انا عارف انو سؤال ملوش لزمه بس عشانفي واحد صحبي معاندني في الحكايه دي
فقلت اسئلكم
هل في فرق في السحب بين فيكترا ب 1.6 مانيوال و فيكترا ب 2.0 اوتو
هو معاه ال1.6 و انا معاي 2.0
و بيقلي ان سحب عربيته احسن من عندي عشان هو مانيوال و بيقلي لو شد معايا حيطلع مني بسهوله
بس ده طبعا مش هنفع لاني بشوفه كل فين و فين عشان هو في القاهره و انا في الاسكندريه
و مش معقول نسيب اشغالنا و نتفابل عشان نشد بالعربيات
المهم قلتله يا حبيبي في فرق بين عرييتك و عربيتي في حجتين
1- انا 2000cc و انتا 1600cc
2- انا 115 حصان انتا 75 حصان
و علي فكره انا لسه مجرب العربيه امبارح في طريق فاضي قلت اتاكد العربيه هتجيب 100km/h في كام ثانيه
رحت محضر استوبواتش و طالع
النتيجه 0 الي 100 11.6ثانيه
و الي اعرفه تقريبا و مكتوب في الكتالوج ان ال2000cc من 0 الي100 في 12 ثانيه و كسور
المهم قلتله الكلام ده كله و هو برده لسه موصر علي رايه
انه حيجبني عشان هو مانيوال و انا اوتوماتك
انا تعبت معاه و مش عارف اقله ايه بعد كده
قلولي اتصرف معاه ازاي
وقلولي المانيوال بتجيب 100 في كام ثانيه
و ايه رايكم في سرع تجميع عربيتي من 0 الي 100 في 11.6 ثانيه
معلش انا عارف ان الموضوع مش مهم
بس انا زهقت من الحكايه دي
المفضلات