من يومين كنت بعمل صيانة دورية لعربيتى الشارك فى دايموند وكنت عايز اغير نص الفانوس اليمين الخلفى اللى ناحية الرفرف تخيلوا يقولوا لى ان سعر نص الفانوس 827 جم .
فهل ده فعلا سعره الحقيقى ؟
عرض للطباعة
من يومين كنت بعمل صيانة دورية لعربيتى الشارك فى دايموند وكنت عايز اغير نص الفانوس اليمين الخلفى اللى ناحية الرفرف تخيلوا يقولوا لى ان سعر نص الفانوس 827 جم .
فهل ده فعلا سعره الحقيقى ؟
ارجو تقبل كلامي بصدر رحب
حضرتك راكب عربيه ياباني ثمنها اكتر من 140 الف جنيه وعاوز فانوسها الاصلي في التوكيل ب 200 300 جنيه مثلا زيها زي الفيرنا دة انا معتقدش تمن الفوانيس الفيرنا في التوكيل كدة
ارجو تقبل كلامي بصدر رحب
مش فاهم أيه العلاقه ؟؟!!!!! قطع غيار الفانتازيا أم 200 الف أرخص من الشارك أم 150 الف !!
فانوس العدسات الزينون ب 6000 جنيه فى التوكيل وبره ب 2500 جنيه !!!!
سعر قطع الغيار بيكون بمزاج الوكيل مش أكتر وفعلا أسعار قطع غيار الشارك مبالغ فيه بشكل
استهبالى أستفزازى !!!! عارف فلتر البنزين بكام ؟؟؟ ب 700 جندى !!!!
وتقبل مرورى
مش فاهم حضرتك اتعصبت ليه انا كنت بقول وجهه نظري للاستاذ مجدي عشان ياخد باله لكن دة مش مبرر لاسعار الوكيل وعلي فكره فلتر بنزين البومة برضه فحدود نفس السعر .. لان دة الفلتر اللي بيبقي عند التانك تقريبا
وبعدين انا اول مرة اسمع الشارك ب6000 دي بصراحة .. انا لسه قاري النهارده واحد بيدور علي لمبة زينون لفانوس شارك زينون قالوله 1000 جنيه تمن اللمبة وهو بيقول الفانوس كله ب2000
عموما الاسعار موجودة كتير مش بس فانتازيا الي انت مسترخصها
شكلك مخنوق من التوكيل الجديد جامد اوي الايام دي :)
على فكره انا غيرت البربريز الامامي والفاتوره قيمتها 3352 جنيه مع تغيير الكاوتش االي بيركب فيه (انا مأمن على العربيه)
أسعار قطع غيار كل العربيات في مصر مبالغ فيها جدا يا جماعة فعلا .. مش الشارك بس .. كل العربيات والله .. طبعا بتكلم عن التوكيلات ..
و ده على فكره بإيدين التوكيلات مش غصب عنهم .. لإن الوكيل الجديد بتاع فورد ماشاء الله عليه بجد عمل طفرة .. سعر الفانوس 400 جنيه كامل أصلي .. ادخل على توكيل فورد الجديد و انت هتشوف أسعار بجد بجد أحسن من الكوري مية مرة كمان .. و الفليونس الجديدة وكيل رينو اللي الناس بتقول على أسعارها غالية الفانوس الخلفي ده كله على بعضه بـ 800 جنيه فرنساوي أصلي من التوكيل .. والسكودا برضه 900 تقريبا الفانتازيا الجديدة .. تخيلوا بقى الياباني دلوقتي في التوكيل بقى أغلى من الأوروبي .....
طبعا الوكلاء دول لا نافع معاهم ثورة ولا غير ثورة ولا مطالب ولا الهوا ... لو دخلتم على النت كمان هتلاقوا أسعار قطع الغيار دي بره مصر أرخص بكتير ..
والله الواحد لو معاه شوية فلوس و عنده دماغ كويسه ... على طول نزله حلوه لليابان و تجيب كل قطع الغيار بتاعت كل الياباني الأصلية من مصانعها هناك .. و تجمرك ، و تنزل هنا تعمل ثورة في أسعار قطع الغيار .. يعني حتى لو هدفع جمارك 100% هطلع كسبان .
فى حاجات فى المصرية والرواس اغلى بكتير من دايموند وفى حاجات فى دايموند اغلى
يعنى تيل الفرامل انا جبتة الاخضر من الرواس ب 495 بالضريبة
انما تمنة فى دايموند كان 552 وكان الرصاصى مش الاخضر
انما عندك فلتر الهوا فى الرواس 240 وفالمصرية ب 260 من غير الضريبة
انما فى دايموند ب186 غير الضريبة
البوجيهات ب 112 فى دايموند انما فى المصرية ب 130 وفى الرواس 120
فلتر الزيت فى الرواس ب 60 وفى دايموند ب 54
السلام عليكم بعض أسعار قطع الغيار في دايموند الكيلو 28 اسكندرية الصحراوي
كما أخذتها منهم ل لانسر بوما 1600 أتوماتيك:
1- بوجيهات 112 +44 مصنعيات جنيه مصري
2- 2جلبة مقص أمامي 218 جنيه + 220 مصنعيات
3- 2 مسمار ميزان 150 جنيه + 132 جنيه مصنعيات
4- قاعدة قنطره أمامي 327 جنيه + 121 جنيه مصنعيات
5- قنطرة خلفي 317 حنيه + 121 جنيه مصنعيات
6- طقم سوستة تيل أمامي 84 جنيه.
هذا يوم 18/10/2011 دايموند الكيلو 28 اسكندرية الصحراوي.