الموضوع: اللي عربيته ضاعت يروح لسيدنا الشيخ

من حوالي شهر ناس قرايبنا متعلمين متدينين صلاة وصوم وحج والتزام تام في الزي الاسلامي الشرعي نصحونا نلجأ لشيخ معين هايقدر يلاقي العربية
رفضنا رفضا تاما مجرد التفكير في السكة دي وتغور العربية لو فعلا هاتيجي بالطريقة دي
وسطوا حد تاني ياخد مننا بياناتها وعرفناه البيانات بحسن نية وبعد كدة عرفنا انه هايوصلاها لقرايبنا بتوع الشيخ
والله اذا كان دول ولا دول مشكورين على مشاعرهم الطيبة بس احنا قدام ربنا سبحانه وتعالى براءة من ذنب زي ده
وقولنا لهم مش هو شيخ بيعرف كل حاجة معرفش اسم صاحب العربية وبيانتها لوحده ليه
قعدنا نحاول نفهمهم مدى حرمانية اللجوء لناس زي دي وان في علماء ادرجوا الاستعانة بالكهنة والعرافين تحت بند الشرك ولو هو بيستعين بالجن المسلم ففيه خلاف بين العلما والافضل والاحوط تجنب ذلك بس تقول لمين !!!! ونقولهم والله العربية متهمناش خلاص ريحوا نفسكم مفيش فايدة
قولنا احنا عملنا اللي علينا وحاولنا نفهمهم بلاش اللجوء للطرق دي
المهم بقى ان الشيخ مش مقتنع ان يكون في وسيط بين صاحب العربية وبينه وعايز جوزي يكلمه شخصيا
زوجي قالهم ده دليل على انه افاك لو بايده حاجة كان عمل مهي البيانات عنده لكن هو اللي يهمه واحد جديد يدخل في حزب العصاه ووالله لو هتيجي من وراه فعلا مش عايزها
انا بصراحة كنت مصدومة في قرايبنا دول ومصدومة ان الدين عندهم مظهر وصلاة وصوم لكن العقيدة فيها خلل كبير للاسف كان نفسي اقولهم لولا خوفت اتفهم غلط انهم يخلوا الشيخ يحل لهم مشاكلهم الاول واللي متجوزتش يجوزها واللي مش شغال يشغله
ولا حول ولا قوة الا بالله

مره كنت راكب مكروباص وكنت متخانق مع السواق بس هو جاب ورا وخاف وعدى الموضوع
وبعد كده قعد يتكلم معايا يصلحنى يعنى
وبيسالنى انت منين والكلام ده
وقلى انه اتسرق منهم عربيه وراحو لشيخ قلهم ده موجوده فى شارع الكبلات ومتغطيه بغطاء اسود وراحو يلفو عليها طول الليل مش لقو حاجه
وكل الكلام ده نصب