ال rpm واطى

**hesham656** · 15-10-2011 08:19 PM

يا جماعة انا كنت عايز اسأل على حاجة بخصوص العربية .. انا خدت ال frv بتاعت اخويا عشان هو سافر .. العربية زى الفل ب المشكلة مش عارف لما مشكلة تحصل اروح فين بظبط . العربية عاملة 50 الف كيلو تقريبا .. المشكلة انها بعد ما الموتور مايسخن لما العربية تبقى واقفة ال rpm بينزل جامد لحد 700 او اقل كمان .. و بحس بهزة ساعتها .. اول مادى شعرة بنزين , ال rpm يعلى و الهزة تروح .. سألت واحد صاحبى قالى انى محتاج اعلى كهربا العربية حاجة بسيطة بحيث انها و هى واقفة تبقى على 800 - 900 .. فا دلوقتى عايز حد يدلنى اروف فين عشان اما بسأل اخويا بيقولى اوعى تروح التوكيل خصوصا لو حاجة هايفة عشان مدفعش فلوس ع الفاضى .. ز كمان بردو اما احب اغير فلاتر , اظبط عفشة او فرامل اروح فين بردو .. شكرااااا

**hesham656** · 15-10-2011 08:22 PM

نسيت اقول ان الهزة بتبقى فى الدريكسيون بس مش العربية كلها .. هى بسيطة خالص بس مستفزة

**akramesg** · 16-10-2011 03:36 PM

على الكهرباء فى العربيات اللى مفهاش كمبيوتر دى لازم توصل بالجهاز ويظبوهالك
انصحك روح اوتو تك جمب سوق القنال الناحية التانية فى جسر السويس معتمدين وعندهم الجهاز واسعارهم اقل مالتوكيل بكتيييير

**amr_mnabil** · 17-10-2011 06:22 PM

ملحوظة المعدل السليم الطبيعى لل rpm
بعد العربية لما تسخن هوة 700 و دة اللى مكتوب فى المانيول اما الهزة فمعرفش هى طبيعية ولا لأ دة على حسب الوضع عندك

**يوسف يوسسف** · 10-07-2013 12:04 PM

بسم الله الرحمن الرحيم

انا عندى نفس المشكله بس انا لسه مغير الكونترول

هل اعلى السلانسيه عن طريق الهواء ولا عن طريق الكنترول

شكرا

**احمد نور الدين** · 15-07-2013 05:15 AM

غير الفلاتر او نضفها علي الاقل - فلتر الزيت والبنزين - وراجع علي البوجيهات وسلوك البوجيهات واتاكد من البنزينات اللي انت بتمون منها وقلي ايه الاخبار

**يوسف يوسسف** · 16-07-2013 01:30 AM

المشاركة الأصلية كتبت بواسطة احمد نور الدين

غير الفلاتر او نضفها علي الاقل - فلتر الزيت والبنزين - وراجع علي البوجيهات وسلوك البوجيهات واتاكد من البنزينات اللي انت بتمون منها وقلي ايه الاخبار

جميع الفلاتر متغيره و البوجيهات كمان

هو الكونترول القديم كان مظبوت عليه كل حاجه بس باظ فغيرته

الكونترول الجديد شاغال تمام بس
الrpm واطى على 691 و المشكله كمان اما بحرك الدركسيون على السلانسيه الrppm يعلى
و اما اسيبه يوطى تانى

للعلم العربيه مشياها ممتاز على جميع السرعات