتدبيرهم هما عارفين كل حاجة وما بيتحركوش
وواحد زميل الحاج عندى اتسرقت عربيته واتصلوا بيه الحرامية عاوزين فلوس
راح بلغ قالوله ادفعلهم مش هنقدر نعمل حاجة

ودفعلهم وما اخدش العربية ضحكوا عليه فى الفلوس والعربية ربنا يكون فى عونه :(

ربنا يكرمك بالى احسن منها و ينتقم من الى سايب الحرامية دول رغم ان مرتباتهم من فلوسنا,, واضح بجد اننا ﻻزم نرجع نشترى قفل الدركسيون مع الدواسات و نعمل مفاتيح فصل وﻻ نعتمد على اجهزة الانذار,,