إستشاره فى عروض الدى اس ال..!!
السلام عليكم....
بعد تحياتى ووحشتونى والشويه دول.....
انا دلوقتى وبعد ما سبت شبرا وانقلت الشقه الجديده فى قباء جسر السويس...وفى انتظار انهم يحنوا علينا ويحلوا مشكله كابل التليفون اللى اتسرق نويت والنيه لله اركب خط تليفون واوصل دى اس ال تانى..dsl للنت يعنى...!
انا كنت مشترك مع لينك وبصراحه مقصروش معايا خالص...لكن دلوقتى انا مش عارف الاشتراك الجديد هيبقى مع مين...ناس قالتلى فودافون وناس قالتلى تى ايه داتا وناس قالتلى بلاش لبنك وناس قالت بلاش اتصالات....
ياريت اللى يعرف ايه احسن العروض دلوقتى يقوللى...
تانى حاجه...
فى شبرا كنت موصل لجيرانى كل واحد وصله وبنقسم الفاتوره بتاعه النت علينا....
لكن لما رحت السنترال الغى الخواص من على التليفون عشان اسبه لجيرانى يستخدموه...الراجل اللى هناك قللى ان ده غلط وفيه مشكله لانى بستخدم خط الشركه فى توزيع خدمات بدون تصريح...
طبعا انا حاسس ان الكلام ده فتوى وتهجيص لكن برضو ارجع اسأل لو وزعت وصلات لجيرانى ولو فى عماره جنبى مثلا فيها مسئوليه؟؟؟
منتظر ردودكم....:bye: