السلام عليكم ورحمة الله وبركاته
لو سمحتوا كنت عايز اعرف اللوجان ثباتها عامل ايه علي الطريق وعلي السرعات
وهل هي مريحة من جوا وواسعه ولا ضيقه ؟
وياريت حد يقولي سعرها تقريبا كام جديده
وشكرا :)
عرض للطباعة
السلام عليكم ورحمة الله وبركاته
لو سمحتوا كنت عايز اعرف اللوجان ثباتها عامل ايه علي الطريق وعلي السرعات
وهل هي مريحة من جوا وواسعه ولا ضيقه ؟
وياريت حد يقولي سعرها تقريبا كام جديده
وشكرا :)
اللوجان ثباتها ممتاذ على الطريق وعلى السرعات . ومريحة من جوة وكمان واسعة مش ضيقة . وسعرها يتراوح بين 70000 : 71000 حسب المكان اللى هتشترى منة
والله الموفق والمستعان
زى مالاستاذ عبد الحى قال
بس بضيف عليه ان فيه منها هاف اوبشن ب 66000
شكرا جدا
جزاكم الله خير :)
وكمان الدورانات فى اللوجان ممتازه جدا جدا بس انت دايما تخليك ف الامان لان نظام التعليف فى اللوجان متصل وده مش حلو اوى فى الدورانات واساسا كل دوران وليه حسابات خاصه ولو دخلت دوران جامد باللوجان لقدر الله ممكن تتقلب
بس هى فى المجمل ممتازه فى الثبات انا بدخل بيها دورانات على الصحراوى 160 وبمشى بيها على طول 180 ومفيش احلى من كده
ازود كمان حاجة انها ثابتة في كل الظروف لحد ال120 لكن لو فيه هواء هتبدأ تلعب منك بعد كدة علشان هي عالية على الارض في حالة ان الهواء من الجنب لكن لو من قدام او ورا اعتقد مش هتحس قوي بردو
الحاجدة الثانية اللوجان عربية عائلية مش رياضية يعني متطلبش منها فوق طاقتها
من وجهة نظرى
هى ثابته
سقفها عالى
مريحه فى السواقه
ضيقة شوية من ورا
شنطة واسعه تكاد تكون بحجم الكراسى
متشكر جدا ليكوا
وانا بصراحه محتار بينها وبين الصني
يعني اللوجان فرنساويه وحاجه محترمه وبرضو الصني ياباني ومعروفه جودته كويس
والاتنين يعتبر سعرهم بالنسبه لامكانياتهم حلو اوي
ودا اللي محيرني ان العربيتين كويسين جدا
بص يا باشا الصني عربية محترمة جدا جدا جدا و توكيلها على ما اسمع انو محترم و الحمد لله لو عاوز الراحة هات الصني الاوتو لو هتجيب مانيوال يبقى مانيوال بمانيوال وفر ال 20000 تقريبا دول و هات اللوجان
اللوجان عربيه كويسه وتوكيلها محترم واسعار قطع الغيار فى طريقها لتوفرها باسعار مناسبه بعد انتشارها
حضرتك أكيد فى فرق حتى فى المانيوال بين اليابانى والمغربى أو الرومانى . واليابانى لا يعلى علية . وتفكير منطقى وبديهى أنك لو معاك ثمن الصنى المانيوال يبقى أتكل على الله وهاتها . لكن الآفضل تكمل الفرق حوالى 5000 جنية وتجيب الآتوماتيك . . اللوجان ممتاذة لو معكش غير ثمنها فقط . لكن لو معاك ثمن الصنى أتكل على الله .
والله الموفق والمستعان
جزاكم الله كل خير علي ذوقكم ومعلوماتكم :)
اللوجان كعربية ما شاء الله محترمة جدا و انا شايف انها متقلش في الجودة عن الصني
الصني ميزتها الوحيدة الاوتو و الabs لو هيجيب الفئة اللي فيها abs لكن اللوجان في الوسع تكسب، في العلو عن الارض تكسب، في الاوبشنز فيها حاجات مش موجودة في الصني الصني موتورها تكنولوجية اعلى من اللوجان الحق يقال
انا لو معايا ثمن ال2 مانيوال هوفر و اجيب اللوجان لأنها فيها اللي انا عاوزو و زيادة حبة كمان لكن دي تختلف من شخص للثاني
مالو الصاج؟
الحاجة الوحيدة اللي شايفها ضعيفة في الصاج جزء من الرفرف الوراني و ده كلنا بنتكلم فيه
و ان شاء الله اما اروح هرفعلك صورة عربية عاملة حادثة في التوكيل و شوف حضرتك و احكم بنفسك
كفاية جدا ان العربية شكلها زي ما هو و ان اللي كانو راكبين فيها الحمد لله من الواضح انهم سلام بدون مشاكل
الباب هيفتح عادي
القوائم سليمة
شكل العربية
اسئل واحنا نجاوبك
اسأل على كل اللي انت عاوزو يا باشا و لو حابب تكلمني كمان انا تحت امرك في اي وقت فيما عدا بكرة بس بعد الساعة 4
01008462290
مودرن موتورز والسبع موتورز توكيل نيسان حلو
توكيل الاوبترا منصور مش حجيب سيرته عشان ماخدش سيئات
من اقوى الحاجات في اللوجان توكيلها يكفي انه مغير لي:
* بوابة انجكشن عند 55000 ببلاش
* سنسور حرارة عند 30 الف ببلاش
* علبة بيئة عند 20 الف ببلاش
الحاجات اللي فوق دي تعمل 7 الاف جنيه مستريح ومدفعتش ولا مليم ولا حتى عليت صوتي
دا هما اللي قالوا حنغيرهم
قطع الغيار اللمستهلكة زي الفوانيس الاكصدامات تيل الفرامل البوجيهات و خلافه الكلام ده سعره كويس جدا
يعني هاتلي عربية فانوسها الخلفي الاصلي من التوكيل بالضريبة ب220 جنيه و الامامي ب600 جنيه
الاكصدام الامامي على ما اذكر كان ب600 جنيه تقريبا
الفوجات هي هي بتاعة الميجان و د. احمد جاب الفوج ب 80 جنيه
تيل الفرامل بالضريبة و المصنعية 330 جنيه
البوجيهات الطقم ب100 جنيه الاصلي
لكن الحاجات اللي ممكن العربية تقعد عمرها كلوا متغيرهاش غالية نسبيا زي الكوبلن اعتقد الواحد على بعضو خارجي و داخلي ب 1500 جنيه تقريبا و علبة الدريكسون ب 3000 جنيه و لو بصيت للعربيات الياباني و الكوري هتلاقيها بردو زيهم او ارخص كمان (كنت تقريبا سمعت ان كوبلن الالنترا من غبور ب 7000 جنيه!!!!)
التكييف في درجات الحرارة العالية اللي في الصيف بيبدأ ضعيف شوية يعني بيلطف لكن اديلو 15 دقيقة بالكثير هتلاقي العربية سقعت و بقت زي الفل و بعد شوية كمان هتقلل سرعة المروحة
في الظروف العادية يعني مثلا درجة حرارة 30 ولا 35 هيسقع في مفيش تقريبا