الموضوع: سؤال ضروري لخبراء المونديو

السلام عليكم
انا جبت مونديو 97 1600 في اسكندرية وكنت باوضب فيها شوية حاجات ودخلت دوكو واستلمتها النهاردة بس حصل معايا موقفين مش فاهمهم وياريت حد يفهمني
أولا أنا ركبت جهاز انذار بس بعد ما ركب العربية مرضتش تدور ابدا وبعدين صوت الونة اللي بيجي اما تفتح كونتاكت راح المهم الكهربائي قعد يدور علي السبب لحد ما لقي حتة كدة معدن فبها حاجة زي زرار احمر موجودة جنب الفيوزات كانت هي اللي بتفصل المهم داس علي الزرار اشتغلت بعدها العربية وبعد ما بطلت جيت ادور تاني عملت نفس العطل فقام فصلها من الدايرة ووصل الاسلاك وشغل العربية (يا تري ايه الحتة دي؟)
تاني حاجة كنت مغير حساس حرارة والانبير بقي شغال تمام والعربية كانت علي حرف ال n في الامبير بس لقيت دخان طالع من الموتور رغم اني كنت متأكد ان قربة المية مليانة شوية بقي والعربية برجست خالص والدخان بقي للركب بطلت العربية وجيت أدور بقيت تدور ومتقبلش مني بنزين ابدا يعني شغالة علي السلانسيه بس فتحت الكبوت لقيت سلك من حساس جنب وش السلندر كدة مفصول وصلته بقيت ازود بنزين عادي بس فضلت سخنة
جه الكهربائي لقي الموتور ناااااار والامبير طبيعي المهم فك خرطوم الفايظ ملقاش ولا نقطة مية راجعة من الردياتير والقربة فيها حبة مية المهم فضل يزود مية و نبطل وندور لحد ماجاب الخرطوم مية
هو بيقول ان دورة المية كان واصلها هوا جامد منع المية انها تمشي وان كدة خلاص تمام وفعلا العربية بردت بس انا مش عارف كلامه صح ولا لأ
بالله عليكم حد يفيدني في الموضوع ده ويكون متأكد من كلامه انا نفسب اركب العربية وخايف عشان الصنايعية حيبقوا قافلين الحد اسف علي الاطالة وشكرا مقدما