موفق
بس حاول تزبط السعر لو عايز تبيع بسرعة
عرض للطباعة
موفق
بس حاول تزبط السعر لو عايز تبيع بسرعة
العربيه مجرد انها ركبت نمر بينزل سعرها على الاقل بقيمى تسجيل العربيه ده اولا ثانيا بينزل سعره 10% كل سنه و ذلك للموديل و الاستهلاك والكلام ده شغاله به شركات التامين يعنى ثمن العربيه فى لا يزيد على 70 الف او يقل حسب الحاله و على العموم بالتوفيق
انتوا عماليين تقطعوا فى الرجل ومعلش يعنى ولا بتبيعوا ولا بتشتروا ...اللى عنده كلمه حلوه يقولها واللى معندوش يسكت احسن ...وبعدين دى عربيته وهوه حر
.....بس هيا فى مشكله انت اصلا مش شارى العربيه زيرو لانك بتقول تانى يد يبقى منين بقى هتخسر تلاتين الف والكلام ده .
..ياباشا انت شكلك اشترتها من حد بعهالك غالى وعايز تعوض خسارتك وده مش عيب وانا مازلت عند راى انت حر
يا فندم انا كانت قدامى واحد 2008 فول اوبشن تكييف تاتش وتحكم فى الطاره طبعا اتوماتيك ماشية 100 الف ب 75 اول سعر من بق التاجر
وفى الاول والاخر حضرتك حر فى السعر الى انت عاوزه
وربنا يوفقك فى البيع
طيب واضح ان ناس كتير هنا متابعين عمليات البيع من بعيد:
1- ياما بياخدوا كلام من تجار و دول بيخسفوا سعر اى عربية عند الشراء و يعلووووه جدا عند البيع.
2- ياما متابعين بس على النيت, و عربيات النيت و الوسيط حاجة من الاثنين, ياما سعر اقل من المتعارف عليه و ديه غالبا عربيات مشمومة, ياما ناس بتغلى شويتين و عاملين حساب المفاصلة بتاعت الشعب, والهيقولك لو مجبتش مش هابعها هى لا بتاكل ولا بتشرب عشان يقصر على التجار السكة و هتلاقيه استوى من مكالمتهم و اشتغالتهم.
تعالى بقى انزل اشترى عربية على أرض الواقع:
1- عربية سعرها مناسب زى مابتسمع و عداد قليل و فابريقة, تروح تركب تلاقيها بتشخلل و دخنة من شكمان و ورشة و أكيد ملعوب فى العداد.
2- عربية سعرها اقل من السوق, و غالبا هتلاقيها بنفس المواصفات فى النقطة 1 و ما خفى كان أعظم.
3- عربية متعالى اوى فى سعرها (لو نفس مواصفات العربية الفى الاعلان ممكن تلاقيه طالب 87 و 90) و ده تاجر عامل ناصح.
4- لما تزهق و يطلع عينك من اللف هتقتنع ان الأسعار القليلة السمعتها ديه لعربيات كسر و انك لازم تيجى على نفسك و تزود شوية, و تقع فى صاحب عربية محترمة مش تاجر و تفاصل معاه شوية و هنا توصل لعملية الشراء ان شاء الله.
كنت بشترى عربيتى من عام أو اقل, روحت اتفرجت على 15 ل 18 عربية (ما بين لانسر و النترا قديم و جديد و ماتركس) انا اعجبت بتاع ب سبع عربيات و روحت اكشف, التلاقيها فابريقة بالكامل او رشة بسيط و حالة زيرو و تكتشف انها راشة فردة شاسيه (3 عربيات) و التلاقى الشاسيه و الصالون زي الفل و البوية بسيط او خارجى و تلاقى بستم فى الموتور بكفائة لا تزيد عن 50% (و مفيش لا دخنة ولا مشكلة فى الزيت).
والتلاقيه رشة داخل و انت مكنتش واخد بالك و مختص هوا الهرش الرش, طبعا انا بتكلم على العربيات البانت نضيفة و مش هتكلم على الفاكست منهم بدرى بدرى, و العربية الرخصة باسم اصحابها مفيش توكيل و مش باين عليهم التجارة.
من الأخر متعدش تخسف بأسعار العربيات انزل اتفرج الأول على العربيات السعرها حنين و بعدين احكم و غالبا هتلاقى فيها بلاوى الا اللقط و محدش بقى عبيط, و للعلم المتابع السوق من قرب الأيام ديه, كل العربيات سعرها رافع مش عارف ليه بصراحة.
و اخيرا بالتوفيق لصاحب الموضوع, وامسك فى سعرك و متنزلش غير للسعر اليرضيك, و نصيبها هايجيلها و اعمل اعلان على كونتاكت, و اليتكلم او جد يروح يعاين العربية الأول و بعدين يحكم.
ربنا يسهلك بيعها
كلامك صح- بصراحه انا نفسى عملت كده - من باب حب الاستطلاع - كنت فاكر ما حدش حيتصل فوجئت ان التليفون ما بطلش - واضح ان التجار شطار فى النت قوى- وكنت مبالغ فى سعر العربيهه جدا ومع ذلك لقيت اهتمام من المشترين -
اللى اتاكد منه ان البيع والشرا شطاره - وانت وقدرتك - ولو عرف قيمه الحاجه - يبقى لو بتبيع مش حتنزل مليم ولو بتشترى مش حتزود نكله
المشكله بتبقى فى الاستعجال يعنى سواء بيع او شرا لو مستعجل يبقى حتضحى
اغلب الاسعار علي كونتكت هي السبب في رقوض السوق بمعني
انا لما اشتري اي حاجه ليها معدل اهلاك مثلا 10 % سنويا
بفرض انا شاري عربيه ب 100 الف كل سنه تنقص 10 الاف مع ثبات انها فبريكه مش متبهدله وده الطبيعي المفترض ولاكن للاسف الي بيبيع الوقتي عايز اكبر مبلغ بغض النظر عن القيمه ازاي ي ي
اخش اشوف واحد بيهرج عامل اعلان بكام وطبعا انا عربيتي عزيزة ازود عنه 2000 ويخش واحد يشوف اعلاني ويزود 2000 وهو سوء ءءء وليس سوق يراعي الاخلاقيات والقيم وده السوق المصري للاسف السوء ء ء ء المصري
واسف علي الاطاله