عرض للطباعة
بعد السلام والتحية
ظهرت مشكله من يومين فى عربيتي اللى هيا فليشيا 2000 انجكشن وبحطلها بنزين 92
اكون ماشي بيها والسحب طبيعي جدا وممتاز وفجأة تنتش مرة وبعدها تقطع خالص:majd(4): يعنى انوار التابلوه كلها تنور
اركن على جنب وادور ... مفيش فايدة :fdsa:
لازم اسيبها 10 دقايق وبعدها تدور ثانيتين وتفصل ... ادور تانى تدور عادىوامشي وبعد 15 دقيقة تقريبا تعمل نفس الحكاية وابدأ من جديد:I_angr1[1]::B4_611:
كهربائي شافها قالى غير الموبينة ... غيرتها ونفس القصة :_Alshmokh11:
مش عارف العيب منين ؟
ارجو المساعدة
المشط هو السبب
هوه الانجكشن فيها مشط ؟
انا اعرف ان الفليشيا الانجكشن المشط مدمج فى الموبينة ولا ايه ؟
شكرا
انا بكلمك على اللى عندى بس الانجيكشن مش بفهم فيه اوى بص العيب دا ممكن يكون طرمبه بنزين لو بتحس ان العربيه بتنحر بص عليها انما حته الانجكشن دى انا مش هقدر افيدك فيها
راجع دورة البنزين أحتمال وجود سدد وكذلك فلتر البنزين من أمتى أخر مرة غيرته..؟
أتأكد من دورة البنزين انها شغالة كويس ( طرمبة + نظافة الرشاشات والمواسير )
اتأكد من الموبينة ممكن تكون بتفصل اول متسخن فتعمل معاك كده وبعد 10 دقايق تكون بردت فتشتغل وهكذا فأتأكد منها
ده كلام زى الفل .اقتباس:
المشاركة الأصلية كتبت بواسطة amr_azab
واحب ان ازيد ..................... وشوف اسلاك البوجهات .
انا عندى كانت بتعمل زيك كدة بالضبط بس انا 97 كاربراتير, اكشفت ان المشط مكنش متثبت كويس فى حوض الموتور وبعد مثبته كويس المشكلة راحت
مش عارف المشط دة موجود فى الانجكشن ولا لأ
انا كان عندي نفس المشكلة في الجيتز وطلع حاجة اسمها حساس الكرنك .
وممكن تكون طرمبة البنزين .
العربية عند الكهربائي ... وبيتكشف عليها على الجهاز ... واول ما اعرف المشكله هابلغكم على طول
والف شكر على التعاون يا رجالة
موبينه ان شاء الله , غيرها تانى و اسمع كلامى
الحمد لله يا شباب المشكلة اتحلت
والعيب طلع حساس الكرنك بيهييس لما بيسخن
غيرته والحمد لله عملت مشوار طويل من وسط البلد لاخر الهرم ومفيش مشاكل
شكرا لكل واحد من رجالة المنتدى حاول يساعد
العفو يا باشا احنا كلنا أخوات والحمدلله انك عرفت المشكلة وأتحلت
الحمد لله ان المشكله اتحلت
بس انت غيرت حساس الكرنك ده بكام و عند ميين
الحساس اشتريتة مستعمل بس بيلمع ب 50 ج من الوكالة
وانا ركبته ... سهل خالص يعنى بتفك فيشة ومسمار 10
الحمد الله على كل حال ومشكور على المتابعة بعد حل المشكلة