معلش مكان المعاينه فين يا باشا
جاد جداااااااااااا ان شاء الله
عرض للطباعة
معلش مكان المعاينه فين يا باشا
جاد جداااااااااااا ان شاء الله
يا باشا اعتبر الناس اللي قالولك السعر عالي مقالوش حاجة...بس ياريت لما تبيعها ابقى قولنا بعتها بكام اهو نستفيد برده.
وعايز انبهك على كذا حاجة: العربية مش معمولها صيانة توكيل دورية ..انت بتقول في جزء برة ثانيا العربية الفابريكة مش معناها انها مارشتش برة معناها انها بحالة الفبريكة لما يبقى فيه حكات اللي الناس بتسميها خدوِش والبعض يبقى عنده رد على الباردكمان ويقولك فابريكة...كمان كاوتش خلفى بقالو 72000 الف كم دة معناه ايه...كمان لما عربية تنزل 40 الف فى اربع سنين طبيعي جدا مش حضرتك خدت خيرها وهية زيرو...يعني كانها واقفة عليك ايجار ب 800 فى الشهر مثلا.
من الاخر سعر السوق والعرض والطلب هو اللي بيحدد العربيات مفيهاش منطق والا مكنتش العربيات الكوري اعلى فى سعر اعادة البيع من الياباني والاوروبي والا ايه يا باشا؟
ياريت صور للعربية لان ده بيسهل نوعا ما عمليه الجذب للاعلان
انا بس هقول حاجة وياريت متزعلش مني انا ليا واحد زميلي وصاحبي جدا وعربيته النترا 2007 مانيوال فابريكة بره وجوه وماشية 110000 كم واتباعت 62 الف
معنى كده ان عربية حضرتك وهيه فابريكة هتكون فعلا في حدود 75000 ومش تقل عن كده واي زيادة بعد كده فهو مكسب ليك
ويا ريت متزعلش بس ده حال الدنيا يا صاحبي
موفق في البيع ان شاء الله
ازعل ليه بس !:grin54:
يا باشا قول براحتك
بس كده صاحبك كرم اللى بعاهلو اوى (يعنى بعها لحد معرفه ) انا كل المانوال الى شوفتو فى السوق و على النت كان فوق ال 70 الف ( الفابريكه )
انا حاطط السعر دا تبعا للاسعار الموجوده و حاله العربيه يعنى كل اللى قريب من عربيتى لما كلمتهم لقيت سعر قريب جدا من اللى انا طالبو
وانا مبتكلمش على اساس ان السعر اللى حاطو لقطه
بس اعتقد انو مناسب للحاله
وانا يعتبر معداش على العربيه اسبوع معروضه على النت
وانا الحمد لله مش مستعجل على البيع
فربنا يسهل
وشكرا يا باشا على تعليقك:satelite:
كل واحد له الحريه في تقدير سعر عربيته..وربنا يكرمك في افضل سعر بس انا باقول من واقع لف علي الالنترا بالذات فتره طويله مافيش عربيه حلوه 2007 اوتو ب 75000 لازم تلاقيها يا اما راششه او مرجعه عداد او يطلع فيها حاجه انما لو عربيتك حضرتك سليمه تماما هاتجيب اكتر من 75000 ولو جد في بيعها ممكن تشيل طقم الصوت وتبيعها زي ما كانت هايبقي اسهل
هو طقم الصوت دا عيب ؟ انا كنت فاكرو ميزه
دا مصلحه بالنسبالى انى اشيلو ( انا مركب بورده ورا عادى جدا اشيلها و اركب الفابريكه )
وانا اللى مركبو بايدى مش هيكلفنى مليم اما اشيلو
لا انا الحمد لله واثق من نقطه العداد و رشه دى (العربيه كانت بتروح التوكيل لما جبتها)
ومعنديش اى مانع من اى كشف فى اى حتا سواء توكيل او غيرو
العداد محدش جه ناحيته و العربيه فابريكه تماما
وشكرا على النصيحه يا افندم:satelite:
للاسف معظم اللى حاطين اعلانات بيع سياراتهم على كونتكت كارز بيكونوا حاطين اسعار اعلى من سعر السوق لعده اسباب و ده عرفته من خلال اتصالات كتير مع معظمهم على التليفون
1- الغالبيه حاطين السعر غالى و هو مش فى نيته البيع لكن يقولك لو جابت السعر ده اهلا و سهلا و لو مجبتوش خليها قاعده تحت البيت لا بتاكل و لا بتشرب ( قصده يعنى مش هتكلفه شىء ) هل هذا منطق
2- بعض الناس و لكنهم مش اغلبيه و لكن معندوش اساسا نيه الفصال وفاكر انه بيبيع سياره مش موجوده عند اى حد تانى و ان عربيته دى غاليه اوى اوى اوى عنده ( طب بتبيعها ليه لما عربيتك غاليه عليك - مهو اكيد بتبيع علشان لقيت حاجه احسن او علشان هى قرفتك من اعطالها و اصلاحاتها )
وربنا يوفق الجميع لما فيه الخير