الموضوع: أستهلاك البنزين عالى جدا فى الكارينز عايز اراء لو سمحتم

المشاركة الأصلية كتبت بواسطة yousef1978

حاول بقدر الإمكان ما تخليش بنزين العربية يخلص لدرجة التنبيه

ممكن العربية تسحب ترسيبات التنك وتعملك مشكلة

لو عاز تقيس تفول التانك وتكون رايح مشوار طويل خارجي وفي نهايته تفول التانك تاني والكمية اللي بتحطها في النهاية هي اللي استهلكتها في مسافة المشوار ده

وتعمل نفس الطريقة لما تكون ماشي بيها كام يوم داخلي في مطبات وزحمة - يعني يكون نصف التانك مثلا خلص - ما ينفعش تقيس الاستهلاك على عشرين وتلاتين كيلو والكلام ده

وكده تقدر تعرف متوسطها على السرعات المختلفة

ملحوظة : أفضل سرعة للاستهلاك هي بين 90 وال 120 كيلو متر في الساعة

اسرع من 120 السيارة بتستهلك جامد لأن وزنها النسبي بيخف وده بيقلل كمية الدفع ( الوزن × السرعة ) وكمان احتكاك العربية بالارض بيقل والاحتكاك ده هو اللي بيدفع العربية للامام


الملحوظة الاخيره ان تقريبا استهلاك الكارينز اعلى من الكرولا والميجان والحاجات المناظرة

ولو عاوز مواصفات ومقارنات اكتر فده موقع سوري لكن كويس واسمه ( فننات) ( fannat.com )

ظپظ†ظ‘ط§طھ... ظƒظ„ ط§ظ„ط·ط±ظ‚

متهو الاحتياطى اعتقد 5 لتر او 10لتر وانا بمون على طول .... هو فعلا غلط شكرا لتحذيرك ... وبالنسبة للطرق الطواللى مفيش فيها مشاكل استهلاك معقول جدا .... المهم هو استهلاك وسط البلد

المشاركة الأصلية كتبت بواسطة mohamed_selim

بص يا باشا ... حساب استهلاك البنزين بيكون عمليه تقريبيه و بتحسب المتوسط لأن فى عوامل كتير قوى ما تقدرش تتحكم فيها ابسطها لو هتحسب استهلاك نفس المشوار بنفس الزحمه 3 مرات ... كل مره هتلاقيه مختلف ...
لو مشوار طوالى ممكن بكل بساطه الهوا اتجاهه و سرعته بيتغيرو فالعربيه تعمل رقم مختلف ...

عشان كده ا\ايهاب قالك تعمل متوسط مرتين ... و انا بنصحك تعمل متوسط على 3-4-5 مرات ...
الاستهلاك فى حالة الضياع اللى كنت فيها امبارح (معلش هى فعلا حالة ضياع للشوارع و الزحمه) هيديك اسوأ حاجه بس برضه ده ميمنعش انك ممكن فى نفس فترة الحساب هتعملك مشوار ولا اتنين طوالى يظبط شويه ...

المهم انت ايه رأيك و انت قاعد ملك فى العربيه و مشغل التكييف و شايف العربيات التانيه من فوق و مش سامع دوشه من بره حتى لو ما بتتحركش بس قاعد مستريح :))))

والله ححاول بس هو تقريبيا فى الزحمة مش حتزيد عن 150كيلو او 160 فى الصفيحة واسكت ياعم تكييف الكارينز جابلى برد!! والعربية بجد مريحة جدا من اكتر التعليقات المنتشرة برة عنها
a sleeper comfortable car !!

المشاركة الأصلية كتبت بواسطة ehab_osman

سؤال ........ هو المشوار ده بتاع الشغل ........... يعيني يومي ولا ايه ؟؟؟؟؟؟؟؟؟؟
لو المشوار ده يومي .... انت تروحه ماشي وترجع ماشي ............. .
اوصف لنا طريقك ده ....................... أنت كده في عجنة مرورية يومية تتفوق علي العجنة المروية في ميدان لبنان + كوبرى 15 مايو + كوبري 6 أكتوبر معا متحدين ؟؟؟؟؟؟؟؟؟ انا مش قادر اتصور زحمة في اسكندرية زى عندنا في القاهرة ؟؟؟؟؟؟

وبرده حيكون استهلاك للبنزين أقل .............؟؟؟؟ ... مع ذلك اوصف لنا طريقة السواقة بتاعتك .............. يعني من الثبات .......... بتدوس بنزين بشدة + فرامل بشدة وهكذا + في اشارات المرور ..........ز بتكون أول عربية منطلقة ؟؟؟؟؟؟؟؟؟؟؟؟؟

لأ اسكندرية لما بتقفل وبالذات وقت خروج المدارس يبقى انتهت تماما بالذات من 1:30 الى 3:30
بس انا مش فاهم اذاى بردة حتكون اقل ؟؟! طريقة سواقتى عادية مش بحرق يعنى اصلا مفيش مجال للجرى فى الشوارع دى ... بس ممكن تكون رجلى تقيلة شوية مع فتحة الاشارات عشان اكسب مساحة بسبب حجم العربية

ماشى ياباشا اوك جارى التجارب !