-
طيب يا استاذ طناني دلوقتي
في واحد زي محمود دا اللي الأستاذ راحله
صنايعي و كل حاجة
بس عاوز تركب و تريح دماغك تاخد منه الحاجة علي مسئوليته
من الأخر هو و غيره بيتعاملوا مع بتوع الأستيراد ,, يغير منه ياخد و يشاور ع الحاجات النضيفة و ياخدها و يشيل
لكن انا واحد مهندس مثلا ,, اكيد مش عاوز يتضحك عليا في ربع جنيه ,, بس خلاص بقي اسيب شغلي و حالي و ادرس العربية و اشوف القطعة دي امتي تبقي سليمة أو لأ
و لما تتطلع بايظة ايا كان الميكانيكي يقوللي رجعها يلا ,, او تمشي شوية و يقوللك يا بيه كنت هاجيبلك الحاجة النضيفة و علي مرتجع للتاجر لو فيها حاجة كمان انت اللي ركبت دماغك و عملت فيها ناصح ( دا مضمون اللي عاوز يقوله بس بأدب )
انا مش عاوز اكون سلبي خالص و عاوز ميتضحكش عليا و عارف ان في حاجة اسمها ع التجربة
بس اظن ان الخلاصة تكمن في واحد بتاع استيراد حد من المنتدي يتعرف عليه و كدا
و لو اي حد احتاج حاجة نروح علي اسمه ,, انا حاولت اعمل كدا مع سعيد بتاع امبابة ,, بس هو حلنجي و ان مكونتش تقف علي دماغه هايقلبك لو سلمتله ودانك كالحال مع معظمهم
و بكدا لو معايا قطعة غيار سليمة 100% + صنايعي بيفهم و عنده ضمير و يتقي ربنا = العملية تمت بسلام
-
نصيحة انضف واحد استيراد اسلام عبد الشافي في الحرفيين
طبعا بعد شكرك الجزيل علي مساعدتك ليا
بغض النظر عن محمود ( ... مش عايز اشتمه ) انا كرهت العربية و بعتها و رجعت عربيتي القديمة من اللي شوفتوا
-
تمام
انا فاهم قصدك
عشان كده
انا باتعامل مع ناس اعرفها
يمكن مش محترفين اوبل
بس عارف امتى اقرص
و امتى افوت
و محدشى يجيب مسمار
انا اللى اجيب حاجتى
هو زى اى مفتاح او مفك فى الورشة
اللى اقول عليه يعمله
ده اللى اعرفه
فى الشراء بقى
انا دقى
بس معنديش مانع حاجة انضف بسعر اغلى بس اضمن
و معنديش مانع اخد حاجة على تجربة و اغيرها 20 مره
المرة الوحيده اللى اتضحك عليا فيها
كان فى بداية العربية
غير كده
الحمد لله
-
انا باجيب من اسلام
و ساعات من سوسو
و فيه واحد صاحبى بتاع دايو باجرب اللى عنده
و كده يعنى
-
فى الاسكندرية عباس اوبل اللى فى السيوف حاجته نضيفة بس مغلوانى شوية لازم تكون عارف الحاجة متوسطها كام علشان تعرف تفاصل صح بس عن تجربة حاجات بتتخلع من عربيات سليمة
-
-
Content Relevant URLs by
vBSEO 3.6.0 PL2