طبعا انا بقالي فترة عاوز اعمل صيانة ال 100 الف بس كنت مشغوول حبتين ...وكنت هعملها في مركز الغد ... بس قلت اسمع كلام الاخوة واروح اجرب مركز عصام صفا ...
توكلت على الله ورحت النهاردة وعملت الصيانة والحمد لله ودي بقة ملاحظاتي السريعة ..
1.. طبعا انا كان عندي مشكلة لمبة cheack engine بتنور .. يعني كانت بتروح وتييجي وخصوصا على السرعات العالية ... المهم الحمد لله دخلت عندهم واللمبة منورة ... قالولي مفيش مشكلة وهتنحل ... انطباع مبدأي جميل:ilikeit:
2.. طبعا زي ما الاخوة تفضلوا قالو هتروح المركز هتشوف عربيتك بتتصلح ازاي وتقف عليها ... بس للاسف مالقيتش الكلام ده ... نوعا ما كنت بختلس النظر لان مهندس الاستقبال بيقوللي ممنوع لانه بينخصم من المهندس الشغال لو وقفت جنبه .. بس كان احيانا هوة بيناديني علشان حاجات معينة ... او ساعات انا كنت بتلصص بدافع الفضول اشوف العربية وخصوصا اني كانت اول مرة اشوفها من تحت ... (طبعا كنت عاوز اشوف بصمات مطبات بلادنا الجميلة ) وبالفعل عاملالي تذكار جميل ...
3... بدا الحوار بقة ... انا طبعا جبت زيت كاسترول معايا وقلت اعمل صيانة 100 الف مرة واحدة مع تغيير الزيت ... المهندس لما رفع العربية قاللي حاجات غريبة ... العربية متبهدلة ... الفتيس بايظ او اوشك انه ينتهي ... عاوزلك فتيس جديد ... انا قلبي كان هيقف ... العربية لسة مكملتش معايا كم شهر ودخلت في مواال فتيس ... المهم قاللي هنغيرلك زيت الفتيس وانت وحظك ... يا صابت يا خابت ... الزيت بيقوللي بقاله فتره جامدة ما تغيرش مع اني متاكد انه متغير قريب ...
4... طبعا بعد ما غير زيت الماتور والفلاتر والبوجيهات وغير زيت الفتيس وطلع يجرب العربية ... مية مية ...طيب
5... استلمت العربية بعد ما دفعت الفاتورة وقاللي المهندس عصام اللمبة دي مش هتنور تاني لاننا نضفنا الفلاتر وظبطنا كل حاجة ... وانها بتنور من البنزين ... بنزين مغشوش او مخلوط بمية مع اني بمون من انضف بنزينة هنا ... المهم خلاص مشيت بالعربية...
6... طبعا العربية ماشاء الله السحب اتغير وبقت مية مية وماشيين مزاجنا عالي ...
7... فجاة لقيت العربية سخنت جامد والمؤشر عدا التسعين بكتير ... انا خفت وكنت هركن على جنب بس لقيتها رجعت تاني لتحت التسعين ... الكلام ده حوالي سبع او تمن مرات ... والعربية مولعة من جوة ومن برة ... ده كمان غير ان اللمبة cheack engineرجعت تنور تاااااااااااااااني :_Alshmokh08[1]:
طبعا لما نورت تاني الغيار مسك سرعة واحدة وبطل ينقل والماتور صوته علي اوي ...
طبعا الواحد اتعصب جامد ... وكاني معملتش حاجة .. كلمتهم تاني في التوكيل قالولي تعال بكرة بدري ... قلت ان شاء الله ومشيت وانا مزاجي متعكر...
كان عندي معاد مع واحد في مصر رحت ركنت العربية ورحت معاه كم مشوار حوالي ساعتين ورجعت ...
8 ... طبعا لما خلصت رجعت للعربية وانا قرفان منها وكان في دماغي اني ابيعها واخلص منها نهائي ومن وجع الدماغ ده ...
بسم الله وطالع ... وانا خايف ...
ركبت العربية وطلعت الحمد لله اللمبة بطلت تنور واشد في السرعة حبتين ...العربية ... بسم الله ماشاء الله لقيت العربية اختلفت تماما بقت افضل حتى من لما استلمتها ... سحب قوي وتوازن رهيب ... كنت ماشي تقريبا بين 100 و 140 والحمد لله ... العربية ما قلتش حاجة ... قلت اقرص عليها اشوف المؤشر يتاع الحرارة هيزيد تاني ولا cheack engine هيظهر بس الحمد لله ... اخدت الطريف في حوالي ساعتين وشوية .. مع شد وقرص والحمد لله ... ده اللي خلاني مستغرب ...
9 ... تهاية الكلام لاني طولت بس حبيت اسرد بعض التفاصيل المهمة ... طبعا الناس في مركز عصام صفا قمة في الاحترام بغض التظر عن بعض السلوكيات اللي انا محبتهاش ... لاني بصراحة فضولي واحب اقف على حاجتي من غير ما الاقي لوم ... بس بجد ناس محترمة وعارفة شغلها كويس ...
10 ... اخواني من اهل الخبرة ... اول مرة المؤشر يعدي التسعين معاية ويرجع ...هل كدة يبقى في مشكلة ... وايه موضوع اني اغير الفتيس ده علشان الزيت كان راشح من تحت ...
الحمد لله العربية معايا زي الفل وربنا يحفظها ... بعد ما كنت بفكر جديا اني اخلص منها ...
اسف على الاطالة بس حبيت الفايدة تعم على الجميع ...