امشي عكس الطريق بس انا هفضل في الحارة بتاعتي ان شاء الله عربيتك تتقلب

**AutoTycoon** · 15-10-2011 09:40 PM

بجد يا جماعة سلوكنا كمصريين في السواقة مفيش اسوأ منه على وجه الأرض

تخيلوا معايا الموقف التالي .. طريق بنها ----> المنصورة .. عند قرية بعد بلد اسمها ميت غمر القرية دي كان من كام اسبوع عملوا فيها كام مطب كدا زيادة مش عارف بمناسبة اية(مجموع 5 جبال) .. و بسبب المطبات الكتير و ان الطريق ضيق جداً في الحتة دي الطريق بيقف و بيبقى زحمة جداً (قلة ادب بصراحة من اللي عملوا المطبات بالكمية دي و المنظر دا على طريق زي دا و قمة الإستهتار بوقت الناس و ظروفهم!!!)

المهم في اتجاهي للمنصورة (يعني في الإتجاه اللي المفروض مش زحمة) ...الطريق اتجاه بنها واقف بسبب اللي وضحته ... بس المفاجأة ان الطريق بتاعي انا واقف !!

فيييييين لما مشيت و عديت البلد الاقي الطريق في الإتجاه التاني واقف تماماً (بتكلم في 2-3 كم!) و اللي عامل الزحمة في اتجاهي ان البهاوات جايين عكس الطريق و عاملين زاحمة عند اليوتيرن و الدنيا مقفولة خالص !! عديت دا كله لقيت باقي القطيع اللي مبيفهموش جايين ورا بعض في الحارة الشمال بتاعتي!! و من غيظي قلت يانا يا انتوا بقىى !! روحت ماسك شمالي و مشغل انتظار و ماشي اقلبلهم ... و الله مانا متحرك من الحارة بتاعتي يا !........! حوالي 20 عربية عديتهم بالطريقة دي و هم بيبصولي كأني انا اللي مقتري و مش متربي! مهو مش معقول انت جاي عكس الطريق و كمان عايز تاخد راحتك و تخليني انا اللي افاديك !!

فييييين بعد ما عديت الناس اللي جاين في وشي دول .. لقيت كمان ان الناس اللي واقفين في الإتجاه التاني بيلفوا !!! اه والله بيلفوا في الطريق بتاعهم عشان يرجعوا لليوتيرن اللي فاتهم عشان يحصلوا اللي كانوا جايين في وشي

الخلاصة: اهل القرية و اللي عملوا المطبات معندهومش ريحة الدم و عايزين المعتقل (تخيل لما تقف ساعة و السبب شوية مطبات!!).. اعتقد القرية دي سكانها فلول..!

سلوكيات السواقين من كاااااااااااااااااااااااا فة الطبقات زبالة الزبالة.... اللي راكب كارروا زي اللي راكب بيمر

النتيجة ... هدر الوقت و الطاقة و حرقة الدم و ضياع المصالح و زيادة الحوادث و ان شاء الله القرية كلها هتبقى امراض من التلوث اللي بقى فيها.

**asemx1** · 15-10-2011 10:02 PM

سبحااااااان الله انتا سبقتنى يا فندم فى الموضوع الى كنت هعمله

انا لسه راجع على الطريق دا من مصر ورايح المنصوره ولقيت عند ميت غمر بعد شريط القطار
الدنيا واقفه ولقيت الناس بتاخد الطريق معاكس

بصراحه انا قولت اخده معاهم لان يمكن يكون هناك حادثه
لقيت الناس اخدته معاكس وقامت واقفه بسبب الى ادامها

قولت فوووووووووووضاااااااااااا فوضااااااااااااااااااا

قومت ماشى وداخل ميت غمر ورايح من ميت غمر لبلد كدا بعدها فيها كنيسه وطلعت منها على الطريق
وهنا اتحلت المشكله

بس قعدت فتره على ما طلعت ههههههههههه

حمدلله على سلامتك وبصراحه القريه دى عايزه تتولع فيها بجاز
وانا حاسس ان الاداره هتمسح الى قولته سواء انا او انتا وهتدينا انذار بس بصراحه انا بعيب على الاداره الى عامله زى القريه دى
فعلا الواحد بيحتاج بنفس عن نفسه

**Ahmed Nasser** · 15-10-2011 11:22 PM

نفس اللى حصل فى طريق مصر الفيوم

**AutoTycoon** · 15-10-2011 11:26 PM

اهو انا بعد ما كتبت الموضوع قلت ربنا يستر ميكنش حد هنا كان معايا في الحتة دي ... خصوصاً اني كنت متنرفز جداً و انا بكتب الموضوع :((

**amr_elrashidy** · 15-10-2011 11:30 PM

يافندم الكلام ده بيتعمل ساعات فى مصر اسكندرية الصحراوى..مش عارف ليه مصممين نثبت القول اللى بيقول اننا شعب ميمشيش غير بالكرباج

**AhMeD MeTwAlY** · 15-10-2011 11:37 PM

دانا بشوف حركات اقسم بالله يقف ليها شعر الراس
يعني تلاقي عربيه نقل كبيره ماشيه في عكس الاتجاه تقوله ايه ده واللنبي

**AutoTycoon** · 15-10-2011 11:39 PM

يا نهار ابيض ! صحراوي و يحصل فيه كدا ؟؟ الحمد لله المرات القليلة اللي استخدمته كان فلة ... بس ميمنعش ان كان فيه تسيب من بعض الناس زي اللي بيطلعوا من الجزيرة اللي في النص متعرفش جايين منين و يطلعوا عالطريق !! ربنا يستر انا كرهت السواقة

**maryano** · 16-10-2011 12:07 AM

ربنا يصبرنا دة الواحد بقي بيشوف حاجات تشيب في الشوراع اليومين دول بس الحكايه ان لما تلاقي الطريق واقف فالناس تمشي عكسي و علي شمال في المقابل دي شفتها كتير جوه القاهرة حتي قبل الثورة مثلا في طريق ال na احنا شعب فوضوي بجد

**poussi** · 16-10-2011 01:32 AM

هههههههههههههههههه مأساه يوميه متكرره

سواء وقفه سندوب ساعه وانت وحظك وممكن تزييد وبعد ما تمر بسلام وقفه بشلا وبعد ما تمر بسلام وقفه مدخل ميت غمر

والحمد الله ان انا اخرى ميت غمر علشان ميجيليش انهيار عصبى
وكل ده بسبب المخالف يعنى لو كل واحد فى حارته هنختصر نص الوقت بس تقول ايه بقى طبع ومش هيتغير

حاجه تفرس

**magyver** · 16-10-2011 05:52 AM

سبب المطبااااااااااات
علشان فية عربية من اسبوع كدة عملت حاادثة وموتت بتاع 4
والطريق دة علي فكرة عمرة ماكااااااااااااااااااان زحمة خاااااااااااااااااااالص

الموضوع: امشي عكس الطريق بس انا هفضل في الحارة بتاعتي ان شاء الله عربيتك تتقلب

LinkBack

أدوات الموضوع

عرض

امشي عكس الطريق بس انا هفضل في الحارة بتاعتي ان شاء الله عربيتك تتقلب - انشر الموضوع فى :

-

-

-

-

المواضيع المتشابهه

هبيع الجوليت بتاعتي بعد العيد باذن الله

انا هبيع الجوليت بتاعتي باذن الله

هابيع الهوندا بتاعتي إن شاء الله

هو انا هفضل لغايه امتى عضو جديد

صورة تخليك تتقلب و انت قاعد

الكلمات الدلالية لهذا الموضوع

المفضلات

المفضلات

ضوابط المشاركة